Read kumam Jeremías 45 Bible Online

Jeremías 45 - kumam bible

Jeremías 45

¹Tuj tkyajin ab'q'i ttzyetlen tkawin Joacim aju rey te Judá ex tky'ajal Josías, ex tej lutoq Baruc aju tky'ajal Nerías in tz'ib'antoq ti'j ju in tzaj tma'n Jeremías te, aju t-sanjel Dios, xi tma'n Jeremías te Baruc kyja':

²Chi Qman aju Kydios aj Israel teya:

³Aya Baruc in tma'na kyja': B'ek'b'il nwitze, kukx in tzaj tq'o'n Qman b'is ex k'ixk'oj wi'je. Ma chin sikte tu'n oq'el ex minti' in chin b'anixe, chitzuna.

⁴Ex ma tzaj tma'n Qman weye tu'n t-xi nma'ne teya kyja': Chi Qman: Kb'el nxitune aju jaw nb'incha'ne, kjawitz nb'aqo'ne aju ku'x wawa'ne, ex kyja'xtzun kb'antel wu'ne tuj tkyaqil twitz tx'otx'.

⁵¿Maj taja tu'n ttzaj q'o'n jun toklena ma'xix? Mi'n ximana ti'j jlu, ex kxel nsama'ne k'ixb'isab'l kyib'aj kykyaqil xjal, atzun teya kletela wu'ne noq jatum ma txi'ya. Aqine Dios in chin q'mante jlu, chi Jeremías te Baruc.