Read Mandinka Esira 2 Bible Online

Esira 2 - Mandinka bible

Esira 2

¹Ñiŋ ne mu Yahuuda kumandaŋ mara bankoo moolu yaatewo ti, Babiloni mansa Nebukanesa ye mennu muta nuŋ, a ye ì samba Babiloni bankoo kaŋ. Ì muruta Yerusalaamu, aniŋ ì la saatewolu bee to, Yahuuda bankoo kaŋ.

²Ì la ñaatonkoolu mu ñinnu le ti: Serubabeli, Yesuwa, Nehemiya, Seraya, Reelaya, Moridekayi, Bilisani, Misipari, Bikiwayi, Rehumu, aniŋ Baana. Ñiŋ ne mu Banisirayila kewolu yaatewo ti:

³Parosi koomalankoolu, moo wuli fula, aniŋ keme niŋ taŋ woorowula niŋ fula.

⁴Sefatiya koomalankoolu, moo keme saba, aniŋ taŋ woorowula niŋ fula.

⁵Ara koomalankoolu, moo keme woorowula, aniŋ taŋ woorowula niŋ luulu.

⁶Pahati-Mowabi koomalankoolu, mennu mu Yesuwa niŋ Yowabu koomalankoolu ti, moo wuli fula, aniŋ keme seyi, aniŋ taŋ niŋ fula.

⁷Elamu koomalankoolu, moo wuli kiliŋ, aniŋ keme fula, aniŋ taŋ luulu niŋ naani.

⁸Satu koomalankoolu, moo keme kononto, aniŋ taŋ naani niŋ luulu.

⁹Sakayi koomalankoolu, moo keme woorowula, aniŋ taŋ wooro.

¹⁰Bani koomalankoolu, moo keme wooro, aniŋ taŋ naani niŋ fula.

¹¹Bebayi koomalankoolu, moo keme wooro, aniŋ muwaŋ niŋ saba.

¹²Asikadi koomalankoolu, moo wuli kiliŋ, aniŋ keme fula, aniŋ muwaŋ niŋ fula.

¹³Adonikamu koomalankoolu, moo keme wooro, aniŋ taŋ wooro niŋ wooro.

¹⁴Bikiwayi koomalankoolu, moo wuli fula, aniŋ taŋ luulu niŋ wooro.

¹⁵Adini koomalankoolu, moo keme naani, aniŋ taŋ luulu niŋ naani.

¹⁶Ateri koomalankoolu, mennu mu Hesekiya koomalankoolu ti, moo taŋ kononto niŋ seyi.

¹⁷Besayi koomalankoolu, moo keme saba, aniŋ muwaŋ niŋ saba.

¹⁸Yora koomalankoolu, moo keme, aniŋ taŋ niŋ fula.

¹⁹Hasumu koomalankoolu, moo keme fula, aniŋ muwaŋ niŋ saba.

²⁰Kibari koomalankoolu, moo taŋ kononto niŋ luulu.

²¹Betilehemunkoolu, moo keme, aniŋ muwaŋ niŋ saba.

²²Netofankoolu, moo taŋ luulu niŋ wooro.

²³Anatotinkoolu, moo keme aniŋ muwaŋ niŋ seyi.

²⁴Asimawetinkoolu, moo taŋ naani niŋ fula.

²⁵Kiriyati-Yeyarimunkoolu, Kefirankoolu niŋ Beerotinkoolu, moo keme woorowula, aniŋ taŋ naani niŋ saba.

²⁶Ramankoolu niŋ Kebankoolu, moo keme wooro, aniŋ muwaŋ niŋ kiliŋ.

²⁷Mikimasinkoolu, moo keme, aniŋ muwaŋ niŋ fula.

²⁸Betelinkoolu niŋ Ayinkoolu, moo keme fula, aniŋ muwaŋ niŋ saba.

²⁹Nebonkoolu, moo taŋ luulu niŋ fula.

³⁰Makibisinkoolu, moo keme niŋ taŋ luulu, aniŋ wooro.

³¹Elamu saatee doo moolu, moo wuli kiliŋ, aniŋ keme fula, aniŋ taŋ luulu niŋ naani.

³²Harimunkoolu, moo keme saba, aniŋ muwaŋ.

³³Lodinkoolu, Hadidinkoolu niŋ Ononkoolu, moo keme woorowula, aniŋ muwaŋ niŋ luulu.

³⁴Yerikonkoolu, moo keme saba, aniŋ taŋ naani niŋ luulu.

³⁵Senaankoolu, moo wuli saba, aniŋ keme wooro niŋ taŋ saba.

³⁶Piriisoolu*, wolu yaatewo mu ñiŋ ne ti: Yedaya koomalankoolu, mennu bonsuŋo mu Yesuwa ti, moo keme kononto, aniŋ taŋ woorowula niŋ saba.

³⁷Immeri koomalankoolu, moo wuli kiliŋ, aniŋ taŋ luulu niŋ fula.

³⁸Pasihuri koomalankoolu, moo wuli kiliŋ, aniŋ keme fula, aniŋ taŋ naani niŋ woorowula.

³⁹Harimu koomalankoolu, moo wuli kiliŋ, aniŋ taŋ niŋ woorowula.

⁴⁰Lewi lasiloo yaatewo mu ñiŋ ne ti: Yesuwa niŋ Kadimiyeli koomalankoolu, mennu mu Hodawiya koomalankoolu ti, moo taŋ woorowula niŋ naani. Suukuulaalaalu yaatewo mu ñiŋ ne ti:

⁴¹Asafu koomalankoolu, moo keme, aniŋ muwaŋ niŋ seyi.

⁴²Alla Batudulaa Buŋo* dundaŋ daa kantalaalu yaatewo mu ñiŋ ne ti: Sallumu koomalankoolu, Ateri koomalankoolu, Talimoni koomalankoolu, Akubu koomalankoolu, Hatita koomalankoolu, Sobayi koomalankoolu, wolu bee kafuriŋo mu moo keme, aniŋ taŋ saba niŋ kononto le ti.

⁴³Alla Batudulaa Buŋo to dookuulaalu yaatewo mu ñiŋ ne ti: Siha koomalankoolu, Hasufa koomalankoolu, Tabawoti koomalankoolu,

⁴⁴Kerosi koomalankoolu, Siyaha koomalankoolu, Padoni koomalankoolu,

⁴⁵Lebana koomalankoolu, Hakaba koomalankoolu, Akubu koomalankoolu,

⁴⁶Hakabu koomalankoolu, Salimayi koomalankoolu, Hanani koomalankoolu,

⁴⁷Kideli koomalankoolu, Kahari koomalankoolu, Reyaya koomalankoolu,

⁴⁸Resini koomalankoolu, Nekoda koomalankoolu, Kasamu koomalankoolu,

⁴⁹Usa koomalankoolu, Paseya koomalankoolu, Besayi koomalankoolu,

⁵⁰Asina koomalankoolu, Meyunimu koomalankoolu, Nefusimu koomalankoolu,

⁵¹Bakibuki koomalankoolu, Hakufa koomalankoolu, Harihuri koomalankoolu,

⁵²Basiluti koomalankoolu, Mehida koomalankoolu, Harisa koomalankoolu,

⁵³Barikosi koomalankoolu, Sisera koomalankoolu, Tema koomalankoolu,

⁵⁴Nesiya koomalankoolu, Hatifa koomalankoolu.

⁵⁵Mansa Sulemani la dookuulaalu koomalankoolu, wolu yaatewo mu ñiŋ ne ti: Sotayi koomalankoolu, Hasofereti koomalankoolu, Peruda koomalankoolu,

⁵⁶Yaala koomalankoolu, Darikoni koomalankoolu, Kideli koomalankoolu,

⁵⁷Sefatiya koomalankoolu, Hatili koomalankoolu, Pokereti-Hasebayimu koomalankoolu, aniŋ Ami koomalankoolu.

⁵⁸Alla Batudulaa Buŋo dundaŋ daa kantalaalu, aniŋ Sulemani la dookuulaalu koomalankoolu kafuriŋo, wolu yaatewo mu moo keme saba, aniŋ taŋ kononto niŋ fula le ti.

⁵⁹Ñiŋ moolu mennu yaatewo ka naa fo teŋ, fanaa muruta naŋ ne ka bo saatewolu to, mennu keta Teli-Mela ti, Teli-Harisa, Kerubu, Adoni, aniŋ Immeri. Bari itolu maŋ a yitandi noo ko ì la dimbaayaa moolu niŋ ì bonsuŋolu mu Banisirayilankoolu le ti. Wolu le mu ñinnu ti:

⁶⁰Delaya koomalankoolu, Tobiya koomalankoolu, Nekoda koomalankoolu, moo keme wooro, aniŋ taŋ luulu niŋ fula.

⁶¹Piriisi doolu fanaa koomalankoolu le mu ñinnu ti: Hobaya koomalankoolu, Hakosi koomalankoolu, aniŋ Baasillayi koomalankoolu. Ate ye Baasillayi Kileyadinkoo dimmusoo le futuu, wo le ye a tinna ì ka a kumandi wo too la.

⁶²Itolu ye ì la moolu bonsuŋolu ñini wuluu sila safeeroolu kono le, bari ì maŋ ì je. Wo le ye a tinna ì ye ì bali piriisiyaa la, kaatu ì ye ì muta moo seneyaabaloolu le ti.

⁶³Ì la kumandaŋo ko ì ye le ko, ì kana sadaa* domori senuŋ baa domo, fo niŋ piriisoo sotota, meŋ si ì la kuwo juubee niŋ Urimu aniŋ Tummimu[1] la.

⁶⁴Kafoo ñiŋ muumewo yaatewo mu moo wuli taŋ naani niŋ fula, aniŋ keme saba niŋ taŋ wooro le ti.

⁶⁵Wo niŋ ì la dookuulaa kewolu niŋ musoolu maŋ kiliŋ, mennu yaatewo mu moo wuli woorowula, keme saba, taŋ saba, aniŋ woorowula ti. Aduŋ ì ye suukuulaalaa kewolu niŋ musoolu fanaa soto ì kono le, ì moo keme fula.

⁶⁶Ì la beeyaŋolu yaatewo mu ñiŋ ne ti: suu keme woorowula, aniŋ taŋ saba niŋ wooro, bahalee* keme fula, aniŋ taŋ naani niŋ luulu,

⁶⁷ñonkome keme naani, aniŋ taŋ saba niŋ luulu, aniŋ fali wuli wooro, aniŋ keme woorowula niŋ muwaŋ.

⁶⁸Kabiriŋ ì futata Yaawe* Batudulaa Buŋo to Yerusalaamu, lasiloolu la alifaa doolu ye fankadaŋ sadaalu dii, ka Alla Batudulaa Buŋo lookuu a noo kotoo to.

⁶⁹Ka bo niŋ ì la fankoo daŋo la, ì ye diiroo ke ñiŋ dookuwo rankeesoo to, meŋ kaañanta sanoo kilo keme luulu, kodiforoo kilo wuli fula, aniŋ keme seyi, aniŋ piriisi dendika baa keme.

⁷⁰Piriisoolu, Lewi lasiloo, aniŋ moo doolu siita Yerusalaamu saatewo kono le, aniŋ a dandaŋo la. Bituŋ suukuulaalaalu, Alla Batudulaa Buŋo dundaŋ daa kantalaalu, ka taa Alla Batudulaa Buŋo to dookuulaalu siita ì la saatewolu to. Aduŋ Banisirayilankoolu bee siita ì bonsuŋolu la saatewolu to le.