Read Mandinka Jabuuroolu 32 Bible Online

Jabuuroolu 32 - Mandinka bible

Jabuuroolu 32

¹Dawuda la suukuwo. Seewoo be moo le ye, yamfa keta meŋ na junuboolu la, meŋ na hakoo tuutuuta.

²Seewoo be moo le ye, Yaawe* maŋ meŋ na kuu jawoo muta a kamma, aniŋ jenkoo te meŋ kono.

³Kabiriŋ n tarata deyiriŋ m faŋ ma, n kuloolu baabaata le, ka bo niŋ n na ŋuntaŋo la, tiloo bee,

⁴kaatu suutoo niŋ tiloo, i bulu laata n kaŋ kendeke le. M barakoo sulenta le, a keta komeŋ tilikandikono jaa. S

⁵Bituŋ ŋa n na boyidaa fo i ye, aduŋ m maŋ n na kuu jawoo nukuŋ i ma. N kumata le ko, “M be n na junuboolu fo la Yaawe ye le.” Bituŋ i yamfata n na junuboo dunoo la. S

⁶Wo to moo-wo-moo mu i la moo ti, a si duwaa ka i daani, koleyaa waatoo la. Niŋ mantooroo waamemaa feeneeta naŋ, a te futa la a ma.

⁷I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

⁸Yaawe la kumakaŋo le mu ñiŋ ti ko, “M be i yaamari la le, ka a fo i ye i ñanta taa la siloo meŋ na. M be a yitandi la i la le i ñanta meŋ ke la, n ñaa ye tara i kaŋ.

⁹Kana ke ko suwoo waraŋ bahalewo*, hakili te meŋ na. Karafewo niŋ juloo le ka a manankuŋ noo, niŋ wo nte, a te soŋ na i ye.”

¹⁰Moo kuruŋo niŋ kooroo jamaa le mu, bari meŋ dankeneyaata Yaawe la, wo ka tara tankariŋ a la kanu bambaloo le kono.

¹¹Alitolu mennu tilinta, ali kontaani ka seewoo Yaawe la kuwo to. Tiliŋo be alitolu mennu sondomoo kono, ali seewoo kendeke.