Read kumam Zacarías 11 Bible Online

Zacarías 11 - kumam bible

Zacarías 11

¹Aya tx'otx' Líbano, jaqom qe tlamela ex e kykub' b'aj tz'e'y tu'n q'aq' qe tqan wi'ten ate' ti'ja.

²Kyjaw oq'e aqeye tze' tzaj, tu'nju ma che ik' tz'aq qe wi'ten ex ma che kub' b'aj tilj qe tze' tb'anilxix che ke'yin. Che wuyine aqeye tze' k'ol tuj tx'otx' Basán, tu'nju ma b'aj naj aju chk'ul pim.

³Nim in che oq' qe pastor porke ma b'aj naj kywab'l qe alumaj aju tb'anilxix. In b'injtz tq'ajq'ajel kywi' qe b'alun in che tzanun tu'nju ma b'aj naj tpimil chk'ul at ttzi nima Jordán.

⁴Atzun jlu tzaj tma'n Qman Dios weye: Che tkwentin oka qe ẍne'l b'animaj kyi'j tu'n kykub' b'yo'n.

⁵In che kub' b'yo'n kyu'n qe laq'ol kye ex minti' nnu'l ti'j kyk'u'j qa at kyil ti'j, ex qe k'ayil kye in kyma'n kyja': Chjonte Qman, ma qo oke q'inun. Qe pastoril kye misikyer in tz'e'y kyk'u'j kyi'j.

⁶Tu'ntzun jlu mlay tzaj q'aq'an nk'u'je kyi'j qe xjal najlqe tuj tx'otx' lu, noq o'kx kxel nq'o'ne teyle junjun tuj tq'ab' tuk'il ex tuj tq'ab' t-rey. Atzun qe jlu che b'ajel xitunte kytx'otx' ex mi jun kkletel wu'ne tuj kyq'ab'. Aqine Dios in chin q'mante jlu.

⁷In oktzun tene kwentil kye qe ẍne'l b'animaj kyi'j tu'n kykub' b'yo'n, aqeju tuj b'is ate'. Tzaj njyo'ne kab'e ky'aqo'ch; jun ok nq'o'ne tb'i Xtalb'il ex atzun juntl ok nq'o'ne tb'i Mojb'ab'l Tib'il.

⁸Ex tuj junx xjaw el wi'ne kyaq'un ox pastor otoq b'aj npasense kyu'n ex in che ik'untoq wi'je.

⁹Xi nma'ne kye qe ẍne'l kyja': Mlay chin oktle te pastor kyi'je. Qa at jun ma kyim, e tkyim. Qa at jun ma kub' naj, e tkub' naj. Atzun qeju che kyjel ten, e tb'aj kychyo'n kyib'.

¹⁰Tzajtzun wi'ne aju nky'aqo'che toktoq tb'i Xtalb'il ex kub' ntoqine te jun techal qa otoq kub' tq'uchin Dios tyol aju otoq kyaj b'ant ti'j tu'n kyuk'il kykyaqil nasyon.

¹¹Tuj q'ij lu kub' q'uchj aju yol otoq kyaj b'ant ti'j ex qe laq'ol ẍne'l, aqeju in che ke'yintoq wi'je, el kynik' ti'j qa a Qman q'mante aju in b'anttoq wu'ne.

¹²Xitzun nma'ne kye kyja': Qa b'a'n tuj kywitze, kychjontze twi nk'u'je, ex qa mi'n, kukxju. Ex tzaj kyq'o'n 30 saq pwaq twi nk'u'je.

¹³Tzaj tma'n Qman weye kyja': Q'inxa pwaq lu ex q'o'n ku'xa tuj tkub'il q'inumab'l tuj njaye. Xitzun wi'ne qeju 30 saq pwaq ex ku'x nq'o'ne tuj tkub'il q'inumab'l tuj tja Qman, o'kxtzun ch'in twi nk'u'je tzaj kyq'o'n.

¹⁴Te tib'ajxi kub' ntoqine aju tkab'in ky'aqo'ch, aju toktoq tb'i Mojb'ab'l Tib'il, te jun techal qa otoq kub' xitj aju kymojb'ab'l kyib' aj Judá kyuk'il aj Israel.

¹⁵Tzaj tma'n Qman weye kyja': Atzun ja'lo, q'o'nk tib'a ik tza'n jun pastor minti' tnab'l.

¹⁶Porke k'okel nq'o'ne jun pastor tuj tnam lu, aju pastor lu minti' taj kyi'j ẍne'l tzpetni qe, ex mi'n jyon kyi'j qeju o che'x naj ex mi'n che ok tq'anan qeju o che k'ixb'i ex mi'n txi tq'o'n kywa qeju okni kyi'j, noq o'kx kxel tchyo'n kychib'jal qeju mas ulni kynab'l ex k'elel tkowpi'n tpas kyqan.

¹⁷Ay b'ek'b'il twitz ju pastor minti' tnab'l, in che kyaj tkolin qe ẍne'l. Kuchiwt k'ixb'i tq'ab' ex tb'aq' twitz tuj tb'anq'ab' tu'n spad. Kuchiwt tz'ok tzqij tq'ab' ex b'i'xwit kyaj moẍix tb'aq' twitz te jumajx.