Read Mandinka Jabuuroolu 99 Bible Online

Jabuuroolu 99 - Mandinka bible

Jabuuroolu 99

¹Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.

²Yaawe la kuwo warata Siyoni* saatewo kono le, a la kuwo warata duniyaa bankoolu bee kaŋ ne.

³Batu ì ye a jayi a too la, a too silaŋñaa warata le. Yaawe seneyaata le!

⁴Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

⁵Ali Yaawe jayi ǹ na Alla. Ali sujudi a ye a siŋ looraŋo to. Yaawe seneyaata le!

⁶Ali hakiloo si bula Musa niŋ Haaruna la, ì tarata nuŋ Yaawe la piriisoolu* le kono. Samuweli fanaa keta moo le ti meŋ duwaata Yaawe too la. Ì woosiita a ye le, aduŋ a ye ì danku.

⁷A ye i danku ì ma, ka bo minaayi samasimmaa kono. Ì ye a la luwaalu muta, aniŋ a la yaamaroolu, a ye mennu dii ì la.

⁸Ite Yaawe, ǹ na Alla, i ye i danku i la moolu ma le, aduŋ i yamfata ì la junuboolu la, bari hani wo, i ye ì kuluu ì la junuboolu la le.

⁹Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!