Read Mandinka Jabuuroolu 98 Bible Online

Jabuuroolu 98 - Mandinka bible

Jabuuroolu 98

¹Jabuuroo le mu. Ali suukuu kutoo laa Yaawe* ye, a ye kaawakuu baalu le ke. A ye nooroo ke a faŋo birisoo le la, aniŋ a sembe senuŋo.

²A ye duniyaa moolu londi a la tankandirilaŋ semboo la le. A ye a la tiliŋo yitandi ì la le.

³A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

⁴Duniyaa moolu bee, ali seewooriŋ baa ye suukuwo laa ka Yaawe jayi, ali seewooriŋo ye wutu suukuwo ti ka a jayi.

⁵Ali kontiŋo kosi Yaawe ye ka suukuu diimaa laa a ye.

⁶Ali footaŋolu niŋ binoolu fee, ka seewoo Yaawe ñaatiliŋo la, ǹ na Mansa.

⁷Fankaasoo ye bumbuŋ, aniŋ a kono feŋolu bee. Bankoo bee ye suukuwo laa, aniŋ feŋ-wo-feŋ be baluuriŋ a kaŋ.

⁸Baajiyolu ye ì buloo kosi ñoo la. Konkoolu seewooriŋo ye wutu ñoo la suukuwo ti,

⁹ì ye suukuwo laa Yaawe ñaatiliŋo la. A ka naa duniyaa kiitindi le, a be duniyaa moolu kiitindi la tiliŋo niŋ tooñaa le la.