Read Mandinka Jabuuroolu 87 Bible Online

Jabuuroolu 87 - Mandinka bible

Jabuuroolu 87

¹Kora koomalankoolu la Jabuura suukuwo le mu. Yaawe* ye a la saatewo loo le, a fondamaŋo mu a faŋo la konko senuŋo* le ti.

²Yaawe ye Siyoni* saatewo le kanu ka tambi sabatidulaa koteŋolu bee la Banisirayila[28] kono.

³Alla la saatewo, i lamoyi, kaatu a ye kuma ñiimaalu le fo i la kuwo to. S

⁴A ko, “Misirankoolu[29] niŋ Babiloninkoolu be soŋ na m ma le, ka taa Filisitinkoolu, Tirenkoolu, aniŋ Kusinkoolu*. M be ì muta la Siyoni saatewo diŋolu le ti.”

⁵Ì be kali a fo la Siyoni le la ko, “Kaari niŋ kaari mu jee diŋo le ti,” aduŋ Mansa Tallaa faŋo le be saatewo londi la.

⁶Yaawe be duniyaa bankoolu yaatewo safee la le ka a yitandi ko, “Ñiŋ moo kaari mu Siyoni diŋo le ti.” S

⁷Ì si i doŋ ka suukuwo laa ko: “Ǹ na neemoo sababoo mu Siyoni le ti.”