Read kumam Números 26 Bible Online

Números 26 - kumam bible

Números 26

¹Tik'lenxi tx'u'j yab'il lu, tzaj yolin Qman tuk'il Moisés ex tuk'il Eleazar aju tky'ajal pal Aarón ex tma:

²Kyi'n jawe kyajlal kykyaqil aj Israel ik tza'nx kyajlal junjun k'loj; ktzajelx qe' kyu'ne kyi'j qeju ma japun winqin ab'q'i kyu'n ex ma b'ant tu'n kyxi' tuj q'oj.

³Tujtzun tchq'ajlajil tx'otx' Moab aju tkub' ttzi nima Jordán, tumlal twitz Jericó, xi tma'n Moisés ex ju pal Eleazar kye aj Israel

⁴tu'n tjaw kyi'n kyajlal qe xinaq otoq japun winqin ab'q'i kyu'n, ik tza'nx otoq tzaj tma'n Qman te Moisés. Atzun qe aj Israel e je'tz tuj Egipto jlu:

⁵Qe k'loj tiyjil Rubén aju nej tky'ajal Israel, atzun qe jlu: qe tiyjil Enoc, qe tiyjil Falú,

⁶qe tiyjil Hezrón ex qe tiyjil Carmi;

⁷tza'nx tajlal jaw, japun 43,730 xinaq tiyjil Rubén.

⁸Aju tky'ajal Falú, atzun Eliab,

⁹ex qe tky'ajal Eliab atzun qe jlu: Nemuel, Datán ex Abiram. Ate Datán tuk'ix Abiram aqeju attoq kyoklen kyxol qe xjal q'ol nab'l, jaw kyi'n kyib' ti'j Qman ex ti'j Moisés ex Aarón junx tuk'il Coré;

¹⁰ex el k'ab'chaj tx'otx' ex e je'x tz'aq kykab'il tuj, tuk'ix Coré xi tz'aq tej kyb'aj kyim qeju mojl kyyol kyuk'il, ex tej kyb'aj kyim 250 xinaq tu'n q'aq'. Ajb'en jlu te jun yek'b'il kye txqantl.

¹¹Maske ikju ex minti' e kyim tk'wa'l Coré.

¹²Qe k'loj tiyjil Simeón, atzun qe jlu: Qe tiyjil Nemuel, qe tiyjil Jamín, qe tiyjil Jaquín,

¹³qe tiyjil Zera ex qe tiyjil Saúl.

¹⁴Tza'nx tajlal jaw, japun 22,200 xinaq tiyjil Simeón.

¹⁵Qe k'loj tiyjil Gad, atzun qe jlu: Qe tiyjil Zefón, qe tiyjil Hagui, qe tiyjil Suni,

¹⁶qe tiyjil Ozni, qe tiyjil Eri,

¹⁷qe tiyjil Arod ex qe tiyjil Areli.

¹⁸Tza'nx tajlal jaw, japun 40,500 xinaq tiyjil Gad.

¹⁹Qe tky'ajal Judá e kyim tuj tx'otx' Canaán, atzun qe jlu, Er tuk'ix Onán.

²⁰Qe k'loj tiyjil Judá, atzun qe jlu: Qe tiyjil Sela, qe tiyjil Fares ex qe tiyjil Zera.

²¹Qe k'loj tiyjil Fares, atzun qe jlu: Qe tiyjil Hezrón ex qe tiyjil Hamul.

²²Tza'nx tajlal jaw, japun 76,500 xinaq tiyjil Judá.

²³Qe k'loj tiyjil Isacar, atzun qe jlu: Qe tiyjil Tola, qe tiyjil Púa

²⁴qe tiyjil Jasub ex qe tiyjil Simrón.

²⁵Tza'nx tajlal jaw, japun 64,300 xinaq tiyjil Isacar.

²⁶Qe k'loj tiyjil Zabulón, atzun qe jlu: Qe tiyjil Sered, qe tiyjil Elón ex qe tiyjil Jahleel.

²⁷Tza'nx tajlal jaw, japun 60,500 xinaq tiyjil Zabulón.

²⁸Qe k'loj tiyjil José, atzun qe jlu: Manasés ex Efraín.

²⁹Ti'j Manasés, jun k'loj tiyjil Maquir; ti'j Maquir, jun k'loj tiyjil Galaad.

³⁰Qe k'loj kyiyjil Galaad, atzun qe tiyjil Jezer, qe tiyjil Helec,

³¹Qe tiyjil Asriel, qe tiyjil Siquem,

³²qe tiyjil Semida ex qe tiyjil Hefer.

³³Ate Zelofehad aju tky'ajal Hefer minti' tky'ajal e tzaj, noq o'kx tme'jel, ex atzun kyb'i lu: Maala, Noa, Hogla, Milca ex Tirsa.

³⁴Tza'nx tajlal jaw, japun 52,700 xinaq tiyjil Manasés.

³⁵Qe k'loj tiyjil Efraín, atzun qe jlu: Qe tiyjil Sutela, qe tiyjil Bequer ex qe tiyjil Tahán.

³⁶Ti'j Sutela at jun k'loj tiyjil Erán.

³⁷Tza'nx tajlal jaw, japun 32,500 xinaq tiyjil Efraín. Atzun qe tiyjil José jlu, tuj k'lojin kyten ik tza'nx kyiyjil.

³⁸Qe k'loj tiyjil Benjamín, atzun qe jlu: Qe tiyjil Bela, qe tiyjil Asbel, qe tiyjil Ahiram,

³⁹qe tiyjil Sufam, ex qe tiyjil Hufam.

⁴⁰Qe k'loj tiyjil Bela, atzun qe jlu: Qe tiyjil Ard, ex qe tiyjil Naamán.

⁴¹Tza'nx tajlal jaw, japun 45,600 xinaq tiyjil Benjamín.

⁴²Ti'j Dan jun k'loj tiyjil Súham.

⁴³Tza'nx tajlal jaw, japun 64,400 xinaq tiyjil Dan.

⁴⁴Qe k'loj tiyjil Aser, atzun qe jlu: Qe tiyjil Imna, qe tiyjil Isúi ex qe tiyjil Bería.

⁴⁵Qe k'loj tiyjil Bería, atzun qe jlu: Qe tiyjil Heber ex qe tiyjil Malquiel.

⁴⁶Ex attoq jun tme'jel Aser, Sera tb'i.

⁴⁷Tza'nx tajlal jaw, japun 53,400 xinaq tiyjil Aser.

⁴⁸Qe k'loj tiyjil Neftalí, atzun qe jlu: Qe tiyjil Jahzeel, qe tiyjil Guni,

⁴⁹qe tiyjil Jezer ex qe tiyjil Silem.

⁵⁰Tza'nx tajlal jaw, japun 45,400 xinaq tiyjil Neftalí.

⁵¹Aju kyajlal aj Israel jaw, japun 601,730 xinaq tu'n tkyaqilx.

⁵²Tzaj yolin Qman tuk'il Moisés ex tma:

⁵³Kyxoltzun qe xinaq lu, kb'el sipet tx'otx' ik tza'nx kyajlal ma jaw.

⁵⁴Te kye qe k'loj mas nim kyb'aj, kxel q'ot jun piẍ kytx'otx' mas matij, atzun kye qe k'loj nik'xi kyb'aj, kxel q'ot jun piẍ kytx'otx' mas nik'xi ch'in. Teyle junjun k'loj kxel q'ot jun piẍ kytx'otx' ik tza'n kyajlal ma jaw.

⁵⁵Tuj swert kb'ajel sipet tx'otx'. Teyle junjun k'loj kyiyjil tz'ib'an tuj list kxel tetzb'il.

⁵⁶Kb'ajel sipet kyetzb'il ok tjaw swert kyxol qeju k'loj nim kyb'aj ax ikx qeju mya nim kyb'aj, chi Qman.

⁵⁷Qe k'loj tiyjil Leví e ok te tajlal tej tjaw kyajlal, atzun qe jlu: Qe tiyjil Gersón, qe tiyjil Coat ex qe tiyjil Merari.

⁵⁸At txqantl k'loj tiyjil Leví, atzun qe jlu: Qe tiyjil Libni, qe tiyjil Hebrón, qe tiyjil Mahli, qe tiyjil Musi ex qe tiyjil Coré. Ate Coat tman Amram.

⁵⁹Jaw moje' Amram tuk'il Jocabed aju tme'jel Leví, ex atzun itz'j Jocabed tej tten Leví tuj Egipto. Ate Amram kyman Aarón, Moisés ex María, ex Jocabed tb'i kytxu'.

⁶⁰Qe tky'ajal Aarón, atzun qe jlu: Nadab, Abiú, Eleazar ex Itamar.

⁶¹Ex otoq kyim Nadab ex Abiú tu'nju kub' kyq'o'n jun q'aq' twitz Qman, aju minti' otoq txi q'ma'n kye tu'n tkub' kyq'o'n.

⁶²Aju kyajlal qe xinaq tiyjil Leví tzaj qe' kyi'j qeju matoq jun xjaw kyul-len itz'j, japun 23,000 tu'n tkyaqilx. Aqe jlu minti' otoq che ok te tajlal kyuk'il txqantl aj Israel, porke minti' jun kyetzb'il tu'n t-xi q'o'n.

⁶³Atzun jun tajlal lu jaw kyi'j aj Israel tu'n Moisés ex tu'n pal Eleazar tuj tchq'ajlajil tx'otx' Moab, tkub' ttzi nima Jordán tumlal twitz tnam Jericó.

⁶⁴Kyxol kykyaqil jlu mi jun itz'xtoq kyxol qeju ku'x tz'ib'an kyb'i tej tjaw tnejel maj kyajlal kyu'n Moisés ex Aarón tuj tzqij tx'otx' t-xe witz Sinaí,

⁶⁵tu'nju otoq tma Qman tu'n kykyim tuj tzqij tx'otx'. Kyja'tzun misikyer jun kye kyaj anq'in, noq o'kx te Caleb aju tky'ajal Jefone, tuk'ix Josué aju tky'ajal Nun.