Read kumam Romanos 7 Bible Online

Romanos 7 - kumam bible

Romanos 7

¹Erman, in chin yoline kyeye aqeye ojtzqi'n ley kyu'ne, ex b'a'n kyu'ne ate ley at toklen ti'j xjal itz'xku xjal.

²Porke ik tza'n jun xu'j at tchmil, tok tuj tkwent tchmil tu'n ley itz'xku tchmil; ex qa ma kyim tchmil, tzoqpi'ntl te xu'j twitz ju ley otoq tz'ok mojb'ante kye.

³Kyja'tzun, qa ma moje' xu'j tuk'il juntl xinaq itz'xku tchmil, k'okel tb'i aj pajil; qatzun ma kyim tchmil, tzoqpi'ntl te xu'j twitz ley; masketzun moje' tuk'il juntl tchmil mlay tz'ok q'o'n tb'i aj pajil.

⁴Ax ikxtzun kyeye erman, minti'tl toklen ley kyi'je, porke o kyim Crist tu'n kytzoqpete, b'a'ntzun tu'n kymoje'ye tuk'il Crist aju jatz anq'in kyxol kyimni, tu'ntzun qb'inchante aju b'a'n tuj twitz Dios.

⁵Tej na'nxtoq qokslan, in qb'incha'ntoq aju tajb'il qchib'jal; maske in tma'n ley tu'n mi'n qb'inchante il, pero mas nno'k tilil qu'n tu'n qb'inchante, mer ik tza'n at jun to'yil qe. Kyja'tzun tzaj kamik qi'j.

⁶Atzun ja'lo tzoqpi'ntl qo', minti' toklen ley qi'j, ik tza'n kyimni ma qo ok twitz ley jatum tzyu'ntoq qo' nej; kyja'tzun tzoqpi'ntl qo' tu'ntzun qajb'en te Dios tuj ak'aj chwinqlal tu'n Xewb'aj, ex mya tu'n qten tjaq' ojtxi ley aju tz'ib'an.

⁷¿Titzun ok qma'? ¿Ilpe aju ley? Mi'n. Ex minti'wtlo sel nnik'e ti'j il noqwit minti' saj tyek'un ley; ex minti'wtlo sel nnik'e ti'j qa mya b'a'n tu'n tpon nk'u'je ti'j jun ti'xti te juntl noqwit minti' in tma'n ley: Mi'n pon tk'u'ja ti'j.

⁸Ate il axju mandamyent ajb'en tu'n, ex tkyaqilju mya b'a'n in pon nk'u'je ti'j, el tuj q'ancha'l tu'nju mandamyent; ex noqwit minti' ley, ate il minti' tipun, mer ik tza'n kyimni.

⁹Na'nxtoq tel nnik'e ti'j ley, b'a'n ntene nna'ne; ex tej tel nnik'e ti'j mandamyent, maxitzun el nnik'e ti'j qa at wile, ex kub' nsentense tu'n nkyime.

¹⁰Kyja'tzun ma tz'el nnik'e ti'j jlu, aju mandamyent tzaj q'o'n tu'n tten qchwinqlal, atzun weye, axju mandamyent kub' q'onte nsentense tu'n nkyime.

¹¹Porke ate il, axju mandamyent ajb'en tu'n te sb'ub'l weye, ex ma chin kub' b'yo'ne tu'n il noq tu'nju mandamyent.

¹²Kyja'tzun, ate ley ax tok xjan te, ex aju mandamyent xjan te, ex tz'aqlxix ex b'a'n te.

¹³B'a'n te ley. ¿Apetzunju b'a'n kub' b'yonte weye? Mi'n. Ate il kub' b'yonte weye noq tu'nju ley b'a'n, tu'n tyek'unjtz aju il, qa ilte, ex tu'n tok il puro ilxix tu'nju mandamyent.

¹⁴Porke b'a'n qu'n, aju ley te Dios te; atzun weye in nb'incha'ne aju tajb'il nchib'jale, k'a'yimaj qine tjaq' tipumal il.

¹⁵Porke aju in nb'incha'ne, minti' nne'l nnik'e ti'j; aju wajb'ile, minti' in b'ant wu'ne; ex aju nk'i'ye, atzunju in b'ant wu'ne.

¹⁶Ex qa ma b'ant wu'ne aju nk'i'ye; kyja'tzun nne'l nnik'e ti'j ax tok b'a'n te ley.

¹⁷Kyja'tzun, mya aqine in chin b'inchante jlu, ate il at wuje in b'inchante.

¹⁸Porke b'a'n wu'ne minti' jun b'a'n at wuje tuj nchib'jale; wajb'ile tu'n nb'inchanteye aju b'a'n, pero minti' wipumale tu'n tb'ant wu'ne.

¹⁹Porke aju b'a'n wajb'ile tu'n tb'ant, minti' in b'ant wu'ne; atzunju mya b'a'n, aju mi'n wajb'ile tu'n tb'ant, atzunju in b'ant wu'ne.

²⁰Qatzun ma nb'inchaye aju mi'n wajb'ile, mya aqine in chin b'inchante, ate il at wuje in b'inchante.

²¹Kyja'tzun ma tz'el nnik'e wi'je tza'n ntene: wajb'ile tu'n nb'inchanteye aju b'a'n, pero aju mya b'a'n tkub' nwitze.

²²Porke in chin tzalaje ti'j Dios tuj wanmiye:;

²³pero in nna'ne juntl ley tuj nximlale in q'ojin ti'j tley nnab'le, ex in chin okx presine tu'n tjaq' tley il aju at tuj nximlale.

²⁴B'ek'b'ilxix nwitze. ¿Alkye ktzoqpilte weye teju nximlale lu in chinx ti'n tuj kamik?

²⁵O'kx te Dios tzoqpil weye noq tu'n Jesucrist aju Qajaw. Chjonte Dios. Kyja'tzun, tuj jun tumel in chin ajb'ene te tley Dios tu'n nnab'le; atzun tuj juntl tumel tajb'il nchib'jale tu'n wajb'ene te tley il.