Read Mandinka 1 Taarika 6 Bible Online

1 Taarika 6 - Mandinka bible

1 Taarika 6

¹Lewi dinkewolu, wolu le mu: Kerisoni, Kohati aniŋ Merari.

²Kohati dinkewolu, wolu le mu: Amuramu, Isari, Heburoni aniŋ Usiyeli.

³Amuramu ye dinkee fula le soto, Haaruna niŋ Musa, aniŋ dimmusu kiliŋ Miriyaamu. Haaruna dinkewolu, wolu le mu: Nadabu, Abihu, Eleyasa aniŋ Itama.

⁴Eleyasa naata Pineha wuluu, Pineha ye Abisuwa wuluu,

⁵Abisuwa ye Buki wuluu, Buki ye Usi wuluu,

⁶Usi ye Serahiya wuluu, Serahiya ye Merayoti wuluu,

⁷Merayoti ye Amariya wuluu, Amariya ye Ahitubu wuluu,

⁸Ahitubu ye Sadoki wuluu, Sadoki ye Ahimaasi wuluu,

⁹Ahimaasi ye Asariya wuluu, Asariya ye Yohanani wuluu,

¹⁰Yohanani ye Asariya wuluu. Asariya, ate le keta piriisoo* ti Alla Batudulaa Buŋo* to, Sulemani ye meŋ loo Yerusalaamu.

¹¹Asariya naata Amariya wuluu, Amariya ye Ahitubu wuluu,

¹²Ahitubu ye Sadoki wuluu, Sadoki ye Sallumu wuluu,

¹³Sallumu ye Hilikiya wuluu, Hilikiya ye Asariya wuluu,

¹⁴Asariya ye Seraya wuluu, Seraya ye Yehosadaki wuluu.

¹⁵Yehosadaki keta mutamoo le ti, biriŋ Yaawe be Yerusalaamu niŋ Yahuuda muumewo samba la mutoo kono, Nebukanesa keta meŋ sababoo ti.

¹⁶Lewi dinkewolu, wolu le mu: Kerisoni, Kohati aniŋ Merari.

¹⁷Kerisoni dinkewolu toolu, wolu le mu Libuni ti, aniŋ Simeyi.

¹⁸Kohati dinkewolu, wolu le mu: Amuramu, Isari, Heburoni aniŋ Usiyeli.

¹⁹Merari dinkewolu, wolu le mu Maali ti, aniŋ Musi. Lewi lasiloo bota moolu mennu bala:

²⁰Ka bo naŋ ì bonsuŋo Kerisoni la, wolu le mu: Libuni, Yahati, Simma,

²¹Yowa, Ido, Sera aniŋ Yeyaterayi.

²²Ka bo naŋ ì bonsuŋo Kohati la, wolu le mu: Amminadabu, Kora, Asiri,

²³Elikana, Ebiyasafu, Asiri,

²⁴Tahati, Uriyeli, Usiya aniŋ Sawuli.

²⁵Elikana dinkewolu wolu le mu Amasayi ti, aniŋ Ahimoti.

²⁶Ahimoti koomalankoolu, wolu le mu: Elikana, Sofayi, Nahati,

²⁷Eliyabu, Yerohamu aniŋ Elikana.

²⁸Samuweli dinkewolu, wolu le mu Yoweli ti, a diŋ foloo, aniŋ Abiya keta fulanjaŋo ti.

²⁹Ka bo naŋ ì bonsuŋo Merari la, wolu le mu: Maali, Libuni, Simeyi, Usa,

³⁰Simeya, Hakiya aniŋ Asaya.

³¹Ñinnu le mu kewolu ti, Dawuda ye mennu tomboŋ, ka tara marariŋ suukuwo kuwolu la, Yaawe Batudulaa to, biriŋ ì ye Kambeŋ Kunewo* dundi jee.

³²Itolu le keta suukuulaalaalu ti Kambeŋ Kunewo ñaatiliŋo la, Bendulaa Tiriliisi Senuŋo* to, fo kabiriŋ Sulemani ye Yaawe Batudulaa Buŋo loo Yerusalaamu, aduŋ ì tarata ì la baturoo ke kaŋ a ñaama le.

³³Ñiŋ kewolu niŋ ì dinkewolu le tarata ñiŋ dookuwo la: Ka bo Kohati koomalankoolu kono: Hemani le tarata suukuulaa karoo la. Hemani mu Yoweli dinkewo le ti, Yoweli, Samuweli dinkewo

³⁴Samuweli, Elikana dinkewo, Elikana, Yerohamu dinkewo, Yerohamu, Eliyeli dinkewo, Eliyeli, Towa dinkewo,

³⁵Towa, Sufu dinkewo, Sufu, Elikana dinkewo, Elikana, Mahati dinkewo, Mahati, Amasayi dinkewo,

³⁶Amasayi, Elikana dinkewo, Elikana, Yoweli dinkewo, Yoweli, Asariya dinkewo, Asariya, Sefaniya dinkewo,

³⁷Sefaniya, Tahati dinkewo, Tahati, Asiri dinkewo, Asiri, Ebiyasafu dinkewo, Ebiyasafu, Kora dinkewo,

³⁸Kora, Isari dinkewo, Isari, Kohati dinkewo, Kohati, Lewi dinkewo, Lewi, Isirayila dinkewo.

³⁹Hemani dookuuñoo Asafu tarata looriŋ a bulubaa karoo le la. Berekiya le dinkewo mu Asafu ti,

⁴⁰Berekiya, Simeya dinkewo, Simeya, Mikayeli dinkewo, Mikayeli, Baaseya dinkewo, Baaseya, Malikiya dinkewo,

⁴¹Malikiya, Etini dinkewo, Etini, Sera dinkewo, Sera, Adaya dinkewo,

⁴²Adaya, Etani dinkewo, Etani, Simma dinkewo, Simma, Simeyi dinkewo,

⁴³Simeyi, Yahati dinkewo, Yahati, Kerisoni dinkewo, Kerisoni, Lewi dinkewo.

⁴⁴A maraa karoo la, ì dookuuñoolu mennu tarata wo to, wolu le mu Merari koomalankoolu ti. Etani, Kisi dinkewo, Kisi, Abudi dinkewo, Abudi, Malluki dinkewo,

⁴⁵Malluki, Hasabiya dinkewo, Hasabiya, Amasiya dinkewo, Amasiya, Hilikiya dinkewo,

⁴⁶Hilikiya, Amusi dinkewo, Amusi, Bani dinkewo, Bani, Semeri dinkewo,

⁴⁷Semeri, Maali dinkewo, Maali, Musi dinkewo, Musi, Merari dinkewo, Merari, Lewi dinkewo.

⁴⁸Ì baadiŋ Lewi lasiloo moolu le tombonta ka mara Tiriliisi Senuŋo dookuwo la, meŋ mu Alla Batudulaa ti.

⁴⁹Haaruna niŋ a koomalankoolu, wolu le ka sadaalu bondi sadaajanidulaa* kaŋ, aniŋ ka cuuraayoo siisindi cuuraayi siisindidulaa to. Itolu le ka Dulaa Senuŋ Baa* la dookuwo bee ke ka junube kafaroo ñini Banisirayilankoolu ye, ko Musa, Alla la dookuulaa ye a yaamaroo dii ñaameŋ.

⁵⁰Haaruna dinkewo wo le mu Eleyasa ti, Eleyasa ye Pineha wuluu, Pineha ye Abisuwa wuluu,

⁵¹Abisuwa ye Buki wuluu, Buki ye Usi wuluu, Usi ye Serahiya wuluu, Serahiya ye Merayoti wuluu,

⁵²Merayoti ye Amariya wuluu, Amariya ye Ahitubu wuluu,

⁵³Ahitubu ye Sadoki wuluu, Sadoki ye Ahimaasi wuluu.

⁵⁴Ñiŋ saatewolu niŋ ì dandanna beeyaŋ daañini dulaalu diita Lewi lasiloo le la ka bo niŋ alikuuroo* la. Meŋ foloo keta Haaruna koomalankoolu Kohati kaabiiloo ye,

⁵⁵wo le mu Heburoni saatewo ti, aniŋ a dandanna beeyaŋ daañini dulaalu, Yahuuda bankoo kaŋ.

⁵⁶Bari kunkoolu niŋ saateeriŋolu, ì ye wolu dii Kalebu le la, Yefunne dinkewo.

⁵⁷Ka bo Yahuuda lasiloo taa to, ì ye ñiŋ saatewolu niŋ ì beeyaŋ daañini dulaalu le dii Haaruna koomalankoolu la: Heburoni meŋ mu tankañini dulaa saatewo[12] ti, Libuna, Yatiri, Esitemowa, Hileni, Debiri, Asani aniŋ Beti-Semesi.

⁵⁸

⁵⁹

⁶⁰Ka bo Benjamini lasiloo taa to, ì ye ñiŋ saatewolu niŋ ì beeyaŋ daañini dulaalu le dii ì la: Keba, Alemeti aniŋ Anatoti. Ì la dimbaayaalu la sabatidulaalu muumewo bee taata kaañaŋ saatee taŋ niŋ saba le fee.[13]

⁶¹Ka bo Manase lasili talanteemoo taa to, ì ye saatee taŋ ne dii Kohati koomalanka toomaalu la.

⁶²Ka bo Isakari lasiloo taa to, Aseri lasiloo, aniŋ Nafutali lasiloo taa to aniŋ Manase lasiloo taa to meŋ be Basani tundoo kaŋ, ì ye saatee taŋ niŋ saba le dii Kerisoni koomalankoolu la, ko ì la dimbaayaalu keñaa be laariŋ ñaameŋ.

⁶³Ka bo Rubeni lasiloo taa to, Kadu lasiloo aniŋ Sebuluni lasiloo taa to, ì ye saatee taŋ niŋ fula le dii Merari koomalankoolu la, ko ì la dimbaayaalu keñaa be laariŋ ñaameŋ.

⁶⁴Wo ñaa kiliŋo la, Banisirayilanka toomaalu fanaa ye saatewolu dii Lewi lasiloo la le, ì niŋ ì beeyaŋ daañini dulaalu.

⁶⁵Ñiŋ saatewolu mennu toolu fota teŋ, ka bo Yahuuda, Simeyoni aniŋ Benjamini lasiloolu taa to, ì ye ì alikuuri wo ñaa kiliŋo le la.

⁶⁶Ka bo Efurayimu* lasiloo taa to, Kohati kaabiila dimbaayaa doolu, wolu fanaalu ye saatewolu soto le:

⁶⁷Sekemu meŋ mu tankañini dulaa saatewo ti Efurayimu konkotundoo* kaŋ, aniŋ Keseri,

⁶⁸Yokimeyamu, Beti-Horoni,

⁶⁹Ayaloni aniŋ Kati-Rimmoni, ì niŋ ì beeyaŋ daañini dulaalu.

⁷⁰Ka bo Manase lasili talanteemoo taa to, ì ye Aneri niŋ Bileyamu dii Kohati koomalanka toomaalu le la, ì niŋ ì beeyaŋ daañini dulaalu.

⁷¹Dulaalu mennu diita Kerisoni koomalankoolu la: Ka bo Manase lasili talanteemoo taa to, wolu le mu Kolani ti, meŋ be Basani tundoo kaŋ, aniŋ Asitaroti, ì niŋ ì beeyaŋ daañini dulaalu.

⁷²Ka bo Isakari lasiloo taa to, Kedesi le mu, Daberati,

⁷³Ramoti aniŋ Anemu, ì niŋ ì beeyaŋ daañini dulaalu,

⁷⁴Ka bo Aseri lasiloo taa to, Masali le mu, Abudoni,

⁷⁵Hukoki aniŋ Rehobu, ì niŋ ì beeyaŋ daañini dulaalu,

⁷⁶Ka bo Nafutali lasiloo taa to, Kedesi le mu, meŋ be Kalilee tundoo kaŋ, Hammoni aniŋ Kiriyatayimu, ì niŋ ì beeyaŋ daañini dulaalu.

⁷⁷Dulaalu mennu diita Merari koomalanka toomaalu la: Ka bo Sebuluni lasiloo taa to, Rimmono le mu, aniŋ Tabori, ì niŋ ì beeyaŋ daañini dulaalu.

⁷⁸Ka kuntu Yoridani Boloŋo la ka bo Yeriko aniŋ Yoridani tilibo karoo la, ka bo Rubeni lasiloo taa to, Beseri le mu meŋ be keñewuloo* kono, Yasa,

⁷⁹Kedemoti aniŋ Mefaati, ì niŋ ì beeyaŋ daañini dulaalu.

⁸⁰Ka bo Kadu lasiloo taa to, Ramoti le mu, meŋ be Kileyadi tundoo kaŋ, Mahanayimu,

⁸¹Hesiboni aniŋ Yaseri, ì niŋ ì beeyaŋ daañini dulaalu.