Read Mandinka 4 Musa 7 Bible Online

4 Musa 7 - Mandinka bible

4 Musa 7

¹Biriŋ Musa ye Tiriliisi Senuŋo* baŋ loo la luŋo meŋ na, a ye a toloo niŋ tulu senuŋo* le la ka a kuliyaa, a niŋ a feŋo bee. A ye sadaajanidulaa* fanaa kuliyaa wo le ñaama, a niŋ a jooraŋolu bee.

²Bituŋ Banisirayila maralilaalu mennu mu dimbaayaa ñaatonkoolu ti, lasili ñaatonkoolu, mennu tarata maakoyiroo la kuŋyaatewo to, naata sadaalu* bo.

³Ì ye sareeti wooro le samba naŋ Yaawe* ñaatiliŋo la, aniŋ ninsi taŋ niŋ fula: ñaatonka-wo-ñaatonka ninsi kiliŋ, aniŋ ì moo fula-wo-fula sareeti kiliŋ, ka ì ke buuñaa feŋo ti. Ì ye ñinnu le londi Tiriliisi Senuŋo ñaatiliŋo la.

⁴Yaawe ko Musa ye ko,

⁵“Ñiŋ feŋolu muta ì bulu, ì si nafaa soto noo le, niŋ Bendulaa Tiriliisi Senuŋo dookuwo be keriŋ. Lewi lasiloo moolu, moo-wo-moo la dookuwo ye meŋ kaniŋ, i ye a dii a la.”

⁶Bituŋ Musa ye wo sareetoolu niŋ ninsoolu taa, a ye ì dii Lewi lasiloo moolu la.

⁷A ye sareeti fula, ninsi naani le dii Kerisoni koomalankoolu la, ko ì la dookuwo ye a kaniŋ ñaameŋ.

⁸Bituŋ a ye sareeti naani dii Merari koomalankoolu la, aniŋ ninsi seyi, ko ì la dookuwo ye a kaniŋ ñaameŋ. Ì bee be Itama la yaamaroo le koto, Piriisi* Haaruna dinkewo.

⁹Bari Musa maŋ feŋ dii Kohati koomalankoolu la, kaatu itolu le ñanta Tiriliisoo la feŋ senuŋolu duni la ì kaboolu kaŋ, ì marata mennu la.

¹⁰Biriŋ sadaajanidulaa toloota niŋ tulu senuŋo la luŋ meŋ na, ñaatonkoolu ye ì la buuñaa feŋolu samba naŋ ne tolooroo to, ì ye ì landi a ñaatiliŋo la.

¹¹Yaawe ko Musa ye ko, “Luŋ-wo-luŋ, ñaatonka kiliŋ ne ñanta a la sadaa samba la naŋ, sadaajanidulaa toloo kamma la.”

¹²Moo meŋ ye a la sadaa samba naŋ luŋ foloo, wo le mu Naasoni ti, Amminadabu dinkewo, ka bo Yahuuda lasiloo kono.

¹³A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo* be ñaamiriŋ, ka ke siimaŋ sadaa ti.

¹⁴A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

¹⁵A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

¹⁶A ye baakotoŋ kiliŋ ne samba naŋ, ka ke junube kafarilaŋ sadaa ti.

¹⁷A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Naasoni la sadaa ti, Amminadabu dinkewo.

¹⁸Luŋ fulanjaŋo, Netaneli le ye a la sadaa samba naŋ, Suwari dinkewo, Isakari lasiloo ñaatonkoo.

¹⁹A ye sadaa meŋ samba naŋ, wo le mu kodiforo booli kiliŋ ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

²⁰A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

²¹A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

²²A ye baakotoŋ kiliŋ ne samba naŋ, ka ke junube kafarilaŋ sadaa ti.

²³A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Netaneli la sadaa ti, Suwari dinkewo.

²⁴Luŋ sabanjaŋo, Eliyabu le ye a la sadaa samba naŋ, Heloni dinkewo, Sebuluni lasiloo ñaatonkoo.

²⁵A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

²⁶A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

²⁷A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

²⁸A ye baakotoŋ kiliŋ ne samba naŋ, ka ke junube kafarilaŋ sadaa ti.

²⁹A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Eliyabu la sadaa ti, Heloni dinkewo.

³⁰Luŋ naaninjaŋo, Elisuri le ye a la sadaa samba naŋ, Sedeyuri dinkewo, Rubeni lasiloo ñaatonkoo.

³¹A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

³²A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

³³A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

³⁴A ye baakotoŋ kiliŋ ne samba naŋ, ka ke junube kafarilaŋ sadaa ti.

³⁵A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Elisuri la sadaa ti, Sedeyuri dinkewo.

³⁶Luŋ luulunjaŋo, Selumiyeli le ye a la sadaa samba naŋ, Surisadayi dinkewo, Simeyoni lasiloo ñaatonkoo.

³⁷A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

³⁸A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

³⁹A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁴⁰A ye baakotoŋ kiliŋ ne samba naŋ, ka ke junube kafarilaŋ sadaa ti.

⁴¹A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Selumiyeli la sadaa ti, Surisadayi dinkewo.

⁴²Luŋ wooronjaŋo, Eliyasafu le ye a la sadaa samba naŋ, Duweli dinkewo, Kadu lasiloo ñaatonkoo.

⁴³A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁴⁴A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁴⁵A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁴⁶A ye baakotoŋ kiliŋ ne samba naŋ, ka ke junube kafarilaŋ sadaa ti.

⁴⁷A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Eliyasafu la sadaa ti, Duweli dinkewo.

⁴⁸Luŋ woorowulanjaŋo, Elisama le ye a la sadaa samba naŋ, Ammihudi dinkewo, Efurayimu* lasiloo ñaatonkoo.

⁴⁹A la sadaa mu kodiforo booli kiliŋ ne ti, meŋ na kuliyaa mu kiloo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁵⁰A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁵¹A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁵²A ye baakotoŋ kiliŋ ne samba naŋ, ka ke junube kafarilaŋ sadaa ti.

⁵³A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Elisama la sadaa ti, Ammihudi dinkewo.

⁵⁴Luŋ seyinjaŋo, Kamaliyeli le ye a la sadaa samba naŋ, Pedaasuri dinkewo, Manase lasiloo ñaatonkoo.

⁵⁵A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁵⁶A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁵⁷A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁵⁸A ye baakotoŋ kiliŋ ne samba naŋ, ka ke junube kafarilaŋ sadaa ti.

⁵⁹A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Kamaliyeli la sadaa ti, Pedaasuri dinkewo.

⁶⁰Luŋ konontonjaŋo, Abidani le ye a la sadaa samba naŋ, Kidoni dinkewo, Benjamini lasiloo ñaatonkoo.

⁶¹A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁶²A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁶³A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁶⁴A ye baakotoŋ kiliŋ ne samba naŋ, ka ke junube kafarilaŋ sadaa ti.

⁶⁵A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Abidani la sadaa ti, Kidoni dinkewo.

⁶⁶Luŋ tanjaŋo, Ahiyesa le ye a la sadaa samba naŋ, Ammisadayi dinkewo, Dani lasiloo ñaatonkoo.

⁶⁷A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁶⁸A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁶⁹A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁷⁰A ye baakotoŋ kiliŋ ne samba naŋ, ka ke junube kafarilaŋ sadaa ti.

⁷¹A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Ahiyesa la sadaa ti, Ammisadayi dinkewo.

⁷²Luŋ taŋ niŋ kilinjaŋo, Pakiyeli le ye a la sadaa samba naŋ, Okirani dinkewo, Aseri lasiloo ñaatonkoo.

⁷³A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁷⁴A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁷⁵A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁷⁶A ye baakotoŋ kiliŋ ne samba naŋ, ka ke junube kafarilaŋ sadaa ti.

⁷⁷A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Pakiyeli la sadaa ti, Okirani dinkewo.

⁷⁸Luŋ taŋ niŋ fulanjaŋo, Ahira le ye a la sadaa samba naŋ, Enani dinkewo, Nafutali lasiloo ñaatonkoo.

⁷⁹A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

⁸⁰A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

⁸¹A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

⁸²A ye baakotoŋ kiliŋ ne samba naŋ, ka ke junube kafarilaŋ sadaa ti.

⁸³A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Ahira la sadaa ti, Enani dinkewo.

⁸⁴Ñinnu le mu Banisirayila ñaatonkoolu la sadaalu ti, kodiforo booli taŋ niŋ fula, kodiforo keraŋ taŋ niŋ fula aniŋ sani boolindiŋ taŋ niŋ fula, ka sadaajanidulaa kerekere ì la, biriŋ a toloota niŋ tulu senuŋo la.

⁸⁵Ñiŋ kodiforo booloolu kiliŋ-wo-kiliŋ, a la kuliyaa taata kaañaŋ kilo kiliŋ ne fee aniŋ talantee, bituŋ kodiforo keraŋolu, wolu kiliŋ-wo-kiliŋ na kuliyaa taata kaañaŋ karaamu keme seyi le fee. Kodiforo keraŋolu bee kafoo ñoo ma, ì la kuliyaa taata kaañaŋ kilo muwaŋ niŋ woorowula le fee, aniŋ karaamu keme wooro. Ì peesata niŋ Batudulaa Senuŋo peesariñaa le la.

⁸⁶Sani boolindiŋ taŋ niŋ fuloo, cuuraayoo be faariŋ mennu kono, kiliŋ-kiliŋ naa la kuliyaa taata kaañaŋ karaamu keme niŋ muwaŋ ne fee. Ì peesata niŋ Batudulaa Senuŋo peesariñaa le la. Ñiŋ sani boolindiŋolu bee la kuliyaa taata kaañaŋ kilo kiliŋ ne fee aniŋ karaamu keme naani karaamu taŋ naani.

⁸⁷Beeyaŋo meŋ faata ka ke jani sadaa ti, taata kaañaŋ ninsituuraa taŋ niŋ fula le fee, saakotoŋ taŋ niŋ fula, aniŋ sanji kiliŋ saakotoŋ taŋ niŋ fula, ka kafu ì la siimaŋ sadaa ma. Baakotoŋ taŋ niŋ fula, ì ye wo le taa ka ke junube kafarilaŋ sadaa ti.

⁸⁸Beeyaŋo meŋ nankamoo keta kayira sabatindiraŋ sadaa ti, taata kaañaŋ ninsi muwaŋ niŋ naani le fee, saakotoŋ taŋ wooro, baakotoŋ taŋ wooro, aniŋ sanji kiliŋ saakotoŋ taŋ wooro. Ñinnu le keta sadaalu ti ka sadaajanidulaa kerekere ì la, biriŋ a toloota niŋ tulu senuŋo la.

⁸⁹Niŋ Musa dunta Bendulaa Tiriliisi Senuŋo kono waati-wo-waati ka diyaamu Yaawe ye, a ka diyaamukaŋo moyi le ka bo naŋ a ye kerubu malaayika* fuloo teema, mennu be Kambeŋ Kunewo* bitindaŋo[4] santo. Yaawe ka diyaamu Musa ye teŋ ne.