Read Manggarai GALATIA 1 Bible Online

GALATIA 1 - Manggarai bible

GALATIA 1

¹Aku hi Paulus ata ciri rasul, toé landing lut manusia ko toé kolé landing téti le cengata manusia, maik ata pilé li Yésus Kristus agu Mori Keraéng, Ema ata pandé to’o kolé Hia oné-mai ata matan.

²Tabé oné-mai aku agu sanggéd asé-ka’é ca imbi latang te sanggéd weki serani oné tana Galatia.

³Nahé widang di’a agu hambor-libur oné-mai Mori Keraéng Ema dité, agu oné-mai Mori Yésus Kristus loréng méu.

⁴Kudut lorong ngoéng de Mori Keraéng Ema dité, Hi Kristus poli téing wekin landing sanggéd ndékok dité, kudut céla ité uwa te ho’on oné-mai sanggéd ata da’atd.

⁵Latang te Hia kali mengit tédéng lén! Amén.

⁶Lenget kolék aku, ai méu gélang kétam holés oné-mai Mori Keraéng, ata poli pilé méun landing widang di Kristus. Co’o tara rodo gélangs kéta méu lorong keréba di’a bana,

⁷ata woléngn agu Keréba Di’a de Mori Keraéng? Bo tu’ung manga ata pandé cebel méu te pandé holé-halés Keréba Di’a di Kristus.

⁸Ata hitut ba keréba di’a bana ata woléngn agu Keréba Di’a hitut poli keréban lami oné méu, nahé niur kéta hia, koném po ata hitu oné-mai weki rug ami ko oné-mai cengatan malékat éta-mai Surga.

⁹Ného ata poli tombon lami bolon, ho’o ga taé kolé ca ngkalin laku oné méu: Émé manga ata ba keréba di’a bana, ata woléngn agu Keréba Di’a ata poli tiban le méu oné-mai ami, nahé niur hia hitu.

¹⁰Jari, co’o weli ho’o ga: Aku kawé naring de manusia ko kawé naring oné-mai Mori Keraéng? Ko aku rémé emi nai de manusia, kudut naring lata? Émé nenggitu pandé daku, ngong aku toé mendi di Kristusk.

¹¹Asé-ka’én, masa kéta curup daku ho’o agu méu, te Keréba Di’a hitut wéro daku, toé keréba di’a oné-mai manusia.

¹²Ai aku toé tiba keréba di’a ho’o oné-mai manusian agu toé kolé manusia ata toingn oné aku, maik tiba laku lut si’ang di Yésus Kristus.

¹³Ai polig dengén le méu mosé daku danong oné agama Yahudi: Toé kéta ké’éts laku wahéngd ro’éng de Mori Keraéng agu wuli weki daku kudut pandé ampus taung isé.

¹⁴Oné wintuk adak Yahudi kolé aku céwé nggepuk oné-mai sanggéd haé reba ata cama uwa agu akus. Oné-mai sanggéd wa’u daku, aku kéta kali ata seber te nipu ruku agu saké adak disé empo.

¹⁵Maik ali di’a de Mori Keraéng poli pilé akun pu’ung oné-mai tuka de endég agu bénta aku ali widang Diha.

¹⁶Mori Keraéng kolé henan te toi AnakN oné aku, kudut aku keréba AnakN hitu oné sanggéd wa’u bana ata toé wa’u Yahudi. Du hitu aku toé kéta gorig te tegi cica de manusia.

¹⁷Aku toé kolé ngok oné Yérusalém kudut cumang agu isét poli ciri rasuld bolon mai aku. Maik aku ngo oné tana Arab agu nitu maig holés kolé nggere-oné béndar Damsyik.

¹⁸Telu ntaung poli hitu, aku ngo oné Yérusalém kudut la’at hi Petrus, agu aku ka’éng campululima lesok oné mbaru diha.

¹⁹Maik aku toé manga ita cengatan koé sanggéd rasul situt iwod, hanang hi Yakobus, asé-ka’é de Mori Yésus.

²⁰Bolo mai ranga de Mori Keraéng masa kéta laku curupn: Apa ata tulis laku latang te méu laing molorn kéta, toé ata nggopét.

²¹Poli hitu aku ngo oné tana Siria agu Kilikia.

²²Landing weki serani oné tana Yudéa toé kin pecing tara daku.

²³Ata dengé disé kali te aku danong ngoéng te mbelé isé, maik te ho’on ga aku mai ba Keréba Di’a hitut kudut pandé ampus laku danong.

²⁴Itu kali isé bong ngasang de Mori Keraéng landing aku.