Read Mandinka Jabuuroolu 75 Bible Online

Jabuuroolu 75 - Mandinka bible

Jabuuroolu 75

¹Meŋ be suukuulaa ñaatonkayaa la: A si laa juloo la ì ka a fo meŋ ye ko, “Kana kasaaroo ke.” Asafu la Jabuura suukuwo le mu. Hee Alla, m̀ be i tentu la, m̀ be i tentu la famfaŋ, kaatu i sutiyaata ǹ na le. Moolu ka i la kaawakuwolu seyinkaŋ ne.

²Alla ko, “Ŋa waatoo londi le, m be kiitiiteyoo ke la niŋ tiliŋo le la.

³Niŋ duniyaa be janjaŋ kaŋ, aniŋ a niilamaa feŋolu bee, nte le be a fondamaŋolu muta la ì ye bambaŋ. S

⁴M be a fo la kibirilaalu ye ko, ‘Ali kana kibiri,’ aniŋ moo kuruŋolu ye ko, ‘Ali kana ali semboo yitandi.

⁵Ali kana ali semboo yitandi faŋ waroo kaŋ, ka diyaamu kuluubaliyaa kaŋ.’ ”

⁶Waroo buka bo moo ye naŋ tiliboo la waraŋ tilijiyo la, sako ka bo a ye keñewuloo* kono.

⁷Bari Alla le ka kiitiyo teyi, a ye doo dooyandi, a ye doo warandi.

⁸Yaawe* la kamfaa mindammaa le be a bulu, meŋ mu a la kiitindiroo ti, moo jawoolu kamma. A be fuusa kaŋ wayini* fatiŋo le la. A be a bee le kupi la, hani tondoo te tu la, moo kuruŋolu ye a bee miŋ.

⁹Bari nte de, m be tu la a kankulaa la le, Alla ye meŋ ke. M be suukuwo laa la le ka Yaakuba la Alla jayi.

¹⁰A be moo kuruŋolu semboo bee buruka la le, bari a be moo tilindiŋolu semboo warandi la le.