Read Mandinka Nehemiya 10 Bible Online

Nehemiya 10 - Mandinka bible

Nehemiya 10

¹Ñinnu le mu kewolu ti mennu ye kambeŋo kayitoo ñiŋ tampu: Kumandaŋo Nehemiya, meŋ mu Hakaliya dinkewo ti. Sedekiya,

²Seraya, Asariya, Yeremiya,

³Pasihuri, Amariya, Malikiya,

⁴Hatusi, Sebaniya, Malluki,

⁵Harimu, Meremoti, Obadiya,

⁶Daniyeli, Kinnetoni, Baruku,

⁷Mesullamu, Abiya, Miyamini,

⁸Maasiya, Bilikayi, Semaya. Wolu le mu piriisoolu* ti.

⁹Lewi lasiloo mu ñinnu le ti: Asaniya dinkewo Yesuwa, Henadadi koomalankoolu Binnuyi, Kadimiyeli,

¹⁰aniŋ ì baadiŋolu: Sebaniya, Hodiya, Kelita, Pelaya, Hanani,

¹¹Mika, Rehobu, Hasabiya,

¹²Sakuri, Serebiya, Sebaniya,

¹³Hodiya, Bani, aniŋ Beninu.

¹⁴Moolu la ñaatonkoolu mu ñinnu le ti: Parosi, Pahati-Mowabi, Elamu, Satu, Bani,

¹⁵Bunni, Asikadi, Bebayi,

¹⁶Adoniya, Bikiwayi, Adini,

¹⁷Ateri, Hesekiya, Asuri,

¹⁸Hodiya, Hasumu, Besayi,

¹⁹Harifu, Anatoti, Nebayi,

²⁰Makipiyasi, Mesullamu, Hesiri,

²¹Mesesabeli, Sadoki, Yaduwa,

²²Pelatiya, Hanani, Anaya,

²³Hoseya, Hananiya, Hasubu,

²⁴Hallohesi, Piliha, Sobeki,

²⁵Rehumu, Hasabuna, Maaseya,

²⁶Ahiya, Hanani, Anani,

²⁷Malluki, Harimu, aniŋ Baana.

²⁸Moo toomaalu, mennu keta piriisoolu ti, Lewi lasiloo, dundaŋ daa kantalaalu, suukuulaalaalu, Alla Batudulaa Buŋo* to dookuulaalu, aniŋ moolu mennu bee ye ì faŋ jamfandi banku koteŋolu moolu la Alla la Luwaa la kuwo kamma la, ì niŋ ì la musoolu kafuriŋo, ì dinkewolu niŋ ì dimmusoolu bee, mennu si fahaamuroo ke noo,

²⁹ñinnu bee le naata kafu ì baadiŋ ñaatonkoolu ma, ì ye tawoo taa, ka i kali ko, ì be bula la Alla la Luwaa nooma le, meŋ diita ka bo niŋ Musa la, Alla la moo, aduŋ ì ko, ì be i kekuu la le ka Yaawe*, m̀ Maarii la yaamaroolu, kumoolu, aniŋ karandiroolu bee muta.

³⁰Ì ko, “Ǹ te ǹ dimmusoolu futundi la ǹ dandanna moolu ye, waraŋ ka ì dimmusoolu ñini ǹ dinkewolu ye.

³¹“Niŋ banku koteŋolu moolu ye fiirifeŋolu waraŋ siimaŋ kesoo samba naŋ, ka ì waafi Loobula Luŋo la, ǹ te feŋ saŋ na ì ma Loobula Luŋo la waraŋ luŋ kuliyaariŋ koteŋ doolu. Sanji woorowula-wo-sanji woorowula m̀ be sawuŋ na bankoo senoo la le, aduŋ m̀ be yamfa la julu kaniŋo bee la le.

³²“Ŋà ǹ kaŋo dii le fanaa saŋ-wo-saŋ ka kodiforoo karaamu naani dii, ko a yaamaroo diita ñaameŋ, ka duŋ ǹ na Alla Batudulaa Buŋo to kuwolu kunna.

³³A be duŋ na Alla la mbuuru senuŋo* le kunna, luŋ-wo-luŋ siimaŋ sadaalu*, luŋ-wo-luŋ jani sadaalu, ka taa mennu ka bo Loobula Luŋo la, Kari Kuta Juuraloo*, juurali londiriŋ koteŋolu, aniŋ sadaa senuŋolu. A be duŋ na Banisirayilankoolu la junube kafarilaŋ sadaalu fanaa kunna le, aniŋ kuu-wo-kuu mu Alla Batudulaa Buŋo to dookuwo ti.

³⁴“Ka bo ntolu la, ka taa piriisoolu, Lewi lasiloo, aniŋ moo toomaalu, ŋà alikuuroo* le ke, ka tombondiroo ke, saŋo kono dimbaayaa-wo-dimbaayaa ñanta loo samba la naŋ Alla Batudulaa Buŋo to waatoo meŋ na. Loo ñiŋ be mala la Yaawe, ǹ na Alla la sadaajanidulaa* le kaŋ, aduŋ m̀ be a ke la le ko a safeeta Luwaa Kitaaboo* kono ñaameŋ.

³⁵“Ŋà ñiŋ dunoo taa le fanaa, saŋ-wo-saŋ ka ǹ na fiifeŋ kuŋ foloolu niŋ ǹ na yiroolu diŋ foloolu meŋ-wo-meŋ samba naŋ Yaawe Batudulaa Buŋo to le.

³⁶“M̀ be ǹ dinkee foloolu samba la Alla Batudulaa Buŋo to le ka ì kumakaa,[7] aniŋ ǹ na ninsoolu diŋ foloolu, ka taa ǹ na saajiyolu niŋ baalu, ko a be safeeriŋ Luwaa Kitaaboo kono ñaameŋ. M̀ be ì samba la naŋ piriisoolu le ye mennu be dookuwo la Alla Batudulaa Buŋo to.

³⁷“M̀ be ǹ na fiifeŋ kuŋ foloolu munkoo samba la piriisoolu ye le, Alla Batudulaa Buŋo maaboridulaalu kono, ka taa ǹ na diiri feŋolu, aniŋ yiri siifaa-wo-siifaa diŋolu, wayini* kutoo, aniŋ tuloo. M̀ be ǹ na bankoo fiifeŋolu jakoo samba la naŋ Lewi lasiloo ye le. Itolu Lewi lasiloo le ka jakoolu bee muta saatewolu bee to, ǹ ka dookuwo ke daamennu to.

³⁸Haaruna koomalanka piriisi kiliŋ ñanta tara la jee le niŋ Lewi lasiloo be jakoolu muta la. Lewi lasiloo be jakoolu siidulaa tanjaŋo samba la naŋ ǹ na Alla Batudulaa Buŋo to le, ka ì ke maaboridulaalu kono.

³⁹Banisirayilankoolu niŋ Lewi lasiloo be diiri feŋolu samba la naŋ maaboridulaalu kono le, meŋ keta siimaŋ kesoo ti, wayini kutoo, aniŋ tuloo. Alla Batudulaa Buŋo to jooraŋolu be maaboriŋ wo le to, aduŋ jee dookuulaa piriisoolu, aniŋ dundaŋ daa kantalaalu niŋ suukuulaalaalu be sabatiriŋ jee le. “Ǹ te ǹ ñaa kaasi la ǹ na Alla Batudulaa Buŋo la.”