Read Mandinka Jabuuroolu 46 Bible Online

Jabuuroolu 46 - Mandinka bible

Jabuuroolu 46

¹Meŋ be suukuulaa ñaatonkayaa la: Kora koomalankoolu la suukuwo le mu. A si laa niŋ Alamoti juloo la. Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

²Ǹ te sila la hani niŋ bankoo jarajarata, konkoolu ye boyi baa baa kono,

³hani niŋ baa jiibaliŋolu fuusata ka faji, ka konkoolu jiijandi saŋarake. S

⁴Baa be jee le meŋ ka woyi, ka kontaanoo samba naŋ Alla la saatewo ye, daameŋ to mu Alla Mansa Tallaa faŋo taradulaa senuŋo ti.

⁵Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

⁶Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

⁷Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

⁸Ali naa ka Yaawe la keroolu je, a ye kaawakuu baalu mennu ke duniyaa kono.

⁹Yaawe ye keloo baŋ duniyaa karoo bee la, a ye kalabeñoolu niŋ sooroolu bee kati, a ye koteeroolu* jani dimbaa kono.

¹⁰“Ali si tenkuŋ, ka a loŋ ko nte le mu Alla ti! N too be wara la bankoolu bee kaŋ ne. N too be wara la duniyaa bee kono le.”

¹¹Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S