Read Mandinka Yesaya 17 Bible Online

Yesaya 17 - Mandinka bible

Yesaya 17

¹Kiilaariyaa kumoo fele Damasiku[21] la kuwo to. Yaawe* ko, “Ali a juubee, Damasiku te kumandi la saatewo la kotenke, kaatu a be naa ke la tumbuŋ tuŋo le ti.

²Aroweri dandanna saatewolu be kenseŋyaa la le, ka ke beeyaŋolu la koorewo ti. Ì si i laa jee, moo te ì silandi la.

³Efurayimu* tatoolu be kasaara la le, mansayaa semboo ye buruka Damasiku. Too meŋ tuta Aramu bankoo kaŋ, be ke la le ko Banisirayila jikiraŋ semboo yeemanta ñaameŋ.” Yaawe Alihawaa Maariyo* le ye a fo.

⁴Yaawe ko, “Wo luŋo la, Yaakuba jikiraŋ semboo be jii la le, a la fankamaayaa ye naa labaŋ fuwaareyaa la.

⁵A be muluŋ na le ko siimaŋ kunkoo, ì ye meŋ karaŋ feefee fo a kenseŋo loota. A kenseŋyaata ko Refayimu Wulumbaŋo ì ye a karaŋ ne fo a banta.

⁶Banisirayila si muluŋ ko olifu* yiroo, ì ye meŋ diŋolu konkoŋ a bala, fo diŋ fula doroŋ waraŋ saba tuta a bala santo, kiliŋ-kiliŋolu ye tara a duuma la.” Yaawe Banisirayila la Alla le ye a fo.

⁷Wo luŋo la, moolu be ì ñaa loo la Daamansoo kaŋ ne, ì ye ì ñaa tiliŋ Banisirayila la Senuŋ Baa la.

⁸Ì te ì ñaa loo la sadaabodulaalu* kaŋ, ì faŋo buloolu ye mennu dadaa. Ì te ì ñaa tiliŋ na ì la jalaŋolu la, wo Asera* dokoolu, aniŋ ì la cuuraayi siisindidulaalu, ì faŋolu buloolu ye mennu dadaa.

⁹Wo waatoo la, Banisirayila saatee tatariŋolu be ke la dulaa kiideeriŋolu le ti. Ì be ke la le ko wo saatewolu, Hiwinkoolu niŋ Amorinkoolu ye mennu tu jee, kabiriŋ Banisirayilankoolu ye jee boyinkaŋ. Jee bee be ke la tumbuŋo le ti.

¹⁰Kaatu ali ñinata Alla la le, ali Kiisandirilaa, ali hakiloo maŋ bula ali la semberaŋ beroo la, ali la tatoo. Ali ye fiifeŋ ñiimaalu tutu, ka bantala jalaŋo batu.

¹¹Hani niŋ ì falinta kuuke le, fo ì ye firoolu bondi, wo soomandaa meŋ na ali ye ì tutu, ali te hani diŋ kiliŋ ne kati la jee. Wo luŋo la, niitoora koleŋo le be tara la keriŋ, aniŋ dimiŋ jaarabaloo.

¹²Hee, maakaŋ waroo banku jamaa kaŋ, ì kumakaŋo be le ko baa maakaŋo! Hee, bumbuŋ kaŋo banku jamaa kaŋ, ì bumbuŋ kaŋo be le ko fankaasoo bumbuŋ kaŋo!

¹³Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

¹⁴Wo luŋo wulaaroo, teremmatoo silaŋ baa le be tara la keriŋ! Janniŋ fanoo ka ke, ì si yeemaŋ. Ñiŋ ne mu ǹ ñapinkannaalu niyo ti, aniŋ ǹ kasaaralaalu taa.