Read kumam Josué 12 Bible Online

Josué 12 - kumam bible

Josué 12

¹Atzun qe rey lu kub' kyi'j kyu'n aj Israel tuj tjawitz q'ij te nima Jordán, ex aju tx'otx' tzyet kyu'n tzajx qe' ttzi tq'ab' xaq Arnón ex pon b'aj max twi witz Hermón, tuk'ix tkyaqil chq'ajlaj ttzi nima Jordán tuj tjawitz q'ij.

²Kub' ti'j Sehón kyu'n, aju rey kye aj Amorreo, aju najl tuj tnam Hesbón. Aju tkawb'il atzun tzajni qe' tuj tnam Aroer ttzi tq'ab' xaq Arnón, tuj tmij chq'ajlaj, ex ponin b'aj max ttzi tq'ab' xaq Jaboc, jatum xi'yni qe' kytx'otx' aj Amón, ex qa mijku tx'otx' Galaad.

³Ax ikx in kawintoq tuj chq'ajlaj tuj tjawitz q'ij ttzi nima Jordán, tzajni qe' ttzi lagun Cineret ex ponin b'aj max ttzi mar at nim atz'an tuj tuj chq'a'jlaj Arabá, tumlal tnam Bet-jesimot, ex ponin b'aj tumlal tnayaj q'ij t-xe witz Pisga tb'i.

⁴Ex kub' ti'j Og kyu'n, aju rey te Basán, jun mankb'il kyiyjil aj Refait, atzun najl tuj tnam Astarot ex tuj tnam Edrei.

⁵Aju tkawb'il, atzun tzajni qe' twi witz Hermón ex tuj tnam Salca, ex xi'yin tuj tkyaqil tx'otx' Basán, ponin b'aj tuj tmojonil tnam Gesur ex tnam Maaca, max tuj tmij tx'otx' Galaad, aju tetoq Sehón aju rey te Hesbón.

⁶Tu'n Moisés ex kyu'n aj Israel kub' kyi'j qe rey lu, ex atzunte Moisés aju tmajen Dios xi q'onte tx'otx' lu kye qe tiyjil Rubén, kye qe tiyjil Gad ex kye mij tiyjil Manasés.

⁷Atzun qe rey lu, aqeju kub' kyi'j tu'n Josué ex kyu'n aj Israel tuj tx'otx' tuj telex q'ij te nima Jordán. Aju tx'otx' lu atzun in tzaj qe' tuj lugar Baal-gad aju at tuj chq'ajlaj Líbano, ex in pon b'aj twi witz Halac niqayin ttxlaj lugar Seir. Atzunte Josué kub' sipante kytx'otx' qe rey lu kyxol kyiyjil aj Israel ex xi tq'o'n te kyetzb'il te jumajx.

⁸Aju tx'otx' tiwitz tx'otx', tuk'ix tx'otx' chq'ajlaj, tuk'ix chq'ajlaj tkub' ttzi nima Jordán, tuk'ix tx'otx' tk'u'j witz, tuk'ix tzqij tx'otx' ex tuk'ix lugar Néguev tb'i, aqeju tx'otx' lu kyetoq aj Heteo, aj Amorreo, aj Canaán, aj Ferezeo, aj Heveo ex aj Jebuseo.

⁹Aqeju rey kub' kyi'j kyu'n, atzun qe jlu: aju rey te tnam Jericó, aju rey te tnam Hai, aju tnam lu niqayin ta' ti'j Bet-el,

¹⁰aju rey te tnam Jerusalén, aju rey te tnam Hebrón,

¹¹aju rey te tnam Jarmut, aju rey te tnam Laquis,

¹²aju rey te tnam Eglón, aju rey te tnam Gezer,

¹³aju rey te tnam Debir, aju rey te tnam Geder,

¹⁴aju rey te tnam Horma, aju rey te tnam Arad,

¹⁵aju rey te tnam Libna, aju rey te tnam Adulam,

¹⁶aju rey te tnam Maceda, aju rey te tnam Bet-el,

¹⁷aju rey te tnam Tapúa, aju rey te tnam Hefer,

¹⁸aju rey te tnam Afec, aju rey te tnam Sarón,

¹⁹aju rey te tnam Madón, aju rey te tnam Hazor,

²⁰aju rey te tnam Simron-merón, aju rey te tnam Acsaf,

²¹aju rey te tnam Taanac, aju rey te tnam Meguido,

²²aju rey te tnam Cedes, aju rey te tnam Jocneam tkub' t-xe witz Carmelo,

²³aju rey te tnam Dor tuj tx'otx' Dor, aju rey te tnam Goím tuj tx'otx' Gilgal,

²⁴ex aju rey te tnam Tirsa. Tu'n tkyaqilx 31 kyb'aj rey.