Read Mandinka Jabuuroolu 48 Bible Online

Jabuuroolu 48 - Mandinka bible

Jabuuroolu 48

¹Kora koomalankoolu la Jabuura suukuwo le mu. Yaawe* warata le! Jayiroo ñanta wara la a ye le famfaŋ, ntolu la Alla la saatewo kono, meŋ be looriŋ a la konko senuŋo* kaŋ.

²Siyoni* Konkoo niŋ a la ñiiñaa, aniŋ a la jaŋayaa, a mu duniyaa banku moolu bee ye seewoo le ti. Siyoni Konkoo, konko senuŋo,[12] mu Mansa Baa la saatewo le ti.

³Alla be Siyoni Tatoo kono le. A ye a faŋ yitandi le ko, ate le mu ì ye tankoo ti.

⁴A fele, mansoolu kafuta ñoo ma, ka jee boyinkaŋ.

⁵Bari kabiriŋ ì ye a je doroŋ, ì teekumuta le. Kijafaroo le ye ì muta, ì borita.

⁶Jarajaroo niŋ dewuŋ baa le dunta ì la, komeŋ niŋ tiŋo ye musoo maa,

⁷ì keta komeŋ niŋ turubaadi jawoo ye safaari kuluŋolu janjaŋ.

⁸Ŋà a moyi ñaameŋ, ǹ naata a je wo le ñaama, Yaawe Alihawaa Maariyo* la saatewo kono, ǹ na Alla la saatewo kono. Alla be a londi la le fo fawu. S

⁹Hee Alla, niŋ m̀ be i batu kaŋ i Batudulaa Buŋo* kono, ǹ ka ǹ hakiloo murundi i la kanu bambaloo le kaŋ.

¹⁰Kooni Alla, i too bota duniyaa daŋolu to ñaameŋ, jayiroo be i ye wo le ñaama. I ka tiliŋo doroŋ ne taamandi i bulubaa buloo la.

¹¹Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

¹²Ali Siyoni muruŋ-muruŋ, ali muruŋ-muruŋ a la, ali ye a tata jaŋolu yaatee.

¹³Ali a tata sansaŋolu koroosi kendeke. Ali a tata buŋolu la kuwo kisikisi, ñiŋ kamma ali si a fo noo jamaani naalaalu ye ko:

¹⁴“Ñiŋ Alla mu ǹ na Alla le ti fo fawu, ate le be ǹ kanda la fo abadaa.”