Read Mandinka 1 Taarika 25 Bible Online

1 Taarika 25 - Mandinka bible

1 Taarika 25

¹Mansa Dawuda niŋ a la ñaatonkoolu ye tombondiri ke ñiŋ kaabiiloolu le kono ka baturoo kuwolu taamandi, wolu le mu: Asafu kaabiiloo, Hemani kaabiiloo aniŋ Yedutuni kaabiiloo. Ñinnu be kali la Alla la kiilaariyaa kumoo fo la kooraalu la le, kontiŋolu aniŋ jaawali palaatoolu. Ñiŋ ne mu moolu ti mennu tombonta ka baturoo ñaatonkayaa, kafu-wo-kafu niŋ a la dookuwo:

²Asafu dinkewolu: Sakuri, Yusufa, Netaniya aniŋ Asarela. Ì dinkee naanoo bee be Asafu la yaamaroo le koto, aduŋ ate le ka Alla la kiilaariyaa kumoolu fo, niŋ mansa ye yaamaroo dii.

³Yedutuni dinkewolu: Kedaliya, Seri, Yesaya, Simeyi, Hasabiya aniŋ Matitiya. Ì dinkee wooro bee be ì faamaa Yedutuni la yaamaroo le koto, aduŋ ate le ka Alla la kiilaariyaa kumoolu fo niŋ kooraa la, aniŋ ka jayiroo niŋ tenturu suukuwo laa Yaawe* ye.

⁴Hemani dinkewolu: Bukiya, Mataniya, Usiyeli, Sebuyeli, Yerimoti, Hananiya, Hanani, Eliyata, Kidaliti, Romamuti-Eseri, Yosibekasa, Malloti, Hotiri aniŋ Mahasiyoti.

⁵Annabilayi Hemani meŋ ka Alla la kumoo sindi mansa ma, ye ñiŋ dinkee taŋ niŋ naanoo le soto aniŋ dimmusu saba, ko Alla ye a laahidi ñaameŋ ka a la kuwolu sembentuŋyaa.

⁶Itolu bee be ì faamaa la yaamaroo le koto ka jaawali palaatoolu, kontiŋolu, aniŋ kooraalu kosi Yaawe ye baturoo waatoo. Asafu, Yedutuni aniŋ Hemani, itolu faŋo be mansa la yaamaroo le koto.

⁷Ñiŋ kewolu niŋ ì baadiŋolu mu suukuulaalaa kendoolu le ti Yaawe ye. Ì bee yirikoo kaañanta kee keme fula, kee taŋ seyi niŋ seyi le fee.

⁸Bituŋ alikuuroo* naata ke dindiŋ, keebaa, karammoo, karandiŋ bee le ye, ka ì la dookuu siŋolu yitandi ì kiliŋ-kiliŋ naa la.

⁹Alikuuroo foloo diita Yusufa le la, Asafu kaabiila moo, aniŋ a dinkewolu niŋ a baadiŋolu, ì moo taŋ niŋ fula. Fulanjaŋo diita Kedaliya niŋ a dinkewolu le la, aniŋ a baadiŋolu, ì moo taŋ niŋ fula.

¹⁰Sabanjaŋo diita Sakuri niŋ a dinkewolu le la aniŋ a baadiŋolu, ì moo taŋ niŋ fula.

¹¹Naaninjaŋo diita Isiri niŋ a dinkewolu le la aniŋ a baadiŋolu, ì moo taŋ niŋ fula.

¹²Luulunjaŋo diita Netaniya niŋ a dinkewolu le la aniŋ a baadiŋolu, ì moo taŋ niŋ fula.

¹³Wooronjaŋo diita Bukiya niŋ a dinkewolu le la aniŋ a baadiŋolu, ì moo taŋ niŋ fula.

¹⁴Woorowulanjaŋo diita Yesarela niŋ a dinkewolu le la aniŋ a baadiŋolu, ì moo taŋ niŋ fula.

¹⁵Seyinjaŋo diita Yesaya niŋ a dinkewolu le la aniŋ a baadiŋolu, ì moo taŋ niŋ fula.

¹⁶Konontonjaŋo diita Mataniya niŋ a dinkewolu le la aniŋ a baadiŋolu, ì moo taŋ niŋ fula.

¹⁷Tanjaŋo diita Simeyi niŋ a dinkewolu le la aniŋ a baadiŋolu, ì moo taŋ niŋ fula.

¹⁸Taŋ niŋ kilinjaŋo diita Asareli niŋ a dinkewolu le la aniŋ a baadiŋolu, ì moo taŋ niŋ fula.

¹⁹Taŋ niŋ fulanjaŋo diita Hasabiya niŋ a dinkewolu le la aniŋ a baadiŋolu, ì moo taŋ niŋ fula.

²⁰Taŋ niŋ sabanjaŋo diita Subayeli niŋ a dinkewolu le la aniŋ a baadiŋolu, ì moo taŋ niŋ fula.

²¹Taŋ niŋ naaninjaŋo diita Matitiya niŋ a dinkewolu le la aniŋ a baadiŋolu, ì moo taŋ niŋ fula.

²²Taŋ niŋ luulunjaŋo diita Yerimoti niŋ a dinkewolu le la aniŋ a baadiŋolu, ì moo taŋ niŋ fula.

²³Taŋ niŋ wooronjaŋo diita Hananiya niŋ a dinkewolu le la aniŋ a baadiŋolu, ì moo taŋ niŋ fula.

²⁴Taŋ niŋ woorowulanjaŋo diita Yosibekasa niŋ a dinkewolu le la aniŋ a baadiŋolu, ì moo taŋ niŋ fula.

²⁵Taŋ niŋ seyinjaŋo diita Hanani niŋ a dinkewolu le la aniŋ a baadiŋolu, ì moo taŋ niŋ fula.

²⁶Taŋ niŋ konontonjaŋo diita Malloti niŋ a dinkewolu le la aniŋ a baadiŋolu, ì moo taŋ niŋ fula.

²⁷Muwanjaŋo diita Eliyata niŋ a dinkewolu le la aniŋ a baadiŋolu, ì moo taŋ niŋ fula.

²⁸Muwaŋ niŋ kilinjaŋo diita Hotiri niŋ a dinkewolu le la aniŋ a baadiŋolu, ì moo taŋ niŋ fula.

²⁹Muwaŋ niŋ fulanjaŋo diita Kidaliti niŋ a dinkewolu le la aniŋ a baadiŋolu, ì moo taŋ niŋ fula.

³⁰Muwaŋ niŋ sabanjaŋo diita Mahasiyoti niŋ a dinkewolu le la aniŋ a baadiŋolu, ì moo taŋ niŋ fula.

³¹Muwaŋ niŋ naaninjaŋo diita Romamuti-Eseri niŋ a dinkewolu le la aniŋ a baadiŋolu, ì moo taŋ niŋ fula.