Read Mandinka Jabuuroolu 70 Bible Online

Jabuuroolu 70 - Mandinka bible

Jabuuroolu 70

¹Meŋ be suukuulaa ñaatonkayaa la: Dawuda la Jabuuroo le mu, ka Yaawe hakiloo bulandi a la. Hee Alla, n tankandi. Yaawe*, naa katabake ka m maakoyi.

²Allamaa moolu ye malu mennu be a kata kaŋ ka m faa. Allamaa ì ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

³Mennu ka n ñaawali, Allamaa ì ye malu fo a ye tambi ì kunna.

⁴Allamaa moolu mennu bee ka i ñiniŋ, ì ye seewoo aniŋ ì ye jusulaa. Moolu mennu be ñaaniriŋ kiisoo la i bulu, Allamaa ì ye tu la a fo la ko, “Alla warata le.”

⁵Alla, nte korita le, aduŋ m mu fentaŋo le ti. Naa n kaŋ tariyaake. Ite le mu m maakoyilaa ti, aniŋ n kiisalaa. Hee Yaawe, kana mee ka m maakoyi.