Read Mandinka Yuuba 18 Bible Online

Yuuba 18 - Mandinka bible

Yuuba 18

¹Bilidadi Suhankoo ye jaabiroo ke ko:

²Ite be tara la kuma ñinoo la fo waati jumaa le la? Miiroo soto, ǹ si naa diyaamu noo.

³Muŋ ne ye a tinna i ye ntolu muta ko beeyaŋolu? Muŋ ne ye a tinna ntolu keta hakilintaŋo ti i ñaa koto?

⁴Ite meŋ ye i faŋ toorandi i la kamfaa waatoo kono. Fo i la kuwo, wo le be a tinna la duniyaa be baŋ na, waraŋ bere konkoo ye wutu ka bo a noo to?

⁵Tooñaa-tooñaa, moo kuruŋolu la maloo dubenta le, aduŋ ì la dimbaa te mala la.

⁶Ì la tiriliisoo* maloo keta diboo ti, ì daala lampoo faata.

⁷Ì birisoolu sutiyaata, aduŋ ì faŋolu la feere kuwolu le ye ì jindi duuma.

⁸Ì faŋo siŋolu le ye ì bulandi kutindiŋo daa, ì bulata dinkoo kono.

⁹Kutindiŋo ye ì muta ì tonkoliŋo to, a soronta ì fee.

¹⁰Wereŋo le tarata laariŋ ì kamma bankoo to, kutindiŋo be ì batu kaŋ sirinkoo kono.

¹¹Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

¹²Ì la fankoo keta ì ye konkoo ti, aduŋ maasiiboo le tarata pareeriŋ ka boyi ì kaŋ.

¹³Kuuraŋo fanaa be ì ñaato, meŋ be ì samba la saayaa kaŋ, ka ì balajaatoo bee tolindi.

¹⁴Ì ye ì bayi ka bo ì la tankoo tiriliisoo to, ì be sabatiriŋ daameŋ. Ì ye ì wafu naŋ, ka ì dii saayaa la, maasiiboo mansa.

¹⁵Hani feŋ maŋ tu ì la tiriliisoo koto, Solifa munkoo* le tarata janjandiŋ ì la sabati dinkiraalu to.

¹⁶Ì la kuwo ka muluŋ ne komeŋ yiroo meŋ, a suloolu jaata bankoo kono, a buloolu norota santo.

¹⁷Ì la kuwo be fili la duniyaa moolu ma, ì too te tu la suu kono, aniŋ banta la.

¹⁸Alla be ì bondi la duniyaa kono, a be ì ñori la ka bo maloo dulaa to ka taa diboo kono.

¹⁹Ì maŋ diŋ soto ka ke ì koomoo ti, hani moo kiliŋ te baluu la ì sabatidulaa to.

²⁰Mennu bee ye ì la kuwo moyi, ka bo tilibo ka taa tilijii, wolu bee le kija bota.

²¹Moo kuruŋolu la kuwo be laariŋ teŋ ne, moolu labaŋo ka ke teŋ ne, mennu maŋ Alla la kuwo muta.