Read Mandinka Jabuuroolu 130 Bible Online

Jabuuroolu 130 - Mandinka bible

Jabuuroolu 130

¹Moolu ka ñiŋ suukuwo le laa, niŋ ì be Alla Batudulaa Buŋo* waliŋ na. Hee Yaawe*, ka bo n na jaakali baa kono, ŋa i kumandi le.

²Maariyo, n na kumandiroo moyi, i lamoyi n na daaniroo la, i ye balafaa n ye.

³Hee Yaawe, niŋ i ye ǹ na junuboolu safee, jumaa le be kana la i la kiitiyo ma?

⁴Bari ite le mu yamfalaa ti, wo le ye a tinna moolu ñanta sila la i la.

⁵M be n yillaariŋ baake Yaawe la maakoyiroo la le, aduŋ n laata a la kumoo la le.

⁶N niyo ka Maariyo le batu, ka tambi hani suuto kantarilaa ka fanikewo batu ñaameŋ, ka tara korontoriŋ fanikewo koto.

⁷Banisirayila, ali ali jikoo loo Yaawe kaŋ, kaatu a la kanoo buka baŋ, aduŋ a la kiisandiroo fuumata le.

⁸Ate le be Banisirayila kiisandi la ka bo ì la junuboolu bee kono.