Read Managalasi Revaresiani 6 Bible Online

Revaresiani 6 - Managalasi bible

Revaresiani 6

¹Na ka'eme vea ka'ene Remuijara aja iropu no'o vajijino kwinu rasamana. Na he'eme unenu 'aho'a ka'ene mai'o hiji'ina no'ona no'o puni vaji kwinu ira ajira akúpa puna'i ika'ina 'wamana. Roa!

²Kama! 'Ejume na niri'i kavujaho ea ka'ene hosi sajasa'ina 'ahi hinajaho juaha rukina. Ea kajaho koraunua mahumakame hu ara 'e'unie apena va'ana. Aja Amuri Jihuni Roriji Rasa'eme Ajira Vehuna Renana

³Vea ka'ene aja amuri jihuni roriji Hu rasamajaho na he'eme unenu mai'o hiji'ina pinijara ijá 'wamana. Roa!

⁴'E'eme ea ka'ene hosi avi'ina 'ahi hinajaho ro 'e'unana. Ea kajaho harura 'ee so'wa jopatu'ura mahumakame hu mwe'aki matauvi'ina ka'ene namuji 'etujihakame 'eka mapokijija opuipo 'ana'arahuna. Aja No'opisuji Rasa'eme Matuna Vea Renana

⁵Vea ka'ene aja no'opisu ijí Hu rasamajaho na he'eme unenu mai'o hiji'ina pinijara ijá 'wamana. Roa kama! 'E'eme ea ka'ene hosi aja 'ahi hinajaho ro 'e'unana. Ea kajihuni ija 'ahi sikeria no'o navara.

⁶'Ene unenu 'aho'a ka'ene mai'o hiji'ina no'ona no'o kajihipuni vaji ira rena roe ika'ina 'wamana. Harava kapusi kwinu monia mapoka mapoka (K40) 'imehuna. 'Ene sikoni no'opisu monia mapoka mapoka 'imehuna. Varea 'ee 'wainia paniisa'avara 'wamana. Aja No'ona No'oji Rasa'eme Kwamasahuna Renana

⁷Vea ka'ene aja no'ona no'o ijí Hu rasamajaho na he'eme unenu mai'o hiji'ina túchamaijara ijá 'wamana. Roa kama!

⁸'E'eme ea ka'ene hosi haha pasa 'ahi hinajaho ro 'e'unana. Ea kajihuni ihijaho Kwamasahujina. 'E'eme Hetisi túna'i 'ararihae roana. Ea kajija harura mihume mwe'a pwinakine so'wi 'anie matuni 'anie atama 'anie mwe'akihi puni hanuha sisesapo ruarahuna mihana. Aja Iropuji Rasa'eme Godoni Eijihuna'e 'Anie Kwamasahuna Renana

⁹Vea ka'ene aja iropu ijí Hu rasamajaho na kavume swasa vejuri 'aiju hariji ea ka'ene Godoni ira rone 'warame 'ee ihajinanava jihuna'e 'aniume kwamasaha jihipuni 'avena kivuta.

¹⁰Pu ira ajira ika'ina 'umejara. Natohwe! A nimaa nimaa ariramaa! A vea vecha ea ka'ene vejume mwe'i núni 'aa arihajija eha mihune?

¹¹'Enavo eakija ateha sajasa'ini vajihume savara. 'Ejumakavi'i ijá 'iama Ma'uko 'ajahi'i siheria ve'avara. Ea ka'ene ja pu'úmo kaukara veji'ina 'ee joni vwehija 'aniume kwamasaha ja'ina'e ja 'ania kwamasahakama'e iji'a Na eha ve'eju 'iamana. Aja Iropu Kwinuji Rasa'eme Niho'o Tejuha Ni'ima'ura Renana

¹²Vea ka'ene aja iropu kwinu ijí Hu rasamajaho na kavume mwevarivura ni'ima'ura vari'eme ike veakaho ni'ima'ura nutuma rena niho'o na'ina'i vajama namana. 'E'eme masapa 'aa puna'i rena naminana.

¹³'E'ejume akúpi 'ahi china kahija jahe'usahe areri turipapo hwasisiapo hwasi'eju'e arihu ja'ina'e jahe'usunahe arihara.

¹⁴'Ene akúpa kahaho riri isoma vaja'eme atehapo ronu ronu mwama va'uja'ina'e mwama va'ana. 'E'ejume huri'a 'ee mutumutua tira'usahara.

¹⁵Ija'ina renani veijaho mwe'a kehuni kinia ea mama'ina amia 'ajohuri natohwa ea uneunecha rukina ea harusina pwea 'ee ea matausahi'ina juhaha va'e huri'a vaji muna ara 'ee mi'ira vaji tanasahara.

¹⁶'Eji'i pu huri'a 'ee muna ijí 'waramareja ijá 'iava Toronu 'ahi hinujihuni unaijí 'ee Remuijihuni seniji 'auma 'ee tahu'o'une roe nuhúha.

¹⁷Ijihuni maijaho Puni senijihuni vea ni'inijara roana'omo 'ú irara areri Puni una'a namiu'ena?