Read Mandinka 1 Musa 5 Bible Online

1 Musa 5 - Mandinka bible

1 Musa 5

¹Ñiŋ ne mu Adama koomalankoolu la yirikoo saataroo ti. Kabiriŋ Alla ye moo daa, a ye ì daa a faŋo muluŋo le la.

²A ye ì daa musoo niŋ kewo ti, a neemata ì ma, a ye ì toolaa moo[6] la, kabiriŋ a ye ì daa.

³Kabiriŋ Adama siyo be sanji keme sanji taŋ saba, a ye dinkewo soto, meŋ mulunta ko a faŋo, ate faŋo sawuroo be ñaameŋ. Bituŋ a naata a toolaa Seti la.

⁴Adama la Seti wuluuriŋ koolaa, a baluuta le fo sanji keme seyi. Wo waatoo kono le mu, a naata dinkee koteŋolu niŋ dimmusoolu soto.

⁵Adama siyo bee taata kaañaŋ sanji keme kononto sanji taŋ saba le fee. Bituŋ a naata faa.

⁶Kabiriŋ Seti siyo be sanji keme sanji luulu, a naata diŋo soto, meŋ mu Enosi ti.

⁷Seti la Enosi wuluuriŋ koolaa, a baluuta le fo sanji keme seyi sanji woorowula. Wo waatoo kono le mu, a naata dinkee koteŋolu niŋ dimmusoolu soto.

⁸Seti siyo bee taata kaañaŋ sanji keme kononto sanji taŋ niŋ fula le fee. Bituŋ a naata faa.

⁹Kabiriŋ Enosi siyo be sanji taŋ kononto, a naata diŋo soto, meŋ mu Kenani ti.

¹⁰Enosi la Kenani wuluuriŋ koolaa, a baluuta le fo sanji keme seyi sanji taŋ aniŋ luulu. Wo waatoo kono le mu, a naata dinkee koteŋolu niŋ dimmusoolu soto.

¹¹Enosi siyo bee taata kaañaŋ sanji keme kononto sanji luulu le fee. Bituŋ a naata faa.

¹²Kabiriŋ Kenani siyo be sanji taŋ woorowula, a naata diŋo soto, meŋ mu Mahalaleli ti.

¹³Kenani la Mahalaleli wuluuriŋ koolaa, a baluuta le fo sanji keme seyi sanji taŋ naani. Wo waatoo kono le mu, a naata dinkee koteŋolu niŋ dimmusoolu soto.

¹⁴Kenani siyo bee taata kaañaŋ sanji keme kononto sanji taŋ ne fee. Bituŋ a naata faa.

¹⁵Kabiriŋ Mahalaleli siyo be sanji taŋ wooro sanji luulu, a naata diŋo soto, meŋ mu Yaredi ti.

¹⁶Mahalaleli la Yaredi wuluuriŋ koolaa, a baluuta le fo sanji keme seyi sanji taŋ saba. Wo waatoo kono le mu, a naata dinkee koteŋolu niŋ dimmusoolu soto.

¹⁷Mahalaleli siyo bee taata kaañaŋ sanji keme seyi sanji taŋ kononto sanji luulu le fee. Bituŋ a naata faa.

¹⁸Kabiriŋ Yaredi siyo be sanji keme sanji taŋ wooro sanji fula, a naata diŋo soto, meŋ mu Enoki ti.

¹⁹Yaredi la Enoki wuluuriŋ koolaa, a baluuta le fo sanji keme seyi. Wo waatoo kono le mu, a naata dinkee koteŋolu niŋ dimmusoolu soto.

²⁰Yaredi siyo bee taata kaañaŋ sanji keme kononto sanji taŋ wooro sanji fula le fee. Bituŋ a naata faa.

²¹Kabiriŋ Enoki siyo be sanji taŋ wooro sanji luulu, a naata diŋo soto, meŋ mu Metusela ti.

²²Metusela wuluuriŋ koolaa, a baluuta le fo sanji keme saba. Wo waatoo kono le mu, a naata dinkee koteŋolu niŋ dimmusoolu soto. Enoki ka bula Alla la siloo le nooma.

²³Enoki siyo bee taata kaañaŋ sanji keme saba sanji taŋ wooro sanji luulu le fee.

²⁴Enoki ka bula Alla la siloo le nooma. Bituŋ a yeemanta, kaatu Alla le ye a samba.

²⁵Kabiriŋ Metusela siyo be sanji keme sanji taŋ seyi sanji woorowula, a naata diŋo soto, meŋ mu Lameki ti.

²⁶Metusela la Lameki wuluuriŋ koolaa, a baluuta le fo sanji keme woorowula sanji taŋ seyi sanji fula. Wo waatoo le mu, a naata dinkee koteŋolu niŋ dimmusoolu soto.

²⁷Metusela siyo bee taata kaañaŋ sanji keme kononto sanji taŋ wooro sanji kononto le fee. Bituŋ a naata faa.

²⁸Kabiriŋ Lameki siyo be sanji keme sanji taŋ seyi sanji fula, a naata dinkewo soto.

²⁹A ye a toolaa Nuha[7] la. A kumata ko, “Ate le be ǹ dahandi la ǹ na dookuwo to, aduŋ ate le be m̀ buloo dahandi la dookuu dimindiŋo ma bankoo to, Yaawe* ye meŋ danka.”

³⁰Lameki la Nuha wuluuriŋ koolaa, a baluuta le fo sanji keme luulu sanji taŋ kononto sanji luulu. Wo waatoo le mu, a naata dinkee koteŋolu niŋ dimmusoolu soto.

³¹Lameki siyo bee taata kaañaŋ sanji keme woorowula sanji taŋ woorowula sanji woorowula le fee. Bituŋ a naata faa.

³²Nuha la sanji keme luuloo baluuriŋo koolaa, a naata diŋolu soto, mennu mu Semu ti, Hamu aniŋ Yafeti.