Read kumam 1 Timoteo 3 Bible Online

1 Timoteo 3 - kumam bible

1 Timoteo 3

¹Lu jun yol axix tok: Qa at jun erman taj tu'n tok te nejenel kyxol okslal, b'a'n ju aq'untl lu qa taj tu'n taq'nan ti'j.

²Ex aju nejenel il ti'j tu'n tten minti' tpaltil, ex noq jun t-xu'jil tu'n tten. Il ti'j tu'n tjak'unte tib', ex tu'n tten tnab'l, ex tu'n tten b'a'n tmod, ex tu'n tq'onte kyposad xjal, ex atwit tnab'l tu'n tq'onte xnaq'tzb'il.

³Mlay tz'ok jun xjal k'al q'e'n te nejenel, ex qa in q'ojin, [ex qa in pon tk'u'j ti'j tu'n tkamb'ante pwaq mya tuj tumel.] Noq o'kx b'a'n tok te nejenel aju xjal b'a'n tmod ex mans, ex minti' in pon tk'u'j ti'j nimku;

⁴ex b'a'n kawin tuj tja, ex b'a'n che niman qe tk'wa'l ex b'a'n che b'in.

⁵Porke jun xjal mib'an kawin tuj tja, ¿tza'ntzun tten tu'n tb'ant tkwentin kye okslal etzan qe tu'n Dios?

⁶Mlay tz'ok te nejenel jun ak'aj okslal, mya yajku jaw tniman tib' ex kb'el t-sentens ik tza'n te tajaw il kub' t-sentens.

⁷Ex ilxix ti'j tu'n tten nejenel b'a'nxix kywitz xjal mya okslal, tu'ntzun kyyolin b'a'n ti'j, tu'ntzun mi'n ttzaj jun yol ti'j ex tu'n mi'n tkub' tz'aq tuj tk'ob'il tajaw il.

⁸Ax ikx b'a'n tu'n kyok te diácono aqeju in che yolin tuj tumelxix, ex minti' in meltz'aje' kyyol, ex mya k'al q'e'n qe, ex minti' in pon kyk'u'j ti'j jun kamb'ab'l mya tuj tumel.

⁹Ex ilxix ti'j kukx tu'n tten kyokslab'l aju o tzaj tyek'un Dios qe, ex in tma'n kyanmi qa b'a'n in kyb'incha'n.

¹⁰Ex ilxix ti'j tu'n tik' witzb'aj kyi'j tnejel qa b'a'n ate', b'a'ntzun tu'n kyok te diácono qa minti' kypaltil.

¹¹Ax ikx qe xu'j, b'a'n tu'n kyajb'en qa in che yolin tuj tumel, ex qa mya si'mil yol qe, ex qa in kyjak'un kyib', ex qa in japun kyu'n tuj tkyaqil.

¹²Qe diácono junx kyxu'jil tu'n tten, ex tu'n tb'ant kykawin kye kyk'wa'l ex kye qeju ate' tuj kyja.

¹³Porke aqeju diácono qa in che ajb'en tuj tumel, in kyk'mo'n jun kyoklen ma'xix ex in qe'xix kyk'u'j ti'j tu'n kyyolin ti'j kyokslab'l ti'j Jesucrist.

¹⁴Ximan wu'ne tu'n nxi' naje ke'yil teya, ex mya yajku mi'n chin pon naje,

¹⁵kyja'tzun in xi ntz'ib'ane jlu teya, tu'n tb'inteya tza'n tten tu'n tajb'ena kyxol qe okslal etzan tu'n Dios; aqeju xjal lu okslal qe ti'j Dios, aju Dios itz', tzyu'n ju yol axix tok kyu'n ex kwentin kyu'n.

¹⁶Ax tok ma' t-xilen aju qokslab'l ma tzaj yek'un: Ok Dios te xjal tu'n ttzaj yek'un qe, el chik'e' tu'n Xewb'aj Xjan qa tz'aqlxixte, ex ok ke'yin kyu'n anjel. O pakb'anjtz tqanil ti'j kyuj txqantl nasyon, ex e okslan xjal ti'j, ex jax q'i'n tuj kya'j.