Read Mandinka 1 Musa 36 Bible Online

1 Musa 36 - Mandinka bible

1 Musa 36

¹Ñiŋ ne mu Esawu, ì ka meŋ fanaa kumandi Edomu la, koomalankoolu saataroo ti,

²Esawu meŋ ye Kanaaninka musoolu futuu: Ada, Eloni Hitinkoo dimmusoo, Oholibama, Ana dimmusoo, Siboni Hiwinkoo mamariŋo,

³aniŋ Basemati, Isimayila dimmusoo, Nebayoti baarimmusoo.

⁴Ada ye Elifasi wuluu Esawu la, Basemati ye Reweli wuluu a la,

⁵bituŋ Oholibama ye Yewusi, Yalamu aniŋ Kora wuluu a la. Ñinnu le mu Esawu dinkewolu ti, a ye mennu wuluu Kanaani bankoo kaŋ.

⁶Bituŋ Esawu ye a la musoolu taa, a dinkewolu, a dimmusoolu, aniŋ a la dimbaayaa moo koteŋolu, a la beeyaŋolu bee, aniŋ a ye feŋolu mennu bee soto Kanaani bankoo kaŋ. A taata bankoo doo kaŋ ka jamfa a doomaa Yaakuba la,

⁷kaatu ì la sotofeŋolu siyaabaata le ka tara ñoo kaŋ. Ì be sabatiriŋ bankoo meŋ kaŋ nuŋ, ì maŋ kuŋ noo jee, ì la beeyaŋolu la kuwo kamma la.

⁸Bituŋ Esawu, meŋ mu Edomu ti, taata sabati Seyiri konkotundoo* kaŋ.

⁹Ñiŋ ne mu Esawu koomalankoolu saataroo ti, Edomunkoolu bonsuŋo, mennu bee be Seyiri konkotundoo kaŋ.

¹⁰Ñinnu le mu Esawu dinkewolu toolu ti: Elifasi, a ye wo soto a la musoo Ada le la, Reweli, a ye wo soto a la musoo Basemati la.

¹¹Elifasi dinkewolu, wolu le mu Temani ti, Omari, Sefo, Katamu, aniŋ Kenasi.

¹²Timuna mu Esawu dinkewo Elifasi la kaŋ foroyandi musoo* le ti. A ye Amaleki le wuluu a la. Ñinnu le mu Esawu la musoo Ada mamariŋolu ti.

¹³Reweli dinkewolu, wolu le mu Nahati ti, Sera, Samma, aniŋ Misa. Ñinnu le mu Esawu la musoo Basemati mamariŋolu ti.

¹⁴Ñinnu le mu Esawu la musoo Oholibama, Ana dimmusoo Sibeyoni mamariŋo, dinkewolu ti, a ye mennu wuluu Esawu la: Yewusi, Yalamu, aniŋ Kora.

¹⁵Ñinnu le mu lasiloolu ti, mennu bota Esawu bala. Esawu dinkee keebaa Elifasi, wo le mu ñiŋ lasiloolu bonsuŋo ti: Temani, Omari, Sefo, aniŋ Kenasi,

¹⁶Kora, Katamu, aniŋ Amaleki. Ñinnu bee mu Esawu la musoo Ada mamariŋolu le ti.

¹⁷Esawu dinkewo Reweli, ate le mu ñiŋ lasiloolu Nahati, Sera, Samma, aniŋ Misa bonsuŋo ti. Ñinnu bee mu Esawu la musoo Basemati mamariŋolu le ti.

¹⁸Ñiŋ lasiloolu Yewusi, Yalamu, aniŋ Kora, wolu bee bota Esawu la musoo Oholibama, Ana dimmusoo le bala.

¹⁹Ñiŋ lasiloolu bee, ì niŋ ì la kuntiyolu, ì bee mu Esawu koomalankoolu le ti. Itolu le naata ke Edomunkoolu ti.

²⁰Edomu bankoo siilaa foloolu mu Seyiri Horinkoo koomalankoolu le ti. A dinkewolu wolu le mu Lotani ti, Sobali, Sibeyoni, Ana, Disoni, Eseri, aniŋ Disani. Hori lasiloolu bota itolu le bala.

²²Lotani dinkewolu wolu le mu Hori ti, aniŋ Homamu. Lotani baarimmusoo mu Timuna le ti.

²³Ñinnu le mu Sobali dinkewolu ti: Aliwani, Manahati, Ebali, Sefo, aniŋ Onamu.

²⁴Ñinnu le mu Sibeyoni dinkewolu ti: Aya aniŋ Ana. Ana, ate le ye woyoolu je wuloo kono, kabiriŋ a be a faamaa Sibeyoni la faloolu kanta kaŋ.

²⁵Ana dinkewo mu Disoni le ti, a dimmusoo mu Oholibama le ti.

²⁶Ñinnu le mu Disoni dinkewolu ti: Hemudani, Esibani, Iterani, aniŋ Kerani.

²⁷Ñinnu le mu Eseri dinkewolu ti: Bilihani, Saawani, aniŋ Akani.

²⁸Ñinnu le mu Disani dinkewolu ti: Usi aniŋ Arani.

²⁹Ñinnu le mu Hori lasiloolu ti: Lotani, Sobali, Sibeyoni, Ana, Disoni, Eseri, aniŋ Disani ka bo lasili ka taa lasili, Seyiri bankoo kaŋ.

³¹Janniŋ mansakee ka soto Banisirayila kono, ñiŋ mansoolu le tarata nuŋ maraloo la Edomu:

³²Bela, Bewori dinkewo, a ye maraloo ke Edomu le, a la saatewo too mu Dinaba le ti.

³³Bela faata, Yobabu, Sera Bosirankoo dinkewo seyita a noo to.

³⁴Yobabu faata, Husamu meŋ bota Temaninkoolu la bankoo kaŋ, seyita a noo to.

³⁵Husamu faata, Hadadi, Bedadi dinkewo, meŋ ye Midiyaninkoolu noo keloo la Mowabi bankoo kaŋ, seyita a noo to. A la saatewo too mu Awiti le ti.

³⁶Hadadi faata, Samula meŋ tarata Masireka, seyita a noo to.

³⁷Samula faata, Sawuli meŋ tarata Rehoboti, Yufurati Boloŋo daala, seyita a noo to.

³⁸Sawuli faata, Baali-Hanani, Akibori dinkewo seyita a noo to.

³⁹Baali-Hanani, Akibori dinkewo, faata, Hadari seyita a noo to. A la saatewo too mu Pawu le ti. A la musoo too mu Mehetabeli le ti, Matiredi dimmusoo, Mesahabu mamariŋo.

⁴⁰Ñinnu le mu Esawu lasiloo maralilaalu toolu ti, ka bo ì la dimbaayaa keñaa la, aniŋ ì tarata siiriŋ dulaalu mennu to: Timuna, Aliwa, Yeteti,

⁴¹Oholibama, Ela, Pinoni,

⁴²Kenasi, Temani, Mibusari,

⁴³Makidiyeli, aniŋ Iramu. Ñinnu le mu Edomu lasiloolu toolu ti, ko ì be siiriŋ dulaalu to ñaameŋ. Ñiŋ ne mu Esawu la kuwo ti, Edomunkoolu bonsuŋo.