Read Mandinka Yuuba 41 Bible Online

Yuuba 41 - Mandinka bible

Yuuba 41

¹Daafeŋ doo duŋ, Lefiyatani?[12] Fo i si a muta noo niŋ dooliŋo la baŋ, waraŋ i ye a neŋo siti niŋ juloo la?

²Fo i si juloo duŋ noo a nuŋ huwo la baŋ, waraŋ ka a ŋaaŋaa soo dooliŋo la?

³Fo a si yamfoo ñini i bulu baŋ? Fo a si kuma diimaalu fo i ye baŋ?

⁴Fo a si soŋ i ma baŋ, i ye a samba, a ye ke i ye joŋo ti fo fawu?

⁵I si a ke noo malayandi feŋo ti baŋ komeŋ kunoo, ka a siti juloo la, i la dookuulaa sunkutoolu kali a juubee?

⁶Fo ñeemutalaalu si ñoo saba a daa la baŋ, ì si a suboo saamu laa noo waafirilaalu ye baŋ?

⁷I si a balafatoo soo noo niŋ sooroolu la baŋ, i si a soo noo a kuŋo to ñeemutaraŋ tamboo la baŋ?

⁸Niŋ i buloo maata a la, i ye i miira a keloo la, i te a ke la kotenke!

⁹Ka jikoo soto sila-wo-sila to a mutañaa la, wo bee mu jiki kenseŋo le ti. Ka a je kensenke doroŋ, i si boyi duuma piram.

¹⁰Moo maŋ wo ñamafatiyaa soto ka a maa, wo to jumaa le si i loo noo nte Alla fee?

¹¹Jumaa le la juloo be nte la ka a joo? Feŋ-wo-feŋ be saŋo muumewo koto, a bee mu nte Alla le taa ti.

¹²M batu ŋa Lefiyatani siŋo keñaa fo i ye, aniŋ a la sembe waroo, aniŋ a balajaatoo daakuuta ñaameŋ.

¹³Jumaa le si haañi, i ye a balafatoo wura? Jumaa le si a soo noo? A be bambandiŋ ne ko newo.

¹⁴Jumaa le si haañi ka a daa yele ñoo bala, a ñiŋo faŋo doroŋ mu silantaa le ti.

¹⁵A koo fatoo bee koteerimaa* le mu, a bee be karariŋ ñoo bala, a bee be laŋ-landiŋ ñoo kaŋ.

¹⁶Ì bee be suuriŋ-suurindiŋ ñoo kono, hani foñoo faŋo te duŋ noo la ì teema.

¹⁷Ì bee be bambandiŋ ñoo bala, ì be dundiŋ ñoo kono, aduŋ ì te bo noo la ñoo bala.

¹⁸Niŋ a tisoota, a ka dimbaa le fintindi naŋ, a ñaakesoolu ka mala le ko siiliŋ boo.

¹⁹Dimbaa le ka bo naŋ a daa kono ko pacamoo, dimbaa feremetoolu ye sari naŋ banta.

²⁰Siisiyo ka finti naŋ a nuŋ huwo kono le komeŋ niŋ finjaloo be bo la kaleeroo kono, meŋ be looriŋ taa to ñansaraŋ dimbaa kaŋ.

²¹A la niijiyo ka kemboolu mala, dimbaa ka bo naŋ a daa kono.

²²A semboo bee be a tonsuŋo le to, moo-wo-moo ñaa boyita a kaŋ, a kija le ka bo.

²³A bala suboolu ye ñoo muta le kat, ì be bambandiŋ ko newo, aduŋ feŋ te ì bo noo la ñoo bala.

²⁴A jusoo be jaariŋ ne komeŋ beroo, a be jaariŋ ne komeŋ tuurilaŋ beroo.

²⁵Niŋ a wulita, hani sembetii baalu ka sila le, ì bee ka muru kooma le a silaŋñaa kamma la.

²⁶Hani niŋ i ye a soo hawusaroo* la, nafaa te tara la a la. Sooroo te a duŋ noo la, waraŋ kalabeñoo, aduŋ tamba kese fanaa te a duŋ noo la.

²⁷Newo, a ka wo ke le komeŋ ñaama kaloo, aniŋ jaawaloo komeŋ babara toliriŋo.

²⁸Kalabeñoo buka a bondi a noo to, kampuraŋ beroo ka muluŋ a fee le komeŋ fuufulewo.

²⁹Dokoo ka muluŋ a fee le komeŋ ñaama kaloo, aduŋ a ka jele le, niŋ i ye a buŋ sooroo la.

³⁰A konokoto fatoolu ka munta le ko fenkeŋ teleŋolu, ì ka potoo fara le komeŋ senedaboo.

³¹A ka baa kono duundi le komeŋ niŋ jiyo be faji kaŋ, ka a bulubulundi komeŋ niŋ tulumaa feŋo be faji kaŋ.

³²A kooma ka tara malamalariŋ ne, baajiyo bee ye kankaŋ fur.

³³A ñoŋo maŋ soto duniyaa kono, daafeŋo meŋ, a maŋ silaŋo soto.

³⁴Ate jututa daafeŋolu faŋolu la le mennu ka taamaayaa ì faŋ na, daafeŋ-wo-daafeŋ, a ye a faŋ wara ñaa-wo-ñaa, ì bee la mansa mu ate le ti.