Read Mandinka Jabuuroolu 56 Bible Online

Jabuuroolu 56 - Mandinka bible

Jabuuroolu 56

¹Meŋ be suukuulaa ñaatonkayaa la: A si laa juloo la ì ka a fo meŋ ye ko, “Puraa loota yirisuŋo santo dulaa jaŋ.” Dawuda la Jabuuroo, kabiriŋ Filisitinkoolu ye a muta Kati saatewo to. Hee Alla, balafaa n ye, kaatu moolu le be n toorandi kaŋ. N jawoolu le ka tu m mantoora la.

²N jawoolu ka m boyinkaŋ ne waati-wo-waati. Moo jamaa le ka n kele ì la faŋ waroo kaŋ.

³Niŋ n silata, n ka n jikoo sembe ite le la.

⁴N laata Alla le la, aduŋ n te sila la, n ka a jayi a la kumoo kaŋ ne. Hadamadiŋo si muŋ ne noo nte ma?

⁵N jawoolu ka tu m fokumoo yelemandi la le, ka n lañini. Ì ka tu kuu jawoo doroŋ ne siti la n kamma.

⁶Ì ka kafu ñoo ma le, ì ye biti, ka n kekuwolu bee koroosi. Ì ka tara n niyo le nooma.

⁷Hee Alla, ì jarabi ì la kuu kuruŋolu kamma la. Wo moolu boyindi ka bo niŋ i la kamfaa la.

⁸Ite ye nte la yamali-yamaloo bee kalamuta le, i ye n na ñaajii boŋo hapoo loŋ. Fo a bee maŋ tara safeeriŋ i la kitaaboo kono baŋ?

⁹Niŋ ŋa i kumandi tumoo meŋ na, n jawoolu be muru la ì koo la le. Ŋa ñiŋ loŋ ne ko, Alla be m fee le.

¹⁰N laata Alla la le, aduŋ n te sila la, n ka Yaawe* jayi a la kumoo kaŋ ne, n ka a jayi a la kumakaŋo kaŋ ne, hadamadiŋo si muŋ ne noo nte ma?

¹²Hee Alla, m be n na laahidoolu timmandi la i ye le, m be sadaalu* bondi la le ka i tentu,

¹³kaatu i ye n tankandi saayaa ma le, i ye n siŋo tanka takoo ma, fo n si tara taama la ite Alla ñaatiliŋo la, maloo kono meŋ ka baluwo dii.