Read Mandinka Jabuuroolu 128 Bible Online

Jabuuroolu 128 - Mandinka bible

Jabuuroolu 128

¹Moolu ka ñiŋ suukuwo le laa, niŋ ì be Alla Batudulaa Buŋo* waliŋ na. Barakoo be moo le ye, meŋ silata Yaawe* la, meŋ ka taama a la siloo la.

²I maarii ye meŋ dookuu i buloo la, i be a tinewo domo la le. I be seewoo la le, aduŋ i be firiŋ na le.

³I la musoo be ke la i la suwo kono le, komeŋ yiri dinnaa baa.[55] I diŋolu be ke la i la domori miraŋo dandaŋo la le, komeŋ yiri faliŋ kutoolu.[56]

⁴Tooñaa, moo meŋ silata Yaawe la, a be neema la a ma teŋ ne.

⁵Allamaa Yaawe neema la i ma ka bo Siyoni*. Allamaa i ñaa ye Yerusalaamu la firiŋo je, i baluu tiloo bee la.

⁶Allamaa i ye i diŋolu diŋolu je. Kayiroo ye tara Banisirayila fee.