Read Managalasi Maka 16 Bible Online

Maka 16 - Managalasi bible

Maka 16

¹Sapati vea nipa'are'eme Meri Matarini 'ee Meri ka'ene Jemisi oni oha 'ee Saromi ijipo senisia amua rukina 'imene Jesuni haha 'ona'iro 'ahiume va'ara.

²Hurapoka niho'o sú'u sú'umai pu muna ari ea ranavaji ro 'e'u'eme vea ajimana.

³Pu vai'i ijá 'wava Muna ka'ene vwicha kunavajaho irara tahuma apena ruva'ena? 'wavara.

⁴'Enakaivo pu vai'i kavajaho muna ni'ima' ura kajaho nitatiraha ruva'ara.

⁵'Ejume pu va'e muna ara kajihuni vaji aruma vai'i kavajaho kivasa pina ateha jopatu'ura saja sa'ina apúsame mana'inija'i asuma hijume pu kama tatavara.

⁶'Ejume hu pu ijá 'iama Juvujaho areha. 'Ú ja Jesu Nasareti ora ka'ene pu korosi 'ahi 'anauma kwamaji savo? Hu kú'o 'urinana. Hura namajaho ikena kaivo Hu ikaho pahinu.

⁷'Enakúne va'e Huni tisaiporua 'ee Pita ho ijá 'waraha. Hu ja ni'warama ja'ina'e Hu Karari urana va'ukúne ja ijí Hu piunaha iha 'iamana.

⁸Pu muna ari vaji rene juhaha useme va'ajime simarame 'ee oja hwa'usahaume ea ira pa'warava jihuni maijaho pu tea junavara. Jesura Meri Matarini Oni Una'i Samahiramajina

⁹Jesura Hurapoki sú'u sú'u 'urinajaho Meri Matarini ka'ene 'avena sisea iropu no'o siomahaji huni una'i marako samaahiramana.

¹⁰'Ejume hu va'e ea ka'ene Hu Hu'úmo ojura ka'ene niramaruvi'i chora'e hijajihi 'waramana.

¹¹Hu kú'o 'urina hinuji kama roe 'waramaji hejajaho pu panimaa rojara. Jesura 'Unamutoi Ea No'ohe'i Puni Una'i Samahiramajina

¹²Ijihuni túna'i ea no'ohe'i rori va'iro va'eme Hu 'unamutoi haha ani'ina apúsarame roe pu piunime pu pu'úmo va'ara.

¹³Pu 'uname va'e napuhwaha 'aho'ijija 'waravara kaivo pu 'u'o niho'o panimaa rojara. Jesura Tisaiporu Puni Una'i Samahiramajina

¹⁴'Ene ijihuni túna'i ea iropu ropu kwinu hina 'iruma i'eme Hu puni roume pu kavumakivi'i Hu pu 'uraraha jihuni maijaho Hu 'urina hinaji ea mapoka Hu kama 'waravara kaivo puni oja kisima'ura rejumakame pu panimaa rojajihuna'e avanana.

¹⁵Hu ijá 'iama Ja kwaaka mapokaki va'ajime eaka mapokakihi Godoni vu'a maa maiu'ina 'wara'avara.

¹⁶Ea irara nimaa roje toi apúsave 'uri'amajaho hu majama hihuna. 'Enakaivo ea irara panimaa ro'amajaho hu 'otua vene eha sisea apehuna.

¹⁷Ea irahipo nimaa ro'avajaho aachakipo najahuna. Eje pu Nuni ihi 'ahi 'avena sisesa siomahe 'ee ira maiu'ina 'wahuna.

¹⁸'Ene pu tapara iji 'unirame 'ee toa atama rukina i'avajaho pu sisea parena'a. 'Ene ea atama rukina pu iji 'unira'avajaho maranihuna 'iamana. Jesura 'Urina Akúpa 'Ahi Va'ajina

¹⁹Jesu ka'ene Natohwijara pu 'waravuma pa'arejume Jesu apejume akúpa 'ahi va'e Hu Godoni ija mana'inija'i asuma hinana.

²⁰'Ejume pu kwaaka mapoka kino ea mapoka naja'eme Natohwijara pu pu'úmo va'e pu ni'ajihe vejume pu aacha ani ani'ina najahumakame Huni ira nimaa renana.