Read Mandinka Jabuuroolu 82 Bible Online

Jabuuroolu 82 - Mandinka bible

Jabuuroolu 82

¹Asafu la Jabuuroo le mu. Alla siita a la mansasiiraŋo kaŋ sembetiyolu[27] la beŋo to. A ye kiitiyo teyi ì la beŋo to le ko:

²“Janniŋ muŋ tuma le ali be tu la kiitii tilimbaloo ke la, ka laa moo kuruŋolu kaŋ? S

³“Ali tiliŋo taamandi fankantaŋolu ye, aniŋ aliyatiimoolu. Ali moo toorariŋolu la boloo kanta, aniŋ fentaŋolu.

⁴Ali fankantaŋolu niŋ fuwaaroolu bondi, ka ì tanka moo kuruŋolu bulu.

⁵“Ì maŋ feŋ ne loŋ, ì maŋ feŋ fahaamu. Ì ka taama ì faŋ ye diboo le kono, a ye a tara duniyaa bee be teyi kaŋ.

⁶“N ko, ‘Ali mu sembetiyolu le ti, ali bee mu nte Mansa Tallaa diŋolu le ti.’

⁷Hani wo, ali be faa la le ko hadamadiŋolu. Ali la baluwo be baŋ na le ko maralilaa koteŋolu.”

⁸Hee Alla, wuli i ye kiitiyo teyi duniyaa, kaatu bankoolu bee mu i taa le ti.