Read kumam Malaquías 4 Bible Online

Malaquías 4 - kumam bible

Malaquías 4

¹Chi Qman aju Tajaw Tkyaqil: Nlaq'ex ttzaj tq'ijlalil castiw in k'ant ik tza'n q'aq' tuj jorni ex atzun che okex q'ot kykyaqil qeju in jaw kyniman kyib' ex qe b'inchal mya b'a'n, ex che b'ajel tz'e'y tu'n ik tza'n ttxa triw, ex mi ch'in kytx'aqan kyjel ten.

²Atzun kyeye aqeye in che niman weye tzul jun kolol kyeye tz'aqlxix, ik tten ik tza'n tqan q'ij in che b'anix xjal tu'n. Che jawil t'ikpaje tu'n tzalajb'il ik tza'n qe tal wakẍ in che etz tuj kype'n.

³Qe xjal b'inchal mya b'a'n che b'ajel kywab'ane tjaq' kyqane ik tza'n tquqil tx'otx' tuj q'ij ok tb'ant tkyaqil jlu wu'ne, chi Qman aju Tajaw Tkyaqil.

⁴Kyna'ntze aju ley xi nq'o'ne te nmajene Moisés twi witz Horeb. Xi nq'o'ne qe ley ex qe mandamayent kye kykyaqil aj Israel.

⁵Kyb'intze: Kxel nsama'ne nsanjele Elías kyuk'ile na'nxtoq tul kanun tq'ijlalil tu'n tkub' nq'o'ne kycastiw xjal, aju q'ij lu ma'xix t-xilen ex xob'ajilxix.

⁶Ex tu'n Elías kb'antel kyten mamb'aj kyuk'il kyk'wa'l ex qe k'wa'lb'aj kb'antel kyten kyuk'il kyman. Qatzun minti' ma txi kyniman, ktzajel nsama'ne mya b'a'n kyib'aj ex kb'ajel nxitune kytanmi, chi Qman.