Read Mandinka Jabuuroolu 47 Bible Online

Jabuuroolu 47 - Mandinka bible

Jabuuroolu 47

¹Meŋ be suukuulaa ñaatonkayaa la: Kora koomalankoolu la Jabuuroo le mu. Duniyaa moolu, ali buloo kosi ka ali la seewoo yitandi. Ali Alla jayi kendeke.

²Muna, Yaawe* Mansa Tallaa ñaasilaŋo warata le. Ate le mu duniyaa bee Mansa baa ti.

³A ye banku koteŋolu duŋ m̀ bulu ka ì mara, a ye m̀ mansayandi moolu kunna.

⁴A ye bankoo tomboŋ ǹ ye ka a ke ǹ na keetaafeŋo ti, Banisirayila la ŋaañaaraŋ bankoo, a la kanu moolu. S

⁵Alla siita a la mansasiiraŋo kaŋ santo, moolu seewooriŋo ye binoolu fee.

⁶Ali suukuwolu laa Alla ye, ka a tentu, ali suukuwolu laa, ka ǹ na Mansa jayi.

⁷Alla le mu duniyaa bee Mansoo ti. Ali Jabuura suukuwolu laa a ye kendeke.

⁸Alla be siiriŋ a la mansasiiraŋ senuŋo kaŋ ne, ate le ye duniyaa bankoolu bee mara.

⁹Banku koteŋolu maralilaalu kafuta Alla la moolu ma, m̀ mumu Iburayima ye Alla meŋ batu. Alla le mu Mansa warariŋ baa ti, ate le marata sembemaalu ma.