Read Mandinka Jabuuroolu 140 Bible Online

Jabuuroolu 140 - Mandinka bible

Jabuuroolu 140

¹Meŋ be suukuulaa ñaatonkayaa la: Dawuda la Jabuuroo le mu. Hee Yaawe*, m bondi moo jawoolu bulu, n tanka fitina moolu ma.

²Ì ka kuu jawoolu le feere ì hakiloo kono, aduŋ ì ka tu keloo le kurukuru la.

³Ì neŋolu be le ko saa saŋarariŋo, ì la kumoolu be ko biidaa kunoo. S

⁴Hee Yaawe, n kanta moo kuruŋolu la karoo la. N tanka fitina moolu ma, mennu ka feeroo siti ka m boyindi.

⁵Faŋ waralaalu ye kutindiŋolu le laa n kamma, ì ye jaloolu laa n kamma, ì ye wereŋolu laa sila jenjeŋo la. S

⁶Yaawe, n ko ite le mu n na Alla ti. Hee Yaawe, i lamoyi n na duwaa la, m be maakoyiri ñiniŋo le la.

⁷Yaawe, m Maariyo, n na kiisandirilaa sembemaa, ite le ye n tankandi kele luŋo kono.

⁸Hee Yaawe, kana moo kuruŋolu lafinna kuwo ke ì ye, kana soŋ ì ye ñaatotaa soto ì la feere jawoolu to, niŋ wo nte, ì si ì sañoolu wulindi. S

⁹Moolu mennu ye m murubeŋ, ì daalu ka mantooroo meŋ saabu, a ye kupi ì faŋolu kuŋo kaŋ.

¹⁰Allamaa dimbaa wuleŋo ye kupi ì kaŋ. Allamaa ì ye boyi dinkoo kono, ì kana wuli noo kotenke.

¹¹Allamaa moo neŋ fatiŋolu kana ñaatotaa soto ñiŋ bankoo kaŋ. Allamaa kuu jawoo ye tu fitina moolu teerindi la, ka ì kasaara.

¹²Yaawe, ŋa a loŋ ne ko, ite le ka loo moo bataariŋolu la kiitiyo la, aniŋ fentaŋolu la boloo ye.

¹³A be koyiriŋ ne ko, moo tilindiŋolu be ite Yaawe tentu la le. Lannamoolu be tara la sabatiriŋ i fee le.