Read Mandinka Esekiyeli 42 Bible Online

Esekiyeli 42 - Mandinka bible

Esekiyeli 42

¹Bituŋ kewo ñiŋ ye n samba banta luwo to niŋ maraa karoo dundaŋ buŋo le la. Ŋa buŋolu le je, ì be Batudulaa Buŋo* kene kenseŋo to, a maraa karoo dandaŋo la. Wo buŋolu fanaa be tilijii la buŋo maraa karoo maafaŋo le la.

²Ñiŋ buŋolu karoo la jamfoo kaañanta nonkonkatiñaa keme le fee. Ì konoo la fanoo kaañanta nonkonkatiñaa taŋ luulu le fee. Ì dundaŋ daalu be maraa karoo le la.

³Konoto luwo kenoo meŋ be ñiŋ buŋolu kara kiliŋo niŋ Batudulaa Buŋo teema, kaañanta nonkonkatiñaa muwaŋ ne fee. Ì kara doo ñaa be tilindiŋ bere sila teruriŋo le la meŋ be banta luwo dandaŋo la. Ñiŋ buŋolu mu buŋ jaŋ jonki saba[44] le ti, aduŋ ì be looriŋ ñoo kaŋ ne komeŋ selenselendaŋo.

⁴Ì ñaatiliŋo la siloo le be jee. Siloo ñiŋ na fanoo kaañanta nonkonkatiñaa taŋ ne fee. A karoo la jamfoo kaañanta nonkonkatiñaa keme le fee. Buŋolu daalu ñaa be tilindiŋ maraa karoo le la.

⁵Buŋolu mennu be jonki labaŋo to, le dooyaata, kaatu teema siloolu ye kene baa le taa ì bala. Buŋolu mennu be jonki teemankoo niŋ duumankoo to, le konoo fanuta.

⁶Wo buŋolu mu jonki saba le ti. Samasiŋ te ì la komeŋ buŋolu mennu be luwo to. Wo le ye a tinna buŋolu mennu be jonki labaŋo to, le fanuta buŋolu ti mennu be jonki foloo niŋ fulanjaŋo to.

⁷Tata sansaŋo le be banta la meŋ be temberiŋ ñiŋ buŋolu niŋ banta luwo fee. A karoo la jamfoo kaañanta nonkonkatiñaa taŋ luulu le fee. A be wo buŋolu le ñaatiliŋo la.

⁸Buŋolu mennu ñaa be tilindiŋ banta luwo la, ì karoo la jamfoo kaañanta nonkonkatiñaa taŋ luulu le fee. Buŋolu mennu ñaa be tilindiŋ Batudulaa Buŋo la, wolu karoo la jamfoo kaañanta nonkonkatiñaa keme le fee.

⁹Buŋolu mennu be duuma la, siloo le be wolu ye tiliboo la, niŋ i be duŋ na ì kono, ka bo naŋ banta luwo to.

¹⁰Dundaŋ daa be tata sansaŋo datidulaa le to meŋ be banta luwo kara la. Buŋ jaŋ doolu le fanaa be tilijii buŋo ye bulubaa karoo la.

¹¹Ñiŋ buŋolu niŋ wo buŋolu mennu be maraa karoo la bee mu siifaa kiliŋolu le ti, aduŋ dundaŋ siloo le be ì fanaa ñaatiliŋo la. Ì karoo la jamfoo niŋ ì konoo la fanoo bee mu kiliŋ ne ti. Ì fintidulaalu la fanoo aniŋ ì bundaalu fanaalu kaañanta le.

¹²Buŋolu mennu be bulubaa karoo ye duuma la, dundaŋ siloo le be wolu ye tiliboo la, niŋ ì be duŋ na buŋolu ñinnu kono.

¹³Bituŋ kewo ñiŋ ko n ye ko, “Maraa karoo niŋ bulubaa karoo buŋolu mennu be kene kenseŋo ñaatiliŋo la, wolu mu buŋ senuŋolu le ti. Piriisoolu* mennu ka sutiyaa Yaawe la, be sadaa* senuŋ baalu[45] domo la jee le to. Ì be sadaa senuŋ baalu ke la jee le to. Wo sadaa senuŋolu le mu siimaŋ sadaalu ti, junube kafarilaŋ sadaalu, aniŋ jooseyiraŋ sadaalu. Kaatu jee mu dulaa senuŋo le ti.

¹⁴Niŋ piriisoolu dunta Batudulaa Buŋo kono, aduŋ ì lafita ka taa banta luwo to, ì ñanta ì la duŋ feŋ senuŋolu tu la ñiŋ buŋolu le kono. Wo le mu duŋ feŋ senuŋolu ti, mennu tarata dundiŋ ì la, kabiriŋ ì be dookuwo la Yaawe ñaatiliŋo la. Ì ñanta ka duŋ feŋ koteŋ doolu le duŋ, wo koolaa ì si naa taa dulaa to, moo koteŋolu ka tara daameŋ to.”

¹⁵Kabiriŋ kewo ñiŋ ye Batudulaa Buŋo konoto baŋ sumaŋ na, a ye m fintindi naŋ niŋ tilibo dundaŋ daa le la. Wo le to a ye a tatoo dandaŋo muumewo sumaŋ.

¹⁶A ye tilibo karoo sumaŋ niŋ sumandirilaŋ dokoo[46] la. A kaañanta nonkonkatiñaa keme luulu le fee.

¹⁷Bituŋ a ye maraa karoo fanaa sumaŋ. A kaañanta nonkonkatiñaa keme luulu le fee.

¹⁸A taata bulubaa karoo fanaa la, a ye a sumaŋ. A kaañanta nonkonkatiñaa keme luulu le fee.

¹⁹A muruta a taata tilijii karoo la, a ye a sumaŋ. A kaañanta nonkonkatiñaa keme luulu le fee.

²⁰A ye a kara naanoo bee sumaŋ wo le ñaama. Tata sansaŋo meŋ be mururiŋ a la, a karoo la jamfoo niŋ a konoo la fanoo bee kaañanta nonkonkatiñaa keme luulu le fee. Tata sansaŋo ñiŋ ne be dulaa senuŋo niŋ dulaa koteŋolu teema.