Read Mandeali 1 यहून्ना 1 Bible Online

1 यहून्ना 1 - Mandeali bible

1 यहून्ना 1

¹आस्से तेसरे बारे मन्झ लिखदे लगिरे जो जिन्दगी देणे वाल़ा बचन आ, जो पुरे संसारा जो रचणे ले पैहले से था, जेसरे बारे मन्झ आस्से सुणेयां, होर जेस जो आस्से आपणी हाखिया ले देख्या, बल्की से आस्से ध्याना किन्हें देख्या; होर से आपणे हाथा किन्हें छुहेया।

²(होर से जिन्दगी एस संसारा मन्झ आई, होर आस्से से देख्या, होर आस्से तेसरी गुआही ऐं। होर आस्से तुस्सा जो तेसरे बारे मन्झ दसा ऐं जो अनंत जिन्दगी ई, जो बापू साउगी था होर एस संसारा मन्झ आया।)

³जो कुछ आस्से यीसू रे बारे देख्या होर सुणेयां तेता री खबर आस्से तुस्सा जो भी देहां ऐं, इधी कठे कि तुस्से भी आस्सा साउगी सैहभागी ऐं; होर आस्सा रा ये साथ बापू परमेसरा साउगी होर तेसरे मह्ठा यीसू मसीह साउगी आ।

⁴होर ये गल्ला आस्से इधी कठे लिख्हा ऐं कि, तुस्सा री खुसी पूरी हुई जाए।

⁵जो खबर आस्से यीसू ले सुणेयां, होर तुस्सा जो सुणाया करहा ऐं, से ये आ; कि परमेसर प्रयासा आ: होर तेता मन्झ कुछ भी न्हयारा[1] नी आ।

⁶अगर आस्से बोलिए कि, परमेसरा साउगी आस्सा रा साथ हाया, पर फेरी भी नह्यारे मन्झ चले, ता आस्से झूठे ऐ: होर सच्चाई पर नी चल्दे।

⁷पर जिहां परमेसर प्रयासे मन्झ आ, तिहां ईं आस्सा जो भी प्रयासे मन्झ चलणा चहिए, ता आस्से एक दूजे किन्हें साथ रख्हा ऐं; होर तेसरे मह्ठा यीसू मसीहा रा खून आस्सा जो सभ पापा ले पवित्र करहा।

⁸अगर आस्से बोलीए कि, आस्सा मन्झ कुछ भी पाप नी आ, ता आस्से आपणे आपा जो धोखा देहां ऐं: होर आस्सा मन्झ सच्चाई नी ई।

⁹अगर आस्से आपणे पापा जो परमेसरा साम्हणें मनी ले, ता से आस्सा रे पापा जो माफ करणे, होर आस्सा रे सभ गुनाह पवित्र करणे, क्यूंकि से वफादार होर धर्मी आ।

¹⁰अगर आस्से बोलिए कि आस्से पाप नी कितेया, ता आस्से परमेसरा जो झूठा बणाहें, होर तेसरा बचना जो आस्से ग्रहण नी कितिरा।