Read Mandinka Jabuuroolu 111 Bible Online

Jabuuroolu 111 - Mandinka bible

Jabuuroolu 111

¹Ali Yaawe* jayi.[44] M be Yaawe tentu la niŋ n sondomoo bee le la, a la moo tilindiŋolu la beŋo to.

²Yaawe la keroolu kaawakuuyaata le. Moolu mennu bee ka seewoo ì la, ì ka lafi le ka i miira ì la.

³A la keroolu be faariŋ horomoo le la, aniŋ mansayaa semboo, aduŋ a la tiliŋo be tu la le fo abadaa.

⁴Yaawe ye a la kaawakuwolu londi le, ka a je ko, moolu te ñina la ì la. A hiinanteeyaata le, aduŋ a balafaa warata.

⁵A ka domoroo dii moolu la le, mennu ye a kuliyaa. A hakiloo ka tu a la kambeŋo kaŋ ne.

⁶A ye a semboo yitandi a la moolu la le, ka bo niŋ wandi bankoolu la, a ye mennu dii ì la.

⁷A la keroolu bee mu tiliŋo niŋ tooñaa le ti. A la yaamaroolu bee mu lanna kuwo le ti.

⁸Ì be looriŋ ne fo abadaa, a ye ì dii tiliŋo niŋ tooñaa le kono.

⁹A ye a la moolu kiisa le, aduŋ a ye yaamaroo dii le ko, a ye a la kambeŋo londi le fo abadaa. A too seneyaata le, aduŋ a kuliyaata.

¹⁰Yaawe ñaasilaŋo le mu londoo kuŋo ti. Wo ka fahaamuroo dii moolu bee le la, mennu ka a la yaamaroolu muta. A be tu la jayi la le fo abadaa.