Read kumam 2 Tesalonicenses 1 Bible Online

2 Tesalonicenses 1 - kumam bible

2 Tesalonicenses 1

¹Aqine Pablo, tuk'ix Silvano ex Timoteo ate' wuk'ile, in xi ntz'ib'ane kyeye, aqeye okslal qeye ti'j Qman Dios ex ti'j Qajaw Jesucrist, ate'ye tuj tnam Tesalónica.

²Awt Qman Dios tuk'ix Qajaw Jesucrist che tzaj q'onte xtalb'il kyeye ex tu'n tqe'xix kyk'u'je.

³Il ti'j kukx tu'n t-xi qq'o'ne chjonte te Dios kyi'je erman; tuj tumelxix jlu porke aju kyokslab'le kukx tch'iy ex kykyaqile kukx tch'iy tk'ujlalil teyle junjun kyxolxe.

⁴Kyja'tzun ax qo'ye in qo tzalaje kyi'je, ex in xi qma'ne kye txqantl okslal etzan tu'n Dios tuj junjun tnam tza'n kytene, tu'nju kukx tqe' kyk'u'je ti'j Dios tuj tkyaqil kyb'ise ex yajb'il kyeye.

⁵A jlu jun yek'b'il qa ate Dios tz'aqlxix ex in tb'incha'n tkyaqil tuj tumelxix, kyja'tzun ma tzaj tq'o'n Dios kyoklene tu'n kyokxe tuj tkawb'il Dios, porke tu'n tlaj tkawb'il Dios nnik'x kyu'ne.

⁶Porke tuj tumelxix ktzajel tq'o'n Dios yajb'il kye qeju in che yajlan kyeye,

⁷ex tuj tumelxix ktzajel tq'o'n Dios ojlab'l kyeye, aqeye in che yajlanjtze, tu'n kyojlane junx quk'ile ok tyek'unte tib' Qajaw Jesús, ktzajel tuj kya'j kyuk'ix qe t-anjel at nim kyipumal, ex in k'ant tqan q'aq' kyi'j.

⁸Tzul q'olte castiw kye qeju kyk'i' tu'n kyojtzqi'nte Dios, ex minti' in xi kyniman aju tqanil kolb'il tu'n Qajaw Jesucrist.

⁹Ktzajel q'o'n kycastiw jlu tu'n kynaj te jumajx, b'i'x che elel q'i'n twitz Qajaw, mlay che ten twitz, tu'nju at nim tipumal ex in qoptz'aj t-spik'umal.

¹⁰Ktzajel q'o'n kycastiw jlu tuj tq'ijlalil tzul, ok tul Jesucrist tu'n tjaw nimsa'n tb'i kyu'n qe okslal ti'j, ex ok che jawil lab'in kykyaqil qeju ma che okslan ti'j, ax ikx kyeye porke ma txi kyoksla'ne aju yol xi qchik'b'a'ne kyeye.

¹¹Kyja'tzun, kukx in qo na'ne Dios kyi'je tu'n ttzaj tq'o'n Dios kyipumale tu'n kyb'ete tuj tumelxix twitz, porke ma che txkonjtze tu'n, ex tu'n tjapun tkyaqilju kyximb'etze b'a'n tu'n tipumal Dios, ex tu'n tjapun tkyaqil aq'untl in kyb'incha'ne tu'n kyokslab'le,

¹²tu'ntzun tjaw nimset tb'i Qajaw Jesucrist kyu'ne, ikx kyeye tu'n kyjaw nimsa'ne tu'n tu'nju t-xtalb'il Qdios ex tu'n t-xtalb'il Qajaw Jesucrist.