Read Mandinka Jabuuroolu 61 Bible Online

Jabuuroolu 61 - Mandinka bible

Jabuuroolu 61

¹Meŋ be suukuulaa ñaatonkayaa la: A si laa niŋ kontiŋolu la. Dawuda la Jabuuroo le mu. Hee Alla, i lamoyi n kumboo kaŋo la. N na duwaa moyi.

²N ka i kumandi le ka bo fo duniyaa daŋo to, tuma meŋ na n jikilateyita. N samba tankaraŋ bere baa to, meŋ jamfabaata n ti.

³Bayiri ite le mu n tankandilaa ti, i mu n ye tata bambandiŋo le ti n jawoolu ñaato.

⁴M be ñaaniriŋ i Batudulaa la le, n na baluwo bee kono, ka tara tankariŋ i la suturoo dampammaa koto. S

⁵Kaatu ite Alla ye nte la laahidoolu moyi le, aduŋ i ye keetaafeŋo le dii n na, i ka meŋ dii moolu la mennu ye i kuliyaa.

⁶Allamaa i ye mansa ke siimaa ti. Allamaa a la marali saŋolu tentendi la jamaani naalaalu to.

⁷Hee Alla, Allamaa a la maraloo noo ye tu i ñaa koto fo fawu. Kaayaa a ye, ka i la kanu bambaloo niŋ i la tiliŋo yitandi a la.

⁸Wo kamma la m be suukuwolu laa la le ka i jayi niŋ i too la fo abadaa, aduŋ m be n na laahidoolu timmandi la le luŋ-wo-luŋ.