Read Mandinka Jabuuroolu 3 Bible Online

Jabuuroolu 3 - Mandinka bible

Jabuuroolu 3

¹Dawuda la Jabuuroo, kabiriŋ a be bori kaŋ a dinkewo Abusalomu la. Hee Yaawe*, nte jawoolu la siyaañaa duŋ, moo jamaalu le ka wuli n kamma!

²Moo jamaa le ka a fo m ma ko, “Alla te a tankandi la.” S[2]

³Bari ite Yaawe mu n ye tankaraŋ koteeroo* le ti, ite le mu n na horomoo sababoo ti, aniŋ meŋ ka n kuŋo bo jirandiŋ.

⁴Ŋa n kaŋo sikandi le ka woosii Yaawe ye, aduŋ a ye n jaabi le ka bo a la konko senuŋo* to. S

⁵N ka n laa le ŋa siinoo, ŋa wuli kotenke, kaatu Yaawe le ka n kanta.

⁶N te sila la hani moo wuliwuloolu la, mennu ka wuli n kamma karoo bee la.

⁷Hee Yaawe, wuli, i ye n tankandi, n na Alla. I ka n jawoolu bee busa ì ŋaaŋaa le to, ì ka tilimbaloolu ñiŋolu kati le ka ì barakoo bo.

⁸Tankoo ka bo Yaawe le bulu, Allamaa a la neemoo ye tara a la moolu fee. S