Read Mandinka Yuuba 23 Bible Online

Yuuba 23 - Mandinka bible

Yuuba 23

¹Bituŋ Yuuba ye jaabiroo ke ko:

²Hani bii nte la balaŋo be bambandiŋ m bulu le. M be ŋuntaŋ kaŋ ñaa-wo-ñaa, Alla le be n jarabi kaŋ.

³Kooni, niŋ ŋa a loŋ a be daameŋ, niŋ n si taa noo a dinkiraa le to!

⁴M be n na kuwo landi la a ñaatiliŋo la le, ŋa n na balandaalu yita a la.

⁵N si a loŋ, a be n jaabi la meŋ na, bituŋ n si a fahaamu, a be meŋ fo la.

⁶Fo duŋ, ate le be kiitiyo kuwo ñiŋ ñaatonkayaa la baŋ, ka n silandi niŋ a semboo la? Bari hanii, a be i lamoyi la m fanaa la kumakaŋo la le.

⁷Bituŋ n si naa n na kuwo kiitiyo laa a ñaa koto, ko moo meŋ tilinta. A si kiitindiroo ke, ka a yitandi ko, n koyita le fo fawu.

⁸Bari niŋ n taata tiliboo la, a te wo to, niŋ n taata tilijiyo la, n te a je la.

⁹Niŋ a be dookuwo la maraa kara maafaŋo la, m buka a je, niŋ a sawunta bulubaa kara maafaŋo fanaa la, m buka hani a kuntutoo faŋo le je.

¹⁰Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

¹¹M be bulariŋ a simfaañaalu le nooma, n loota a la siloo le kaŋ pet, m maŋ hani jenke kara la.

¹²N nene maŋ a la yaamaroolu soosoo dooto. A fokumoolu, wolu le be m bulu.

¹³Bari ate dammaa le be looriŋ a faŋ ye, jumaa le si a la feeroolu yelemandi noo? Meŋ diyaata ate ye, a ka wo le ke.

¹⁴A ye meŋ safee n kunto, fo a ye wo baŋ, aduŋ wo kuu siifaa jamaa le be a kono.

¹⁵Wo le ye a tinna m maŋ haañi a ñaatiliŋo la. Niŋ ŋa m miira ñiŋ na, a la kuwo ka n sila le.

¹⁶Alla Tallaa le ye n jikilateyindi, a ye n kijoo farandi.

¹⁷N na koleyaa diboo bee kono, m maŋ n deyi, dibi baa ye m muuri ñaa-wo-ñaa.