Read Mandinka Jabuuroolu 8 Bible Online

Jabuuroolu 8 - Mandinka bible

Jabuuroolu 8

¹Meŋ be suukuulaa ñaatonkayaa la: A si ke niŋ kontiŋ julu seyoo la. Dawuda la Jabuuroo le mu. Kooni Yaawe*, m̀ Maarii, duniyaa bee ye a loŋ ne i too warata ñaameŋ. I la kallankeeyaa* jayiroo ka futa saŋ fatoolu ma le.

²Deenaanoolu niŋ dindiŋolu ka a suukuu le. I ye tankadulaa le loo, i jawoolu la kuwo kamma la, ka konnantewo deyindi, aniŋ julujoolaa.

³Niŋ ŋa i la saŋ fatoolu la kuwo miira, i buloo la daaroo, karoo aniŋ looloolu, i ye mennu londi,

⁴muŋ ne mu moo ti fo i hakiloo ka bula a la? Muŋ ne mu hadamadiŋo ti fo i ka a topatoo?

⁵Hani wo i ye a la fisamanteeyaa dasandi i faŋo la le domandiŋ. I ye horomoo niŋ buuñaa dii a la le, ka a mansayandi.

⁶I ye a marandi i la daaroo bee kunna le, i ye feŋolu bee ke a koto,

⁷saajiyolu niŋ ninsoolu bee, aniŋ wulakono daafeŋolu,

⁸kunoolu mennu ka yaayoo santo, ñewolu mennu ka yaara baa kono, aniŋ baakono daafeŋolu bee.

⁹Kooni Yaawe, m̀ Maarii, duniyaa bee ye a loŋ ne i too warata ñaameŋ.