Read Mandinka Jabuuroolu 136 Bible Online

Jabuuroolu 136 - Mandinka bible

Jabuuroolu 136

¹Ali Yaawe* tentu, kaatu a beteyaata le, a la kanu bambaloo be tu la le fo abadaa.

²Ali Alla tentu, mansoolu la Mansoo, a la kanu bambaloo be tu la le fo abadaa.

³Ali Maariyo tentu, maariyolu la Maariyo, a la kanu bambaloo be tu la le fo abadaa.

⁴Ali Yaawe tentu, ate le doroŋ ka kaawakuu baalu ke, a la kanu bambaloo be tu la le fo abadaa.

⁵Ate le ye saŋ fatoolu daa a la ñaameŋo la, a la kanu bambaloo be tu la le fo abadaa.

⁶Ate le ye bankoo feenee jiyo kaŋ, a la kanu bambaloo be tu la le fo abadaa.

⁷Ate le ye malafeŋ baalu daa, a la kanu bambaloo be tu la le fo abadaa.

⁸Tiloo ka fanikewo la kuwo le mara, a la kanu bambaloo be tu la le fo abadaa.

⁹Karoo niŋ looloolu ka suutoo la kuwo le mara, a la kanu bambaloo be tu la le fo abadaa.

¹⁰Ali Yaawe tentu, ate le ye Misirankoolu la konoñaa foloolu faa, a la kanu bambaloo be tu la le fo abadaa.

¹¹Ate le ye Banisirayilankoolu fintindi naŋ Misira bankoo kaŋ, a la kanu bambaloo be tu la le fo abadaa.

¹²A ye a ke niŋ a sembe baa le la, a la kanu bambaloo be tu la le fo abadaa.

¹³Ali Yaawe tentu, ate le ye Kulunjumbe Baa fara fula ti, a la kanu bambaloo be tu la le fo abadaa.

¹⁴A ye Banisirayilankoolu tambindi a teema la, a la kanu bambaloo be tu la le fo abadaa.

¹⁵Bari a ye Firawoona tuunendi wo baa kono le, a niŋ a la kelediŋolu, a la kanu bambaloo be tu la le fo abadaa.

¹⁶Ali Yaawe tentu, ate le ye a la moolu tambindi keñewuloo* kono la, a la kanu bambaloo be tu la le fo abadaa.

¹⁷Ate le ye mansa sembemaalu faa, a la kanu bambaloo be tu la le fo abadaa.

¹⁸A ye mansa kandaalu faa le, a la kanu bambaloo be tu la le fo abadaa,

¹⁹komeŋ Sihoni, Amorinkoolu la mansa, a la kanu bambaloo be tu la le fo abadaa,

²⁰aniŋ Oki, Basani tundoo mansa, a la kanu bambaloo be tu la le fo abadaa.

²¹A ye ì la bankoolu ke keetaafeŋo le ti, a la kanu bambaloo be tu la le fo abadaa,

²²a ye ì dii Banisirayilankoolu le la, a la dookuulaalu, a la kanu bambaloo be tu la le fo abadaa.

²³Ali Yaawe tentu, a maŋ ñina ǹ na, kabiriŋ m̀ be jutunnayaa kono, a la kanu bambaloo be tu la le fo abadaa.

²⁴A ye m̀ bondi ǹ jawoolu bulu le, a la kanu bambaloo be tu la le fo abadaa.

²⁵Ate le ka domoroo dii niilamaa feŋo bee la, a la kanu bambaloo be tu la le fo abadaa.

²⁶Ali Alla tentu, Arijana Maarii, a la kanu bambaloo be tu la le fo abadaa.