Read Manggarai 2 KORINTUS 2 Bible Online

2 KORINTUS 2 - Manggarai bible

2 KORINTUS 2

¹Aku poli wérét oné naig, kudut toé mai kolék te pandé wéong nai de méu.

²Ai émé aku pandé wéong nai de méu, céing kolé ata pandé nisang nai daku, émé toé ata so’ot pandé kémas naid laku.

³Ai latang te hitu betuan surak daku olo, kudut émé maik aku, néka wéong kolék aku landing isé, kalim po isé ata paka pandé nisang nai daku. Ai imbi laku sanggés méu, te nisang nai daku cama kolé ného nisang nai de méu.

⁴Aku tulis latang te méu déméng agu simpung kig agu wugu pucug, agu ndurus kin waé lu’ug, toé kudut pandé wéong nais, maik kudut pecing le méu, mésé kétay momang daku latang te sanggés méu.

⁵Maik émé manga ata pandé wéong nai, toé pandé wéong nai dakus, maik nai de sanggés méu, ko de pisa taun oné mai méu. Toé tombo jondér daku ho’o.

⁶Latang te ata nenggitu, remo poli wahéng le ata do oné mai méu.

⁷Maik méu paka ampong agu lémbu hia, kudut néka ampus ali leng bailn wéong nai.

⁸Ali hitu aku toing méu, kudut méu momang tu’ung hia.

⁹Ai hitu betuan surak daku hitu latang te méu kudut damang méu, ot lorong ko toé le méu oné sanggéd cao-ca.

¹⁰Ai céing ata ampong le méu salan, aku kolé ampongy. Ai émé ampong laku ata sala — émé manga ata paka ampong laku — ampong laku hia te di’a méu oné ranga di Kristus,

¹¹kudut jing da’at néka pandé nggopét ité, ai pecing lité apa betuan ngoéng diha.

¹²Du cai daku oné Troas latang te wéro Keréba Di’a di Kristus, idep laku te Mori Keraéng poli céngka para latang te gori hitu.

¹³Maik nai daku toé manga mekun, ai aku toé manga cumang hi Titus, asé-ka’é ca imbi daku. Ali hitu aku pelekana, agu ngo oné tana Makédonia.

¹⁴Maik wali di’a kamping Mori Keraéng, ata titong mtaung ami ata nai ca anggit agu hi Kristus oné salang ontong Diha. Létang laing ami Hia wécak bengé, wiga pecing Hia lata nia-nia kaut wan.

¹⁵Ai latang te Mori Keraéng ami ho’o cama ného néndong bengé di Kristus oné bahi-réha isét selamak agu oné isét mata.

¹⁶Latang te isét mata ami ciri wau buing hitut pandé mata; agu latang te isét selamak ami ciri bengé latang te pandé mosé. Maik céing ata ngancéng pandé gori nenggitu?

¹⁷Ami toé cama agu ata bana situt pika reweng de Mori Keraéng. Maik landing le nai ca anggit agu hi Kristus, ami curup tu’ung kéta ali bakok nai lorong perénta de Mori Keraéng oné ranga Diha.