Read Mandinka Jabuuroolu 110 Bible Online

Jabuuroolu 110 - Mandinka bible

Jabuuroolu 110

¹Dawuda la Jabuuroo. Yaawe* ko m maarii Mansa ye ko, “Sii m bulubaa karoo la, fo ŋa i jawoolu ke i siŋo koto.”

²Yaawe be i la maraloo konoo fanundi la le ka bo Siyoni*. I be maraloo ke la i jawoolu kaŋ ne.

³Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

⁴Yaawe ye i kali le, aduŋ a te a hakiloo faliŋ na ko, “Ite keta piriisoo* le ti fo abadaa, ko Melikisedeki la piriisiyaa be ñaameŋ.”

⁵Yaawe be i bulubaa karoo la le. Niŋ a kamfaata waatoo meŋ na, a be mansoolu kasaara la le.

⁶A be kiitiyo taamandi la banku koteŋolu kaŋ ne, ka ì fandi moo furewolu la. A be maralilaalu kasaara la duniyaa karoo bee le la.

⁷Mansa be i miŋ na woyoo to le, meŋ be sila daala. Wo to le a be a kuŋo wulindi la, ka a la nooroo yitandi.