Read Manggarai MATÉUS 19 Bible Online

MATÉUS 19 - Manggarai bible

MATÉUS 19

¹Du cemold taung toing de Mori Yésus, itu kali ngon Hia oné mai Galiléan agu cai oné tana Yudéa ata besina mai waé Yordany.

²Ata do lako londang lut Hias agu Hia kolé pandé ina iséy nitu.

³Itu kali maid ata Parisi agu te damang Hia. Réi 1isé: “Ngancéng ata céar agu winan, landing apa kaut comongn?”

⁴Mai walé de Mori Yésus: “Toé bacang le méu, te Hiat dédékn manusia pu’ung du wangkan, dédék isét ata rona agu inéwai?”

⁵agu nenggo’o kolé taén: “Landing hitu ata rona ledong eman agu endén te neki ca agu winan, wiga isét sua ciri ca wekis.

⁶Nenggitu dé, isé toé sua kolés, maik cas kali ga. Landing hitu, apa ata poli neki cas le Mori Keraéng, toé ngancéng céar le manusiad.”

⁷Mai taé disé ngong Hia: “Émé nenggitu, apa weli rajan hi Musa tara jera te téing surak céar émé ata céar agu winan?”

⁸Mai taé de Mori Yésus agu isé: “Le ndingur bails méu tara sendos li Musa te céar agu winas, maik du wangka pu’ungn toé nenggitu.

⁹Maik aku taé agu méu: Céing kaut ata céar winan, aikn landing le loma, poli hitu kawing agu inéwai banay, hia pandé lomay.”

¹⁰Mai taé data nungkun situ agu Hia: “Émé nenggitu woé-joé wina rona, komé néka kaut kawing.”

¹¹Landing hitu mai taé Diha agu isé: “Toé sanggén ata ita salangn curup hitu, hanang isét téing widang kali.

¹²Manga ata hitut toé ngancéng kawingn soho nenggitu kéta muing hia loas le endén, agu ata hitut nenggitu muing pandén lata bana, agu manga ata hitut pandé weki run nenggitu, ngoéng de run, landing kaut perénta Surga. Céing ata ngancéng pecing betuan paka tingoy.”

¹³Itu kali ata, dadé anak koé oné Mori Yésus, kudut Hia témba limén béta isé agu ngaji latang te isé; maik ata nungkun rabo ata situ.

¹⁴Maik mai taé de Mori Yésus: “Ondangs anak koé situ, néka cakas te mai nggere-cé’é Aku; ai ata ného isé situ dé morin Adak Surga.”

¹⁵Itu kali Hia témba limén bétan isé agu poli hitu Hia ngog nitu main.

¹⁶Manga cengata ata mai oné Mori Yésus, agu mai taén: “Tuang Guru, apa ata di’an pandé daku, kudut haéng mosé tédéng lén?”

¹⁷Mai walé de Mori Yésus: “Apa rajan tara réi Akum hau te apa ata di’an? Ca kanang ata di’an. Maik émé nanang le hau ngo oné mosé, lut le hau sanggéd perénta de Mori Keraéng.”

¹⁸Mai taé data hitu agu Hia: “Perénta hiot niay?” Mai taé de Mori Yésus: “Néka paki ata, néka loma, néka tako, néka sabi nggopét,

¹⁹hiang ga emam agu endém, agu momang haé atam cama ného weki rum.”

²⁰Mai taé data reba hitu agu Hia: “Sanggéd taung situ poli taungs laku pandéd, apa koléd ata toén?”

²¹Mai taé de Mori Yésus agu hia: “Émé ngoéng kudut jepekm hau, ngoh ga, pika kéta taungs paéngm agu téing isét lénggé, le hitu hau tiba paéng de Surga, poli hitu nggere-cé’é Aku agu lut Akuh.”

²²Du dengé lata reba hitu curup hitu, itu kali ngon agu kémas kéta nain, ai do kéta paéngn.

²³Mai taé de Mori Yésus agu ata nungkun: “Aku taé agu méu, moron tu’ung, toé kéta émong latang te cengata ata bora te ngo oné osang Surga.

²⁴Te cengkalin kolé Aku taé agu méu, céwé émong can kaba ngo nggeroné lewo jarum itu po can ata bora ngo oné osang Surga.”

²⁵Du dengé hitu lata nungkun gejék hitu, lenget kétas isé, agu mai taéd: “Émé nenggitu, céing weli ata ngancéng selamakn?”

²⁶Mbeler kéta lélod isé le Mori Yésus, agu mai taén: “Latang te manusia paté ho’o toé ngancéng, maik latang te Mori Keraéng ngancéng sanggén taung.”

²⁷Mai taé di Pétrus agu Mori Yésus: “Ami ho’o poli ledong sanggéd cao-cagm mai lut Itékm: aon weli ga, apay ata te tiba dami?”

²⁸Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

²⁹Agu nété-néténg ata hitut ledong mbarud landing ngasang Daku, asé-ka’én ko wetan, eman ko endén, anakn ko uman, te tiba kolé ceratus ngkali mpalé agu te haéng mosé tédéng lén.

³⁰Maik dod ata cai tekolo te ciri ata taki musi laings, agu ata teke musi ciri ata te kolo laings.”