Read kumam Números 33 Bible Online

Números 33 - kumam bible

Números 33

¹Atzun qe lugar lu jatum e kub' ten aj Israel tej kyb'et, tej kyetz tuj Egipto tuj k'lojin kyten ik tza'n soldad, ẍaqlu'n qe tu'n Moisés ex tu'n Aarón.

²Kub' ttz'ib'an Moisés kyb'i teyle junjun lugar jatum e kub' ten junjun maj, ik tza'nx o tma Qman te. Atzun qe lugar lu jatum e kub' ten ex jatum in che ik' b'et juntl maj.

³E je'tz aj Israel tuj tnam Ramesés tuj olaj tajlal tnejel xjaw te ab'q'i, matoq jun q'ij tb'ajlen kyik'sa'n Xjan Q'ij. E je'tz tuk'il nim tipumal Dios kywitz kykyaqil aj Egipto,

⁴tej matoq in che maqun aj Egipto kyi'j nej kyky'ajal, aqeju otoq che kyim tu'n Qman, tu'nju otoq kub' kysentens kydios aj Egipto tu'n Qman.

⁵E je'tztzun aj Israel tuj tnam Ramesés ex e kub' ten tuj lugar Sucot.

⁶Kyik'lenxi tuj lugar Sucot, e kub' tentl tuj lugar Etam ttxa'n tzqij tx'otx'.

⁷Kyik'lenxi tuj lugar Etam, e q'on welt tu'n kypon tuj lugar Pi-hahirot, aju tkub'sa'n tuj tjawitz q'ij te lugar Baal-zefón, ex atzun e kub' tentl tumlal twitz lugar Migdol.

⁸Kyik'lenxi tuj lugar Pi-hahirot, e ik'x tuj mar ex e pon tuj lugar tzqij tx'otx'. Ox q'ij e b'et tuj lugar tzqij tx'otx' Etam, ex atzun e kub' tentl tuj lugar Mara.

⁹Kyik'lenxi tuj lugar Mara, e pon tuj lugar Elim jatum attoq kab'laj twi a' ex 70 wi' tqan xa'j, ex atzun e kub' tentl.

¹⁰Kyik'lenxi tuj lugar Elim, atzun e kub' tentl ttzi mar Kyaq Ke'yin.

¹¹Kyik'lenxi ttzi mar Kyaq Ke'yin, atzun e kub' tentl tuj tzqij tx'otx' Sin.

¹²Kyik'lenxi tuj tzqij tx'otx' Sin, atzun e kub' tentl tuj lugar Dofca.

¹³Kyik'lenxi tuj lugar Dofca, atzun e kub' tentl tuj lugar Alús.

¹⁴Kyik'lenxi tuj lugar Alús, atzun e kub' tentl tuj lugar Refidim jatum minti'toq a' te kyk'a aj Israel.

¹⁵Kyik'lenxi tuj lugar Refidim, atzun e kub' tentl tuj tzqij tx'otx' t-xe witz Sinaí.

¹⁶Kyik'lenxi tuj tzqij tx'otx' t-xe witz Sinaí, atzun e kub' tentl tuj lugar Kibrot-hataava.

¹⁷Kyik'lenxi tuj lugar Kibrot-hataava, atzun e kub' tentl tuj lugar Hazerot.

¹⁸Kyik'lenxi tuj lugar Hazerot, atzun e kub' tentl tuj lugar Ritma.

¹⁹Kyik'lenxi tuj lugar Ritma, atzun e kub' tentl tuj lugar Rimón-perez.

²⁰Kyik'lenxi tuj lugar Rimón-perez, atzun e kub' tentl tuj lugar Libna.

²¹Kyik'lenxi tuj lugar Libna, atzun e kub' tentl tuj lugar Rissa.

²²Kyik'lenxi tuj lugar Rissa, atzun e kub' tentl tuj lugar Ceelata.

²³Kyik'lenxi tuj lugar Ceelata, atzun e kub' tentl t-xe witz Sefer.

²⁴Kyik'lenxi t-xe witz Sefer, atzun e kub' tentl tuj lugar Harada.

²⁵Kyik'lenxi tuj lugar Harada, atzun e kub' tentl tuj lugar Macelot.

²⁶Kyik'lenxi tuj lugar Macelot, atzun e kub' tentl tuj lugar Tahat.

²⁷Kyik'lenxi tuj lugar Tahat, atzun e kub' tentl tuj lugar Tara.

²⁸Kyik'lenxi tuj lugar Tara, atzun e kub' tentl tuj lugar Mitca.

²⁹Kyik'lenxi tuj lugar Mitca, atzun e kub' tentl tuj lugar Hasmona.

³⁰Kyik'lenxi tuj lugar Hasmona, atzun e kub' tentl tuj lugar Moserot.

³¹Kyik'lenxi tuj lugar Moserot, atzun e kub' tentl tuj lugar Bene-jaacán.

³²Kyik'lenxi tuj lugar Bene-jaacán, atzun e kub' tentl tuj lugar t-xe witz Gidgad.

³³Kyik'lenxi tuj lugar t-xe witz Gidgad, atzun e kub' tentl tuj lugar Jotbata.

³⁴Kyik'lenxi tuj lugar Jotbata, atzun e kub' tentl tuj lugar Abrona.

³⁵Kyik'lenxi tuj lugar Abrona, atzun e kub' tentl tuj lugar Ezión-geber.

³⁶Kyik'lenxi tuj lugar Ezión-geber, atzun e kub' tentl tuj lugar Cades tkub'sa'n tuj tzqij tx'otx' Zin.

³⁷Kyik'lenxi tuj lugar Cades, atzun e kub' tentl t-xe witz Hor tkub'sa'n tmojonil Edom.

³⁸Jax pal Aarón twi witz Hor ik tza'nx otoq tma Qman te, ex atzun o kyim ma chixin tuj tnejel q'ij te tjwe'yin xjaw tej tjapun 40 ab'q'i kyetzlen aj Israel tuj Egipto.

³⁹Otoq japun Aarón twi' 123 ab'q'i tej tkyim twi witz Hor.

⁴⁰At jun aj Canaán toktoq te rey tuj tnam Arad, ex najltoq tuj Néguev te Canaán, o tb'i qa kyja' kypon aj Israel.

⁴¹Kyik'lenxi aj Israel t-xe witz Hor, atzun e kub' tentl tuj lugar Zalmona.

⁴²Kyik'lenxi tuj lugar Zalmona, atzun e kub' tentl tuj lugar Punón.

⁴³Kyik'lenxi tuj lugar Punón, atzun e kub' tentl tuj lugar Obot.

⁴⁴Kyik'lenxi tuj lugar Obot, atzun e kub' tentl tuj lugar Ije-abarim, tkub'sa'n tuj tmojonil kytx'otx' aj Moab.

⁴⁵Kyik'lenxi tuj lugar Ije-abarim, atzun e kub' tentl tuj lugar Dibón-gad.

⁴⁶Kyik'lenxi tuj lugar Dibón-gad, atzun e kub' tentl tuj lugar Almón-diblataim.

⁴⁷Kyik'lenxi tuj lugar Almón-diblataim, atzun e kub' tentl kyxe witz Abarim tuj tjawitz q'ij te witz Nebo.

⁴⁸Kyik'lenxi kyxe witz Abarim, atzun e kub' tentl tuj tchq'ajlajil tx'otx' Moab, tkub'sa'n ttzi nima Jordán tumlal twitz tnam Jericó.

⁴⁹Axtzun e kub' ten ttzi nima Jordán xi'x qe' kytxa'n tuj lugar Bet-jesimot ex max pon b'aj tuj lugar Abel-sitim kyuj tchq'ajlajil tx'otx' Moab.

⁵⁰Tzaj yolin Qman tuk'il Moisés kyuj tchq'ajlajil tx'otx' Moab, ttzi nima Jordán tumlal twitz tnam Jericó ex tma:

⁵¹Q'manxa kye aj Israel kyja': Ok kyik'xe tuj nima Jordán ex ok kyokxe tuj tx'otx' Canaán,

⁵²b'ix tz'ex kylajo'ne kykyaqil xjal najl tuj tx'otx', ex b'ix b'aj kyb'uchine kykyaqil tilb'ilal nno'k kydiosin, ab'j ex k'uxb'il kytx'otx'il, ex b'ix kub' kytiline kykyaqil lugar in che ajb'en te kyk'ulb'il kywi' qe witz.

⁵³Kytzyume tx'otx' ex che najane twitz, porke wu'ne kxel nq'o'ne kyeye tu'n tok te kyetzb'ile.

⁵⁴Tuj swertin kb'el kysipane tx'otx' kyxol kykyaqil k'loj kyiyjil aj Israel; kye qeju k'loj mas nim kyb'aj, ax mas nim kytx'otx' tu'n t-xi q'ot, ex kye qeju k'loj mya nim kyb'aj, ax mya nim kytx'otx' tu'n t-xi q'ot. Kb'el kysipane tx'otx' kyxole ik tza'n junjun k'loj kyiyjile. Noq jatum ok tma swert, atzun kytx'otx' ok kyk'ma'.

⁵⁵Qatzun minti' ma che ex kylajo'ne qe xjal najl tuj tx'otx' lu, aqeju ax che kyjel ten che okel te kyeye ik tza'n ch'i'x tuj tb'aq' kywitze, ex ik tza'n ch'ut ti'j kyximlale, ex che yajlanjtzele kyu'n ok kynajane tuj tx'otx' lu,

⁵⁶ex kyi'jxe kb'antel wu'ne aju ximamaj tu'n tb'ant kyi'j qe xjal lu, chi Qman te Moisés.