Read kumam Números 30 Bible Online

Números 30 - kumam bible

Números 30

¹Xi tma'n Moisés kye nejenel kye kykyaqil k'loj kyiyjil aj Israel kyja': Atzun jlu in tma'n Qman:

²Qa at jun xjal ma tzaj ttziyan jun tyol weye, qa tu'n tb'ant jun ti'xti tu'n, ex qa tu'n mi'n tb'ant jun ti'xti tu'n, il ti'j tu'n tjapun tyol ex tu'n tb'inchante tkyaqil aju otoq tzaj ttziyan.

³Qa at jun q'apoj ax ta' tuj tja tman ma tzaj ttziyan jun tyol weye, qa tu'n tb'ant jun ti'xti tu'n ex qa tu'n mi'n tb'ant jun ti'xti tu'n,

⁴qa ma tb'i tman aju yol otoq tzaj ttziyan weye ex qa juntl ti'xti otoq txi ttziyan, ex qa minti' ma q'ajt tman tu'n tlaj jlu, iltzun ti'j tu'n tjapun tu'n q'apoj aju yol otoq tzaj ttziyan weye, ex qa juntl ti'xti otoq txi ttziyan.

⁵Qatzun minti' ma txi q'o'n amb'il te tu'n tman tu'n tjapun tu'n aju otoq txi ttziyan, myatzun il ti'j tu'n tjapun tu'n aju yol otoq tzaj ttziyan weye, ex qa juntl ti'xti otoq txi ttziyan. Mlaytzun tz'ok nq'o'ne il ti'j tu'n tjapun tu'n, tu'nju minti' otoq txi q'o'n amb'il te tu'n tman.

⁶Qa at jun xu'j ma moje' tuk'il tchmil ex na'nxtoq tjapun tu'n aju yol otoq tzaj ttziyan weye, ex qa juntl ti'xti otoq txi ttziyan,

⁷qa ma tb'i tchmil aju yol tziyimaj tu'n ex qa minti' ma q'ajt tu'n tlaj jlu, iltzun ti'j tu'n tjapun tu'n xu'j aju yol otoq tzaj ttziyan weye, ex qa noq alkyexku yol otoq txi ttziyan.

⁸Qatzun minti' ma txi q'o'n amb'il te tu'n tchmil tu'n tjapun tu'n aju yol otoq txi ttziyan, myatzun il ti'j tu'n tjapun tu'n aju yol otoq tzaj ttziyan weye, ex qa noq alkyexku yol otoq txi ttziyan. Ex mlaytzun tz'ok nq'o'ne il ti'j tu'n tjapun tu'n.

⁹Qatzun otoq kyim tchmil xu'j, ex qa noq otoq kub' tpa'n tib' tuk'il tchmil, aju ktzajel ttziyan jun yol weye, il ti'j tu'n tjapun tu'n tkyaqilju otoq tzaj ttziyan.

¹⁰Qatzun mejeb'ni xu'j ktzajel tziyante jun yol tu'n tb'ant jun ti'xti tu'n,

¹¹qatzun ma tb'i tchmil ex minti' ma q'ajt tu'n tlaj jlu, iltzun ti'j tu'n tjapun tu'n xu'j aju yol otoq tzaj ttziyan weye, ex qa noq alkyexku yol otoq txi ttziyan.

¹²Qatzun ma tb'i tchmil ex qa minti' ma tzaj tq'o'n amb'il te tu'n tjapun tu'n aju yol otoq txi ttziyan, myatzun il ti'j tu'n tjapun tu'n xu'j, tu'nju otoq kub' tq'uchin tchmil aju yol tziyimaj tu'n. Mlay tz'ok nq'o'ne il ti'j tu'n tjapun tu'n.

¹³Jaku txi tkyuwsa'n chmilb'aj ex jaku kub' tq'uchin noq alkyex jun yol otoq txi ttziyan t-xu'jil tu'n tjapun tu'n ex qa tu'n mi'n tjapun tu'n.

¹⁴Qatzun ma tb'i chmilb'aj ex minti' ma q'ajt tu'n tlaj jlu tb'ajlenxi jun q'ij ex qa kab'e, che kyuwsetel qe yol otoq che'x ttziyan t-xu'jil, tu'nju minti' otoq q'ajt tchmil.

¹⁵Qatzun ma kub' tq'uchin chmilb'aj ex otoq tz'el q'ij tb'intlen, atzunte chmilb'aj at til ti'j ju minti' otoq japun tu'n t-xu'jil.

¹⁶Atzun qe ley lu tzaj tma'n Qman te Moisés tu'n tajb'en te xinaq tuk'il t-xu'jil, ex tu'n tajb'en te mamb'aj tuk'il tme'jel ok matoq q'apojx ex qa axtoq ta' tja tman.