Read Mandeali 2 कुरिन्थियो 13 Bible Online

2 कुरिन्थियो 13 - Mandeali bible

2 कुरिन्थियो 13

¹पवित्र सास्त्रा मन्झ लिखिरा कि हर एक सिकायत दो या तीन गुआहा ले साबित किती जाणी। जेबे हांऊँ दूजी बारी तुस्सा वाले मिलदे आईरा था, तेबे मैं कुछ लोका जो चेतावनी दितिरी थी, जेह्ड़े पाप करहा ऐं थे। होर ऐबे हांऊँ एस चिठ्ठी रे ज्रीए सभी जो दबारा चेतावनी देहां, जिहां मै पैहले भी दितिरी थी। ऐबे हांऊँ त्रीजी बारी तुस्सा वाले आऊणें वाल़ा होर अगर ऐबे भी तिन्हें लोके पाप करणा नी छाडीरा हूँगा ता कोई भी तिन्हो सजा ले नी बचाई सकदा।

³मै तुस्सा किन्हें बोलिरा कि तिन्हो सजा मिलणी पर फेरी भी तुस्से सबूत चाहें कि ये गल्ला हांऊँ मसीह रे ज्रीए बोल्हा। होर जेबे मसीहा तुस्से सुधारणे ता से तुस्सा रे कठे कमजोर नी आ; पर तुस्सा रे बीचा मन्झ सामर्थी हूंणा।

⁴से कमजोर हुँदै हुए क्रूसा प्रयाल्हे चढ़ाया ता गया, तेबे बी परमेसरा री सामर्था ले से जिउंदा हुआ। आस्से भी मसीह साहीं कमजोर ऐं, पर तुस्सा रे कठे परमेसरा री सामर्था रे आस्सा तेस साउगी जीणा।

⁵पर आपणे आपा जो परखा कि, तुस्सा रा विस्वास सच्चा हाया कि नी; होर अगर तुस्से आपणे आपा जो सच्चा पाओ, ता तुस्सा ये गल जाणी लैणी कि मसीह यीसू तुस्सा मन्झ वास करहा, होर अगर मसीह तुस्सा मन्झ वास नी करदा ता तुस्से आपणी परखणी मन्झ हारी गये।

⁶मेरी आस ई कि, तुस्से ये जाणी लो कि तुस्से आपणी परखणी मन्झ नी हारिरे।

⁷भले ही तुस्सा मन्झ ले केसियो लगा कि आस्से सच्चे चुणिरे चेले नी ऐं, फेरी भी आस्से आपणे परमेसरा ले प्रार्थना करहा ऐं कि, तुस्से कोई बुराई मत करदे, पर भलाई ही करो।

⁸क्यूंकि आस्से सच्चाई रे बरखलाफ कुछ नी करी सक्दे, पर सच्चाई रे कठे सभ कुछ करी सक्हा ऐं।

⁹जेबे आस्से कमजोर हुंहाँ ऐं, होर तुस्से ताकतवर, ता आस्से बौह्त खुस हुंहाँ ऐं। होर ये प्रार्थना भी करहा ऐं कि, तुस्से विस्वासा मन्झ सिद्ध हुंदे जाओ।

¹⁰इधी कठे हांऊँ तुस्सा किन्हें मिलणे रे आऊणें रे पैहले दूर रही किन्हें ये गल्ला लिख्दा लगिरा कि, तेथी आऊणें पर मुंजो प्रभु रे ज्रीए दितिरे हका ले तुस्सा जो सजा नी देणा पो। क्यूंकि हांऊँ इन्हा हका जो तुस्सा रे विस्वासा जो मजबूत करणे रे कठे इस्तेमाल करणा चाहां, ना कि कमजोर करणे रे कठे।

¹¹हे भाईयो होर बैहणो, ऐबे आखरी मन्झ हांऊँ बोलणा चांहा कि, खुस रैहया, सिद्ध बणदे जाऊआ, होर एक दूजे जो उत्साहित करो, एक ही मन रखा, मिली जुली किन्हें सांति किन्हें रैंहयां, तुस्सा किन्हें प्यार करणे वाल़ा होर सांति देणे वाल़ा परमेसरा तुस्सा साउगी रेहणा।

¹²एक दूजे किन्हें गले मिली किन्हें मसीह रे प्यारा मन्झ नमस्कार करा।

¹³सब पवित्र लोक तुस्सा जो नमस्ते करहा ऐं।

¹⁴हांऊँ प्रार्थना करहा कि प्रभु यीसू मसीह रा अनुग्रह होर परमेसरा रा प्यार होर पवित्र आत्मा री साझेदारी तुस्सा सभी रे साउगी हुन्दी रहे।