Read Mandinka Nehemiya 7 Bible Online

Nehemiya 7 - Mandinka bible

Nehemiya 7

¹Kabiriŋ tata sansaŋo banta seyinkaŋ loo la, aduŋ ŋa daa tawundaŋolu ke ì kedulaa, wo le to Alla Batudulaa Buŋo* dundaŋ daa kantalaalu, suukuulaalaalu, aniŋ Lewi lasiloo naata londi ì la dookuu daa to.

²Ŋa m baadiŋo Hanani le marandi Yerusalaamu ma, aniŋ Hananiya, meŋ marata tatoo ma. Kaatu Hananiya mu moo tilindiŋo le ti, aduŋ a silata Alla la le ka tambi kee jamaa la.

³N ko ì ye ko, “Yerusalaamu dundaŋ daalu maŋ ñaŋ ka yele fo niŋ tiloo kandita. Janniŋ daa kantalaalu be jii la, ì si daa tawundaŋolu soroŋ, ka bantambiloo ke ì la. Ali si Yerusalaamu moo doolu fanaa tomboŋ ka ì ke kantarilaalu ti. Doolu si loo kantari dulaalu to, aduŋ doolu si loo ì faŋolu la buŋolu daa to.”

⁴Bari saatewo ñiŋ warata le, aduŋ a kenoo fanuta le. Moo dantaŋ ne be jee, aduŋ buŋ maŋ seyinkaŋ loo foloo.

⁵Bituŋ n na Alla ye hakiloo dii n na ka ñaatonkoolu bendi, alifaalu, aniŋ moo toomaalu bee, ka ì toolu safee ka bo niŋ ì la dimbaayaalu la. N naata moolu la wuluu sila safeeroolu je le, mennu foloo seyita naŋ. Ŋa ñiŋ ne tara safeeriŋ jee:

⁶Ñiŋ ne mu Yahuuda kumandaŋ mara bankoo moolu yaatewo ti, Babiloni mansa Nebukanesa ye mennu muta nuŋ, a ye ì samba Babiloni bankoo kaŋ. Ì muruta Yerusalaamu le, aniŋ ì bonsuŋ saatewolu bee to, Yahuuda bankoo kaŋ.

⁷Ì la ñaatonkoolu mu ñinnu le ti: Serubabeli, Yesuwa, Nehemiya, Asariya, Raamiya, Nahamani, Moridekayi, Bilisani, Misipereti, Bikiwayi, Nehumu, aniŋ Baana. Ñiŋ ne mu Banisirayila kewolu yaatewo ti, mennu seyita naŋ ka bo mutoo kono:

⁸Parosi koomalankoolu, moo wuli fula, aniŋ keme, aniŋ taŋ woorowula niŋ fula.

⁹Sefatiya koomalankoolu, moo keme saba, aniŋ taŋ woorowula niŋ fula.

¹⁰Ara koomalankoolu, moo keme wooro, aniŋ taŋ luulu niŋ fula.

¹¹Pahati-Mowabi koomalankoolu, mennu mu Yesuwa niŋ Yowabu koomalankoolu ti, moo wuli fula, aniŋ keme seyi, aniŋ taŋ niŋ seyi.

¹²Elamu koomalankoolu, moo wuli kiliŋ, aniŋ keme fula, aniŋ taŋ luulu niŋ naani.

¹³Satu koomalankoolu, moo keme seyi, aniŋ taŋ naani niŋ luulu.

¹⁴Sakayi koomalankoolu, moo keme woorowula, aniŋ taŋ wooro.

¹⁵Binnuyi koomalankoolu, moo keme wooro, aniŋ taŋ naani niŋ seyi.

¹⁶Bebayi koomalankoolu, moo keme wooro, aniŋ muwaŋ niŋ seyi.

¹⁷Asikadi koomalankoolu, moo wuli fula, aniŋ keme saba, aniŋ muwaŋ niŋ fula.

¹⁸Adonikamu koomalankoolu, moo keme wooro, aniŋ taŋ wooro niŋ woorowula.

¹⁹Bikiwayi koomalankoolu, moo wuli fula, aniŋ taŋ wooro niŋ woorowula.

²⁰Adini koomalankoolu, moo keme wooro, aniŋ taŋ luulu niŋ luulu.

²¹Ateri koomalankoolu, mennu mu Hesekiya koomalankoolu ti, moo taŋ kononto niŋ seyi.

²²Hasumu koomalankoolu, moo keme saba, aniŋ muwaŋ niŋ seyi.

²³Besayi koomalankoolu, moo keme saba, aniŋ muwaŋ niŋ naani.

²⁴Harifu koomalankoolu, moo keme, aniŋ taŋ niŋ fula.

²⁵Kibeyoni koomalankoolu, moo taŋ kononto niŋ luulu.

²⁶Betilehemunkoolu aniŋ Netofankoolu, moo keme, aniŋ taŋ seyi niŋ seyi.

²⁷Anatotinkoolu, moo keme, aniŋ muwaŋ niŋ seyi.

²⁸Beti-Asimawetinkoolu, moo taŋ naani niŋ fula.

²⁹Kiriyati-Yeyarimunkoolu, Kefirankoolu niŋ Beerotinkoolu, moo keme woorowula, aniŋ taŋ naani niŋ saba.

³⁰Ramankoolu niŋ Kebankoolu, moo keme wooro, aniŋ muwaŋ niŋ kiliŋ.

³¹Mikimasinkoolu, moo keme, aniŋ muwaŋ niŋ fula.

³²Betelinkoolu niŋ Ayinkoolu, moo keme, aniŋ muwaŋ niŋ saba.

³³Nebo saatee doo moolu, moo taŋ luulu niŋ fula.

³⁴Elamu saatee doo moolu, moo wuli kiliŋ, aniŋ keme fula, aniŋ taŋ luulu niŋ naani.

³⁵Harimunkoolu, moo keme saba, aniŋ muwaŋ.

³⁶Yerikonkoolu, moo keme saba, aniŋ taŋ naani niŋ luulu.

³⁷Lodinkoolu, Hadidinkoolu, aniŋ Ononkoolu, moo keme woorowula, aniŋ muwaŋ niŋ kiliŋ.

³⁸Senaankoolu, moo wuli saba, aniŋ keme kononto, aniŋ taŋ saba.

³⁹Piriisoolu*, wolu yaatewo mu ñiŋ ne ti: Yedaya koomalankoolu, mennu bonsuŋo mu Yesuwa ti, moo keme kononto, aniŋ taŋ woorowula niŋ saba.

⁴⁰Immeri koomalankoolu, moo wuli kiliŋ, aniŋ taŋ luulu niŋ fula.

⁴¹Pasihuri koomalankoolu, moo wuli kiliŋ, aniŋ keme fula, aniŋ taŋ naani niŋ woorowula.

⁴²Harimu koomalankoolu, moo wuli kiliŋ, aniŋ taŋ niŋ woorowula.

⁴³Lewi lasiloo yaatewo mu ñiŋ ne ti: Yesuwa niŋ Kadimiyeli koomalankoolu, mennu mu Hodawiya koomalankoolu ti, moo taŋ woorowula niŋ naani.

⁴⁴Suukuulaalaalu yaatewo mu ñiŋ ne ti: Asafu koomalankoolu, moo keme, aniŋ taŋ naani niŋ seyi.

⁴⁵Alla Batudulaa Buŋo dundaŋ daa kantalaalu yaatewo mu ñiŋ ne ti: Sallumu koomalankoolu, Ateri koomalankoolu, Talimoni koomalankoolu, Akubu koomalankoolu, Hatita koomalankoolu, Sobayi koomalankoolu, wolu bee kafuriŋo mu moo keme, aniŋ taŋ saba niŋ seyi le ti.

⁴⁶Alla Batudulaa Buŋo to dookuulaalu mu ñinnu le ti: Siha koomalankoolu, Hasufa koomalankoolu, Tabawoti koomalankoolu,

⁴⁷Kerosi koomalankoolu, Siya koomalankoolu, Padoni koomalankoolu,

⁴⁸Lebana koomalankoolu, Hakaba koomalankoolu, Salimayi koomalankoolu,

⁴⁹Hanani koomalankoolu, Kideli koomalankoolu, Kahari koomalankoolu,

⁵⁰Reyaya koomalankoolu, Resini koomalankoolu, Nekoda koomalankoolu,

⁵¹Kasamu koomalankoolu, Usa koomalankoolu, Paseya koomalankoolu,

⁵²Besayi koomalankoolu, Meyunimu koomalankoolu, Nefusimu koomalankoolu,

⁵³Bakibuki koomalankoolu, Hakufa koomalankoolu, Harihuri koomalankoolu,

⁵⁴Basiluti koomalankoolu, Mehida koomalankoolu, Harisa koomalankoolu,

⁵⁵Barikosi koomalankoolu, Sisera koomalankoolu, Tema koomalankoolu,

⁵⁶Nesiya koomalankoolu, aniŋ Hatifa koomalankoolu.

⁵⁷Mansa Sulemani la dookuulaalu koomalankoolu, wolu mu ñinnu le ti: Sotayi koomalankoolu, Sofereti koomalankoolu, Perida koomalankoolu,

⁵⁸Yaala koomalankoolu, Darikoni koomalankoolu, Kideli koomalankoolu,

⁵⁹Sefatiya koomalankoolu, Hatili koomalankoolu, Pokereti-Hasebayimu koomalankoolu, aniŋ Amoni koomalankoolu.

⁶⁰Alla Batudulaa Buŋo dundaŋ daa kantalaalu, aniŋ Mansa Sulemani la dookuulaalu koomalankoolu kafuriŋo, wolu yaatewo mu moo keme saba, aniŋ taŋ kononto niŋ fula le ti.

⁶¹Moo doolu mennu yaatewo ka naa fo teŋ, fanaa muruta naŋ ne ka bo saatewolu to, mennu keta Teli-Mela ti, Teli-Harisa, Kerubu, Adoni, aniŋ Immeri. Bari itolu maŋ a yitandi noo ko ì la dimbaayaa moolu niŋ ì bonsuŋolu mu Banisirayilankoolu le ti. Wolu le mu ñinnu ti:

⁶²Delaya koomalankoolu, Tobiya koomalankoolu, Nekoda koomalankoolu, moo keme wooro, aniŋ taŋ naani niŋ fula.

⁶³Piriisi doolu fanaa koomalankoolu le mu ñinnu ti: Hobaya koomalankoolu, Hakosi koomalankoolu, aniŋ Baasillayi koomalankoolu. Baasillayi ye Baasillayi Kileyadinkoo dimmusoo le futuu, wo le ye a tinna ì ka a kumandi wo too la.

⁶⁴Itolu ye ì la moolu bonsuŋolu ñini wuluu sila safeeroolu kono le, bari ì maŋ ì je. Wo le ye a tinna ì ye ì bali piriisiyaa la, kaatu ì ye ì muta moo seneyaabaloolu le ti.

⁶⁵Ì la kumandaŋo ko ì ye le ko, ì kana sadaa* domori senuŋ baa domo, fo niŋ piriisoo sotota, meŋ si ì la kuwo juubee niŋ Urimu aniŋ Tummimu[6] la.

⁶⁶Kafoo ñiŋ muumewo yaatewo mu moo wuli taŋ naani niŋ fula, aniŋ keme saba, aniŋ taŋ wooro le ti.

⁶⁷Wo niŋ ì la dookuulaa kewolu niŋ musoolu maŋ kiliŋ, mennu yaatewo mu moo wuli woorowula, aniŋ keme saba, aniŋ taŋ saba niŋ woorowula ti. Aduŋ ì ye suukuulaalaa kewolu niŋ musoolu soto ì kono le, ì moo keme fula, aniŋ taŋ naani niŋ luulu.

⁶⁸Ì la beeyaŋolu yaatewo mu ñiŋ ne ti: suu keme woorowula, aniŋ taŋ saba niŋ wooro, bahalee* keme fula, aniŋ taŋ naani niŋ luulu,

⁶⁹ñonkome keme naani, aniŋ taŋ saba niŋ luulu, aniŋ fali wuli wooro, aniŋ keme woorowula niŋ muwaŋ.

⁷⁰Lasiloolu la alifaa doolu ye diiroo ke Alla Batudulaa Buŋo dookuwo to le. Kumandaŋo ye sanoo kilo seyi le dii rankeesoo to, booli taŋ luulu, aniŋ piriisi dendika baa keme luulu niŋ taŋ saba.

⁷¹Lasiloolu la alifaa doolu ye sanoo kilo keme, aniŋ taŋ wooro niŋ seyi le dii rankeesoo to, dookuwo kamma la, kodiforoo kilo wuli kiliŋ, aniŋ keme fula niŋ taŋ luulu.

⁷²Moo toomaalu ye sanoo kilo keme, aniŋ taŋ wooro niŋ seyi le dii, aniŋ kodiforoo kilo keme, aniŋ taŋ naani, aniŋ piriisi dendika baa taŋ wooro niŋ woorowula.

⁷³Piriisoolu, Lewi lasiloo, Alla Batudulaa Buŋo dundaŋ daa kantalaalu, suukuulaalaalu, aniŋ Alla Batudulaa Buŋo to dookuulaalu, ka taa moo koteŋ doolu, aniŋ Banisirayilanka toomaalu, siita ì la saatewolu to le. Kari woorowulanjaŋo be sii la waatoo meŋ na, a ye a tara le Banisirayilankoolu bee siita ì la saatewolu to.